Day: 19 October 2019

ബെംഗളൂരു: ദീപാവലിക്ക് 1600 സ്‌പെഷ്യൽ ബസ്സുകളും 10% വരെ ഡിസ്‌കൗണ്ടും പ്രഖ്യാപിച്ച് കർണാടക ആർ.ടി.സി !! കേരളം ഉൾപ്പെടെ അന്യ സംസ്ഥാനങ്ങളിലേക്കും സംസ്ഥാനത്തെ  ഇതരഭാഗങ്ങളിലേക്കുമായാണ് സ്‌പെഷ്യൽ സർവീസുകൾ. ഈ മാസം 25 മുതൽ 27 വരെ ബെംഗളൂരുവിൽ നിന്നും 27 മുതൽ 29 വരെ തിരിച്ചുമാണ് സ്പെഷൽ സർവീസുകൾ ഉണ്ടാവുക. നാലോ അതിലധികമോ ടിക്കറ്റ് ഒരുമിച്ച് ബുക്ക് ചെയ്താൽ 5 ശതമാനവും ഇരുവശത്തേക്കുമുള്ള ടിക്കറ്റ് ഒരുമിച്ച് ബുക്ക് ചെയ്താൽ മടക്ക ടിക്കറ്റിൽ 10% ഡിസ്‌കൗണ്ട്  ലഭിക്കും.

ബെംഗളൂരു: കോപ്പിയടി തടയാന്‍ കുട്ടികളുടെ തലയില്‍ കാര്‍ഡ് ബോര്‍ഡ് പെട്ടി വച്ച ബെംഗളൂരു ഭഗത് പ്രീ യൂണിവേഴ്സിറ്റി വിവാദത്തിൽ. കഴിഞ്ഞ ബുധനാഴ്ചയാണ് ആദ്യവര്‍ഷ പ്രീഡിഗ്രി വിദ്യാര്‍ത്ഥികളെയാണ് കാര്‍ഡ് ബോര്‍ഡ് പെട്ടികള്‍ തലയില്‍ വെച്ച ശേഷം പരീക്ഷ എഴുതാന്‍ അനുവദിച്ചത്. സംഭവം വിവാദമായതോടെ വിദ്യാഭ്യാസ ഉപ ഡയറക്ടര്‍ എസ് എസ് പീര്‍ജാഡ് കോളേജിലെത്തി പേപ്പര്‍ ബാഗുകള്‍ നീക്കം ചെയ്യാന്‍ ഉത്തരവിട്ടു. കോളേജ് പ്രിന്‍സിപ്പാളിനെ താക്കീത് ചെയ്ത അദ്ദേഹം വിശദമായ അന്വേഷണത്തിന് നിര്‍ദ്ദേശം നല്‍കി.