Year: 2019

ബെംഗളൂരു: സംസ്ഥാനത്ത് ബി.ജെ.പി. സർക്കാർ ടിപ്പുജയന്തി ആഘോഷം നിർത്തലാക്കിയതിനുപിന്നാലെ ഹിന്ദുത്വസംഘടനാപ്രവർത്തകരുടെ പേരിലുള്ള കേസുകളും റദ്ദാക്കാനാരുങ്ങുന്നു. കോൺഗ്രസ് സർക്കാരിന്റെ കാലത്ത് രണ്ടായിരത്തോളം ഹിന്ദുത്വസംഘടനാപ്രവർത്തകരുടെ പേരിലെടുത്ത കേസുകൾ റദ്ദാക്കാനാണ് നീക്കം. കേസ് റദ്ദാക്കണമെന്നാവശ്യപ്പെട്ട് ബി.ജെ.പി. നിയമസഭാംഗങ്ങളായ കെ.ജി. ബൊപ്പയ്യ, രൂപാളി നായിക്‌ എന്നിവരാണ് മുഖ്യമന്ത്രി ബി.എസ്. യെദ്യൂരപ്പയ്ക്ക് അപേക്ഷ നൽകിയത്. എം.എൽ.എ.മാരുടെ അപേക്ഷയിൽ ആവശ്യമായ നടപടിയെടുക്കാൻ മുഖ്യമന്ത്രി ഉദ്യോഗസ്ഥർക്ക് നിർദേശംനൽകി. 2017-ൽ ഉത്തര കന്നഡയിലെ ഹൊന്നവാരയിൽ ബി.ജെ.പി. പ്രവർത്തകൻ പരേഷ് മെസ്തയെ മരിച്ചനിലയിൽ കാണപ്പെട്ടതിനെത്തുടർന്നും ടിപ്പുജയന്തി ആഘോഷത്തെത്തുടർന്നും ഉണ്ടായ സംഘർഷവുമായി ബന്ധപ്പെട്ട്‌ രണ്ടായിരത്തോളം പ്രവർത്തകരുടെപേരിൽ കേസെടുത്തിരുന്നു. അന്ന് മുഖ്യമന്ത്രിയായിരുന്ന സിദ്ധരാമയ്യയ്ക്കുനേരെ…

ബെംഗളൂരു: നഗരത്തിലെ 35 മത്തെ പോലീസ് കമ്മീഷണറായി ഭാസ്കർ റാവു ഐ പി എസ് അധികാരമേറ്റെടുത്തു.1990 ബാച്ച് ഐപിഎസ് ഓഫീസറാണ്. നിലവിൽ കർണാടക റിസർവ് പോലീസിൽ എ.ഡി.ജി.പി യായി സേവനമനുഷ്ഠിക്കുകയായിരുന്നു. സിറ്റി പോലീസ് കമ്മീഷണർ ആയിരുന്ന അലോക് കുമാറിനെ ഈ സ്ഥാനത്തേക്ക് ഒഴിവുവന്ന ഈ സ്ഥാനത്തേക്ക് മാറ്റി. ഏകദേശം ഒരു മാസം മുൻപ് മാത്രമാണ് സുനീൽ കുമാർ ഐ.പി.എസിൽ നിന്ന് അലോക് കുമാർ സിറ്റി പോലീസ് കമ്മീഷണർ സ്ഥാനം ഏറ്റെടുത്തത്. വിശിഷ്ട സേവനത്തിനുള്ള രാഷ്ട്രപതിയുടെ മെഡൽ 2017 ലും 2018 ല്യം നേടിയ ഓഫീസറാണ്…

ബെംഗളൂരു : കടം കുമിഞ്ഞു കൂടിയതോടെ അതിൽ നിന്ന് രക്ഷപ്പെടാനുള്ള നടപടികളുമായി മരിച്ച കോഫി കിംഗ് ജി.വി. സിദ്ധാർത്ഥയുടെ കുടുംബം. സി സി ഡി യു ടെ ഉടമസ്ഥതയിലുള്ള 90 ഏക്കർ സ്ഥലം വിൽക്കാനുള്ള നടപടിയുമായി ബന്ധപ്പെട്ട് യു എസ് ആസ്ഥാനമായിട്ടുള്ള ബ്ലാക്ക് സ്റ്റോണുമായി ചർച്ച തുടങ്ങി. ഇതിൽ നിന്ന് 3000 കോടി ശേഖരിക്കാനാണ് ലക്ഷ്യമിടുന്നത്. കടം നൽകിയ ബാങ്കുകളും ധനകാര്യ സ്ഥാപനങ്ങളും അതിന് അനുകൂലമായി പ്രതികരിച്ചു കഴിഞ്ഞു. ജി.വി. സിദ്ധാർത്ഥ ജീവിച്ചിരിക്കുമ്പോൾ തന്നെ തുടങ്ങിയിരുന്ന ചർച്ചകൾ അദ്ദേഹത്തിന്റെ മരണത്തോടെ കൂടുതൽ വേഗത്തിലാക്കുകയായിരുന്നു. സിസിഡിയുടെ…

