ബെംഗളൂരു : മുസ്‌ലിം യൂത്ത് ലീഗ് സംസ്ഥാന അധ്യക്ഷൻ പാണക്കാട് സയ്യിദ് മുനവ്വറലി ശിഹാബ് തങ്ങൾ മുഖ്യമന്ത്രി സിദ്ധരാമയ്യ, ഉപമുഖ്യമന്ത്രി ഡി.കെ. ശിവകുമാർ എന്നിവരുമായി കൂടിക്കാഴ്ച നടത്തി. സംസ്ഥാനത്തെ ന്യൂനപക്ഷങ്ങളുടെയും യുവജനങ്ങളുടെയും പ്രശ്നങ്ങളെക്കുറിച്ച് ഇരുവരുമായും ചർച്ച നടത്തി. ലോക്‌സഭാ തിരഞ്ഞെടുപ്പിന്റെ ഒരുക്കങ്ങളും കൂടിക്കാഴ്ചയിൽ ചർച്ചയായി. തിരഞ്ഞെടുപ്പ് വാഗ്ദാനങ്ങൾ പാലിച്ചുള്ള മികച്ച ഭരണമാണ് കർണാടകയിലെന്ന് മുനവ്വറലി തങ്ങൾ പറഞ്ഞു. എ.ഐ.കെ.എം.സി.സി. ബെംഗളൂരു സെക്രട്ടറി എം.കെ. നൗഷാദ്, മുനീർ ഹെബ്ബാൾ, ബഷീർ കുഞ്ജാർ എന്നിവർ ഒപ്പമുണ്ടായിരുന്നു.
Read Moreപാണക്കാട് സയ്യിദ് മുനവ്വറലി ശിഹാബ് തങ്ങൾ മുഖ്യമന്ത്രിയുമായി കൂടിക്കാഴ്ച നടത്തി
