Day: 8 October 2026

ബെംഗളൂരു: ബെംഗളൂരു–മൈസൂരു ഹൈവേയിൽ മാണ്ഡ്യയ്ക്ക് സമീപമുണ്ടായ ബൈക്ക് അപകടത്തിൽ മലയാളി വിദ്യാർത്ഥി മരിച്ചു. കണ്ണൂർ തളാപ്പ് സ്വദേശിയായ ഫസീൽ ആണ് മരിച്ചത്. കൂടെയുണ്ടായിരുന്ന സുഹൃത്ത് ഇംറാന് അപകടത്തിൽ ഗുരുതരമായി പരുക്കേറ്റു. ഇയാളെ മൈസൂരിലെ മണിപ്പാൽ ആശുപത്രിയിൽ പ്രവേശിപ്പിച്ചിരിക്കുകയാണ്. ബെംഗളൂരുവിൽ ഇന്റീരിയർ ഡിസൈനിംഗ് വിദ്യാർത്ഥികളായ ഇരുവരും നാട്ടിലേക്ക് പോകുന്നതിനിടെയാണ് അപകടമുണ്ടായത്. യാത്രയ്ക്കിടെ മറ്റൊരു വാഹനത്തെ മറികടക്കാൻ ശ്രമിക്കവേ, റോഡരികിൽ നിർത്തിയിട്ടിരുന്ന ക്രെയിൻ റിക്കവറി വാനിൽ ബൈക്ക് ഇടിക്കുകയായിരുന്നു. കൂട്ടിയിടിയുടെ ആഘാതത്തിൽ നിയന്ത്രണം വിട്ടാണ് ബൈക്ക് മറിഞ്ഞതെന്നാണ് പ്രാഥമിക നിഗമനം. ഗുരുതരമായി പരുക്കേറ്റ ഇരുവരെയും ഉടൻ തന്നെ…

ബെംഗളൂരു: ബെംഗളൂരുവിലുണ്ടായ ബൈക്ക് അപകടത്തിൽ മലയാളി നഴ്സിന് ദാരുണാന്ത്യം. മലപ്പുറം കൊണ്ടോട്ടി കീശ്ശേരി സ്വദേശിയും കണിയാരതൊടി വീട്ടിൽ ജിനന്റെ മകനുമായ രഞ്ജിത്ത് സി. (26) ആണ് മരിച്ചത്. ബെംഗളൂരുവിലെ സ്വകാര്യ ആശുപത്രിയിൽ എമർജൻസി വിഭാഗത്തിൽ നഴ്സായി ജോലി ചെയ്തു വരികയായിരുന്നു. വ്യാഴാഴ്ച പുലർച്ചെ മൂന്ന് മണിയോടെ താമസസ്ഥലത്തു നിന്ന് ആശുപത്രിയിലേക്ക് ജോലിക്ക് പോകുന്നതിനിടെ കൂടുൽഗേറ്റ് എന്ന സ്ഥലത്തുവെച്ചായിരുന്നു അപകടം. നിയന്ത്രണം വിട്ട ബൈക്ക് അപകടത്തിൽപ്പെടുകയും രഞ്ജിത്ത് സംഭവസ്ഥലത്തുതന്നെ മരണപ്പെടുകയുമായിരുന്നു. അപകടത്തെ തുടർന്ന് ഓൾ ഇന്ത്യ കെ.എം.സി.സി ബെംഗളൂരു പ്രവർത്തകരുടെ നേതൃത്വത്തിൽ തുടർനടപടികൾ പൂർത്തിയാക്കി. മൃതദേഹം…

