ബെംഗളൂരു: ബാറിലും റസ്‌റ്റോറന്റിലും കാഷ്യറായി ജോലി ചെയ്യുന്നയാൾ ഒഴിഞ്ഞ മദ്യക്കുപ്പികൾ സ്റ്റോക്കായി ഉടമയെ കാണിച്ച് കബളിപ്പിച്ച് 14 ലക്ഷം രൂപ തട്ടിയെടുത്ത ശേഷം ഒളിവിൽ പോയി. ഹെന്നൂർ സ്വദേശി കണ്ഠരാജ് എം എന്നയാൾക്കായി ഹെന്നൂർ പൊലീസ് തിരച്ചിൽ നടത്തിവരികയാണ്. ഹെന്നൂരിലെ ന്യൂ കരാവലി ബാർ ആൻഡ് റസ്‌റ്റോറന്റ് ഉടമ സോമശേഖർ നൽകിയ പരാതിയുടെ അടിസ്ഥാനത്തിലാണ് ഇയാൾക്കെതിരെ കേസെടുത്തിരിക്കുന്നത്.
കാന്തരാജ് ബിയർ, വിസ്‌കി, ബ്രാണ്ടി, വൈൻ എന്നിവയുടെ ഒഴിഞ്ഞ കുപ്പികൾ അതാത് മദ്യ സ്റ്റോക്കിലെ തകരപ്പെട്ടികളിൽ സൂക്ഷിച്ച് യഥാർത്ഥ സ്റ്റോക്കാണെന്ന് കാണിച്ചതായി സോമശേഖർ പരാതിയിൽ പറഞ്ഞു. ബിസിനസിൽ നഷ്ടം സഹിച്ചുകൊണ്ടിരുന്ന സോമശേഖറിന് എന്തോ പിശക് സംഭവിക്കുന്നതായി സംശയം തോന്നിയിരുന്നു. തുടർന്നാണ് ഏപ്രിൽ 11ന് മദ്യപ്പെട്ടികളുടെ സ്റ്റോക്ക് കാണിക്കാൻ കാന്തരാജിനോട് ആവശ്യപ്പെട്ടത്. കാന്തരാജ് തകരപ്പെട്ടികൾ തുറന്ന് സോമശേഖരനെ കാണിചെങ്കിലും സോമശേഖറിന് കാന്തരാജിനോടുള്ള സംശയത്തെ തുടർന്ന് കുപ്പികൾ പരിശോധിച്ചപ്പോളാണ് കാലിയായതായി കണ്ടെത്തിയത്.
ഉടൻ തന്നെ കാന്തരാജ് കുറ്റം സമ്മതിക്കുകയും ഉപഭോക്താക്കൾ ഉപേക്ഷിച്ച കുപ്പികൾ ശേഖരിച്ച് ബോക്‌സുകളിൽ നിക്ഷേപിക്കുകയും സ്റ്റോക്ക് പോലെ അനുകരിക്കുകയും ചെയ്യാറുണ്ടെന്നും സോമശേഖറിനോട് പറഞ്ഞു. കാന്തരാജ് നേരത്തെ 10.7 ലക്ഷം രൂപ ഇതെപോലെ തട്ടിപ്പ് നടത്തിയിരുന്നു.തുടർന്ന് ജൂണിലും അതെ തട്ടിപ്പ് നടത്തി 3.38 ലക്ഷം രൂപ പോക്കറ്റിലാക്കുകയായിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
