ബംഗളൂരു: കർണാടക മുഖ്യമന്ത്രിയായി ജനതാദൾ (എസ്) നേതാവ് എച്ച്.ഡി. കുമാരസ്വാമി നാളെ 4.30നു സത്യപ്രതിജ്ഞ ചെയ്യും. ഗവർണർ വാജുഭായ് വാല സത്യവാചകം ചൊല്ലിക്കൊടുക്കും.
ധർമശാല, ശൃംഗേരി ക്ഷേത്രങ്ങളിൽ ദർശനം ദർശനം നടത്തുകയും ഭാരതീതീർഥ ശങ്കരാചാര്യരുടെ അനുഗ്രഹം തേടുകയും ചെയ്തശേഷമായിരിക്കും സത്യപ്രതിജ്ഞ.
അതേസമയം, മുൻ പ്രധാനമന്ത്രി എച്ച്.ഡി. ദേവെഗൗഡയുടെയും കുമാരസ്വാമിയുടെയും ക്ഷണം സ്വീകരിച്ച് ചടങ്ങില്‍ പങ്കെടുക്കാൻ മുഖ്യമന്ത്രി പിണറായി വിജയൻ നാളെ ബെംഗളൂരുവിലേക്കു വരും.
നാളെ രാവിലെ പരിശുദ്ധ പാത്രിയർക്കീസ് ബാവായുമായുള്ള കൂടിക്കാഴ്ചയും മന്ത്രിസഭാ യോഗവും കഴിഞ്ഞതിനു ശേഷമാകും മുഖ്യമന്ത്രി ബംഗളൂരുവിലേക്കു പോവുക. മന്ത്രി മാത്യു ടി.തോമസും സത്യപ്രതിജ്ഞാ ചടങ്ങിൽ പങ്കെടുക്കും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