ബെംഗളൂരു : നഗരത്തിലെ ദാരുണമായ ഗതാഗതക്കുരുക്ക് വീണ്ടുമൊരു ജീവനെടുത്തു. നെഞ്ചുവേദനയെത്തുടർന്ന് അടിയന്തര വൈദ്യസഹായം ലഭിക്കാതെ റോഡിൽ കുടുങ്ങി കണ്ണൂർ സ്വദേശിയായ മലയാളി മരിച്ചു. ചന്ദാപുരയ്ക്ക് സമീപം ദേശീയപാത 44-ൽ തിങ്കളാഴ്ച രാത്രി 11 മണിയോടെയാണ് ദുരന്തം സംഭവിച്ചത്. ജോലി തിരഞ്ഞു ബംഗളൂരുവിലെത്തിയ കണ്ണൂർ സ്വദേശിയായ കെ.കെ. സജീർ (51) ആണ് മരിച്ചത്. സുഹൃത്തായ നജാഫിനൊപ്പം ഒമേഗ ബോലേറോ പിക്കപ്പ് വാനിൽ ഹൊസൂരിലേക്ക് യാത്ര ചെയ്യുന്നതിനിടെയാണ് സജീറിന് കടുത്ത നെഞ്ചുവേദന അനുഭവപ്പെട്ടത്. വഹാനമോടിക്കാൻ കഴിയാതെ വന്നതോടെ സജീർ വാഹനം നിർത്തുകയും ഡ്രൈവിംഗ് അറിയാത്ത നജാഫ് വഴിപോക്കരോട്…

ബെംഗളൂരു: സ്ത്രീകൾക്കെതിരായ അതിക്രമങ്ങളെ അപലപിച്ചും വനിതകളുടെ സുരക്ഷ ഉറപ്പാക്കണമെന്ന് ആവശ്യപ്പെട്ടും ബെംഗളൂരുവിൽ പൗരാവകാശ കൂട്ടായ്മയായ സി.ജെ.പി (സിറ്റിസൺസ് ഫോർ ജസ്റ്റിസ് ആൻഡ് പീസ്) ‘ചെരുപ്പ് പ്രതിഷേധം’ സംഘടിപ്പിച്ചു. സി.ജെ.പി സ്ഥാപകൻ അഭിജീത് ദിപ്കെ, സഹ കൺവീനർ അശുതോഷ് രാങ്ക, വക്താവ് സൗരവ് ദാസ് എന്നിവർ പ്രതിഷേധത്തിന് നേതൃത്വം നൽകി. സ്ത്രീകൾക്ക് ഭയമില്ലാതെ ജീവിക്കാനും തങ്ങളുടെ അവകാശങ്ങൾ വിനിയോഗിക്കാനുമുള്ള അന്തരീക്ഷം ഒരുക്കണമെന്നാണ് പ്രതിഷേധക്കാരുടെ പ്രധാന ആവശ്യം. ഡൽഹിയിൽ എസ്‌.ഐ.ആർ പുനഃപരിശോധനയിലെ അപാകതകൾക്കെതിരെ നടന്ന സമരത്തിനിടെ ആക്രമിക്കപ്പെട്ട സ്ത്രീകൾക്ക് ഐക്യദാർഢ്യം പ്രഖ്യാപിച്ചായിരുന്നു പ്രതിഷേധം. തങ്ങളെ അടിച്ചമർത്താൻ ശ്രമിക്കുന്നവർക്കെതിരെ…

ബെംഗളൂരു: വോട്ടർപട്ടികയുടെ പ്രത്യേക തീവ്ര പുനഃപരിശോധന (എസ്‌.ഐ.ആർ) ഉടനടി റദ്ദാക്കണമെന്നും ബാലറ്റ് പേപ്പർ രീതി തിരികെ കൊണ്ടുവരണ墨ും ആവശ്യപ്പെട്ട് ബെംഗളൂരുവിലെ ഫ്രീഡം പാർക്കിൽ രണ്ടായിരത്തിലധികം ആളുകൾ പങ്കെടുത്ത വൻ ബഹുജന പ്രക്ഷോഭവും ജനകീയ ട്രൈബ്യൂണലും നടന്നു. വിവിധ പുരോഗമന പ്രസ്ഥാനങ്ങളുടെയും സിവിൽ സൊസൈറ്റി സംഘടനകളുടെയും കൂട്ടായ്മ സംഘടിപ്പിച്ച പ്രതിഷേധത്തിൽ പ്രമുഖ യൂട്യൂബർ ധ്രുവ് റാഠി, പ്രശസ്ത നടനും പ്രവർത്തകനുമായ പ്രകാശ് രാജ്, രാഷ്ട്രീയ നിരീക്ഷകൻ പരകാല പ്രഭാകർ, മുതിർന്ന എഴുത്തുകാരൻ ദേവനൂരു മഹാദേവ തുടങ്ങിയവർ പങ്കെടുത്തു. ഇന്ത്യയിൽ ആദ്യമായാണ് ധ്രുവ് റാഠി ഒരു പൊതുപ്രതിഷേധത്തിൽ…