ബെംഗളൂരു: കോഫി രാജാവ് വി.ജി സിദ്ധാർത്ഥയുടെ അകാല വിയോഗത്തെത്തുടർന്ന്,​ അദ്ദേഹത്തിന്റെ ഭാര്യ മാളവിക ഹെഗ്ഡേ,​ കോഫി ഡേ എന്റർപ്രൈസസിന്റെ ചെയർപേഴ്സൺ ആൻഡ് മാനേജിംഗ് ഡയറക്ടറായി ചുമതലയേറ്റേക്കുമെന്ന് സൂചന. നിലവിൽ കമ്പനി ബോർഡ് അംഗമാണ് മാളവിക. കൂടുതൽ ഭാരിച്ച ഉത്തരവാദിത്തങ്ങൾ അവരെ ഏൽപ്പിക്കുന്നത് സംബന്ധിച്ച് ബോർഡ് പിന്നീട് ചർച്ച ചെയ്യും. എന്നാൽ,​ കൂടുതൽ നടപടികളെല്ലാം തന്നെ ഇപ്പോഴത്തെ മാനസിക വിഷമത്തിൽനിന്ന് അവർ കരകയറിയതിന് ശേഷം മാത്രമേ ഉള്ളുവെന്ന് കമ്പനിയോടടുത്ത വൃത്തങ്ങൾ അറിയിച്ചു. അതേസമയം,​ സിദ്ധാർത്ഥയുടെ നിര്യാണത്തെത്തുടർന്ന് കമ്പനിയുടെ ഇടക്കാല ചെയർമാനായി ഇൻഡിപെൻഡന്റ് ഡയറക്ടറായിരുന്ന എസ്.വി രംഗനാഥിനെ…

ബെംഗളൂരു: ഉപതിരഞ്ഞെടുപ്പ് തന്ത്രങ്ങൾ ചർച്ച ചെയ്യാൻ വ്യാഴാഴ്ച കെ.പി.സി.സി. ആസ്ഥാനത്ത് യോഗം ചേർന്നു. വിമത എം.എൽ.എ.മാരെ അയോഗ്യരാക്കിയതിനെത്തുടർന്നാണ് 17 നിയോജകമണ്ഡലങ്ങളിൽ നടക്കാനിരിക്കുന്ന ഉപതിരഞ്ഞെടുപ്പിന് കോൺഗ്രസ് ഒരുങ്ങുന്നത്. തിരഞ്ഞെടുപ്പിനുള്ള ഒരുക്കങ്ങൾക്കായി ഓരോ മണ്ഡലത്തിലും മുതിർന്ന നേതാവിന്റെ നേതൃത്വത്തിലുള്ള സംഘത്തെ നിയോഗിക്കുമെന്ന് കെ.പി.സി.സി. അധ്യക്ഷൻ ദിനേശ് ഗുണ്ടുറാവു പറഞ്ഞു. പാർട്ടിപ്രവർത്തകരുമായി ഇവർ സംവദിക്കുകയും പാർട്ടിയുടെ ശക്തി, ദൗർബല്യങ്ങൾ വിലയിരുത്തി ആവശ്യമായ നടപടിയെടുക്കുകയും ചെയ്യും. ഓരോ മണ്ഡലത്തിലെയും ചുമതലയുള്ള സംഘത്തെ വെള്ളിയാഴ്ച പ്രഖ്യാപിക്കുമെന്നും ഗുണ്ടുറാവു പറഞ്ഞു. 17 മണ്ഡലങ്ങളിലെയും ജനങ്ങളിൽനിന്നും പാർട്ടി പ്രവർത്തകരിൽനിന്നും മികച്ച പ്രതികരണമാണ് ലഭിക്കുന്നതെന്നും വിമത എം.എൽ.എ.മാരെ അയോഗ്യരാക്കിയ…

ന്യൂഡൽഹി: എം.എൽ.എമാരെ അയോഗ്യരാക്കാനുള്ള അധികാരം നിയമസഭാ സ്പീക്കർക്കാണെന്നിരിക്കെ, അതില്‍ കോടതി തീരുമാനമെടുക്കേണ്ട കാര്യമെന്താണെന്ന് സുപ്രീംകോടതി. തമിഴ്നാട് ഡി.എം.കെ നേതാവ് നൽകിയ ഹരജിയിലാണ് കോടതിയുടെ നിർണായകമായ നിരീക്ഷണം. എം.എൽ.മാരെ അയോഗ്യരാക്കിയ കർണാടക സ്പീക്കറുടെ തീരുമാനം പുനപരിശോധിക്കാൻ വിമത എം.എൽ.എമാർ കോടതിയെ സമീപിച്ചതിന് തൊട്ടടുത്ത ദിവസമാണ് സുപ്രീംകോടതി ചോദ്യമുന്നയിച്ചിരിക്കുന്നത്. ഭരണഘടനയുടെ പത്താം ഷെഡ്യൂൾ പ്രകാരം അയോഗ്യനാക്കാനുള്ള അധികാരം സ്പീക്കർക്കാണ്. ഇതിന്റെ പശ്ചാതലത്തിൽ കോടതി എന്തിന് ഇടപെടണമെന്നാണ് ജസ്റ്റിസ് എസ്.എ ബോബ്ഡെ, ആർ സുഭാഷ് റെഢി, ബി.ആർ ഗവായ് എന്നിവരടങ്ങുന്ന ബെഞ്ച് ചോദിച്ചത്. തമിഴ്നാടിലെ 11 എ.ഐ.എ.ഡി.എം.കെ എം.എൽ.എമാരെയും,…