വിജയപുര: കോടികൾ ചെലവഴിച്ച് നിർമ്മിച്ച പുതിയ ആശുപത്രി കെട്ടിടത്തിൽ വൈദ്യുതി മുടങ്ങിയതിനെ തുടർന്ന് അപകടത്തിൽപ്പെട്ടവർക്ക് മൊബൈൽ ഫോൺ ടോർച്ചിന്റെ വെളിച്ചത്തിൽ ചികിത്സ നൽകേണ്ടി വന്നതായി പരാതി. കർണാടകയിലെ വിജയപുര ജില്ലയിലെ ദേവരഹിപ്പരഗിയിലുള്ള പുതിയ കമ്മ്യൂണിറ്റി ഹെൽത്ത് സെന്ററിലാണ് ചൊവ്വാഴ്ച ഈ ദാരുണ സംഭവം നടന്നത്. ദേവരഹിപ്പരഗി പട്ടണത്തിലെ ഇൻഡി റോഡിൽ ബൊലേറോയും ടാന്റവും മോട്ടോർ സൈക്കിളും കൂട്ടിയിടിച്ചുണ്ടായ അപകടത്തിൽ പത്തോളം പേർക്കാണ് പരിക്കേറ്റത്. ഇതിൽ അഞ്ചുപേരുടെ നില ഗുരുതരമായിരുന്നു. അടിയന്തര ചികിത്സയ്ക്കായി ഇവരെ പുതിയ കമ്മ്യൂണിറ്റി ഹെൽത്ത് സെന്ററിലേക്ക് എത്തിച്ച സമയത്ത് ആശുപത്രി പൂർണ്ണമായും…

ബെംഗളൂരു: വിവിധ കോർപ്പറേഷൻ ബോർഡുകളിലേക്ക് പുതിയ നിയമനങ്ങൾ നടത്താൻ ഹൈക്കമാൻഡിന്റെ അനുമതിക്കായി കാത്തിരിക്കുന്നതിനിടെ, കന്നഡ-സാംസ്കാരിക വകുപ്പിന്റെ കീഴിലുള്ള 14 അക്കാദമികളിലേക്കും മൂന്ന് അതോറിറ്റികളിലേക്കും പുതിയ ഭാരവാഹികളെ നിയമിക്കാൻ കർണാടക സർക്കാർ നടപടികൾ ആരംഭിച്ചു. പുതിയ ആളുകൾക്ക് അവസരം നൽകുന്നതിനായി, മൂന്ന് വർഷത്തെ കാലാവധി പൂർത്തിയാകുന്നതിന് മുൻപായി തന്നെ നിലവിലെ പ്രസിഡന്റുമാരോടും ഭാരവാഹികളോടും രാജിവെക്കാൻ സർക്കാരിൽ നിന്നും വാക്കാലുള്ള നിർദ്ദേശം നൽകിയിട്ടുണ്ട്. കന്നഡ വികസന അതോറിറ്റി, കന്നഡ ബുക്ക് അതോറിറ്റി, കുവെമ്പു ഭാഷാ ഭാരതി അതോറിറ്റി എന്നിവയ്ക്ക് പുറമേ സാഹിത്യ അക്കാദമി, നാടക അക്കാദമി, സംഗീത…