Year: 2025

ബെംഗളൂരു : കൊടുംകുറ്റവാളികളായ തടവുകാർക്കുപോലും സുഖസൗകര്യങ്ങളൊരുക്കിയിരിക്കുന്നെന്ന് വ്യക്തമാക്കുന്ന വീഡിയോ ദൃശ്യങ്ങൾ പ്രചരിച്ചതോടെ പരപ്പന അഗ്രഹാര ജയിലിൽ നിയന്ത്രണം കർശനമാക്കി. രേണുകാസ്വാമി കൊലക്കേസിൽ അറസ്റ്റിലായ നടൻ ദർശൻ അടക്കമുള്ള തടവുകാർക്ക് നൽകിയിരുന്ന ഇളവുകൾ പിൻവലിച്ചു. നേരത്തേ ദർശന് ഭക്ഷണം സെല്ലിൽ എത്തിച്ചുനൽകിയിരുന്നെങ്കിൽ ഇപ്പോൾ വരിയിൽ കാത്തുനിൽക്കണം. ഒറ്റയ്ക്ക് ഒരു സെല്ലിലാണ് ദർശനെ താമസിപ്പിച്ചിരിക്കുന്നത്. അതിസുരക്ഷയുള്ള ഇവിടെ ഭക്ഷണം എത്തിച്ചുനൽകുകയായിരുന്നു. എന്നാൽ, ഇപ്പോൾ ദർശനും മറ്റുതടവുകാർക്കൊപ്പം വരിയിൽ കാത്തുനിന്നാണ് ഭക്ഷണംവാങ്ങുന്നത്. വിവാദവീഡിയോ ദൃശ്യങ്ങൾ പുറത്തുവന്നതിനെത്തുടർന്ന് പുതുതായി നിയമിക്കപ്പെട്ട ജയിൽ സൂപ്രണ്ട് അൻഷുകുമാറാന് നിയന്ത്രണങ്ങൾ കൊണ്ടുവന്നത്. ജയിലിൽ കൂടുതൽ…

ബെംഗളൂരു : നഗരത്തിലെ കാലാവസ്ഥയിൽ വലിയ മാറ്റമുണ്ടായിട്ടുണ്ട്. തണുപ്പ് തുടങ്ങിയിരിക്കുന്നു. തണുപ്പ് കാരണം ഈ വാരാന്ത്യത്തിൽ ആളുകൾ പുറത്തിറങ്ങുന്നില്ല. ഇപ്പോൾ ഈ കാലാവസ്ഥയെക്കുറിച്ചുള്ള ഒരു പോസ്റ്റ് സോഷ്യൽ മീഡിയയിൽ വൈറലായിട്ടുണ്ട്. ശനിയാഴ്ച ബെംഗളൂരുവിൽ റെക്കോർഡ് തണുപ്പായിരുന്നു. തണുപ്പ് കാരണം ആളുകൾക്ക് പുറത്തിറങ്ങാൻ പോലും തോന്നിയില്ല. ഈ കാലാവസ്ഥയിൽ ഒരു സ്ത്രീ പകർത്തിയ ഫോട്ടോ സോഷ്യൽ മീഡിയയിൽ വൈറലായി. ശനിയാഴ്ച രാവിലെ, മേഘങ്ങൾ കാരണം അന്തരീക്ഷം മുഴുവൻ ഇരുണ്ടിരുന്നു. ബാംഗ്ലൂരിന്റെ ചരിത്രത്തിൽ ഇത് ആദ്യമാണെന്ന് പറയപ്പെടുന്നു. ഈ രംഗം നോക്കിയാണ് അദ്ദേഹം “ബെംഗളൂരു ഫ്രിഡ്ജിനുള്ളിൽ” എന്ന…

ബെംഗളൂരു : തന്റെ പരിമിതികളെക്കുറിച്ച് ബോധ്യമുണ്ടെന്നും 2028-ലെ നിയമസഭാ തിരഞ്ഞെടുപ്പിലും വിജയിക്കുന്നതിനുവേണ്ടി പാർട്ടിയെ ഒരുക്കുകയാണ് ലക്ഷ്യമെന്നും കർണാടക ഉപമുഖ്യമന്ത്രി ഡി.കെ. ശിവകുമാർ. സംസ്ഥാനത്തെ അധികാരമാറ്റം സംബന്ധിച്ച് മാധ്യമപ്രവർത്തകരുടെ ചോദ്യത്തോട് പ്രതികരിക്കുകയായിരുന്നു അദ്ദേഹം. മുഖ്യമന്ത്രി സിദ്ധരാമയ്യയുമായി അഭിപ്രായവ്യത്യാസമില്ല. ഒരിടത്തും അദ്ദേഹത്തിന്റെ നിലപാടിനെതിരേ താൻ സംസാരിച്ചിട്ടില്ല. കർണാടകയിലെ ജനങ്ങൾക്ക് സർക്കാരിൽ ഏറെ പ്രതീക്ഷയുണ്ട്. അത് പാലിക്കുന്നതിനാണ് താനും മുഖ്യമന്ത്രിയും ശ്രമിക്കുന്നതെന്നും ശിവകുമാർ പറഞ്ഞു. കഴിഞ്ഞദിവസം സിദ്ധരാമയ്യയുടെ വീട്ടിൽ നടത്തിയ ചർച്ചയെ തുടർന്നാണ് മുഖ്യമന്ത്രിസ്ഥാനം സംബന്ധിച്ച ഇരുവരും തമ്മിലുള്ള തർക്കം താത്കാലികമായിട്ടെങ്കിലും പരിഹരിക്കപ്പെട്ടത്. സംസ്ഥാനത്ത് അധികാരമാറ്റം ഉടൻ വേണ്ടെന്നാണ്…

തിരുവനന്തപുരം: മുഖ്യമന്ത്രിക്ക് വാഹനം വാങ്ങാൻ 1.10 കോടി അനുവദിച്ച് ഉത്തരവിറക്കി. ട്രഷറി നിയന്ത്രണങ്ങളിൽ ഇളവ് വരുത്തിയാണ് തുക അനുവദിച്ചത്. ധനമന്ത്രിയാണ് ഇന്ന് തുക അനുവദിച്ച് ഉത്തരവിറക്കിയത്. ​നിലവിൽ മുഖ്യമന്ത്രി ഉപയോഗിക്കുന്ന രണ്ട് വാഹനങ്ങൾക്ക് പകരമായാണ് പുതിയ വാഹനം വാങ്ങുന്നത്. സംസ്ഥാന സർക്കാർ കടുത്ത സാമ്പത്തിക പ്രതിസന്ധിയിലിരിക്കെയാണ് മുഖ്യമന്ത്രിക്ക് കാ‍ർ വാങ്ങാൻ ഒരു കോടി 10 ലക്ഷം രൂപ അനുവദിച്ചിരിക്കുന്നത്. പുതിയ ഒരു മുഖ്യമന്ത്രിക്ക് കാർ വാങ്ങാനെന്ന് ഉത്തരവിൽ കൃത്യമായി പറയുന്നുണ്ട്. കോവിഡ് കാലത്തെ വെട്ടിച്ചുരുക്കാൻ ധനവകുപ്പ് തീരുമാനമെടുത്തിരുന്നു. അതിനിടെയാണ് മുഖ്യമന്ത്രിക്ക് കാറ് വാങ്ങാൻ പണം…

ബെംഗളൂരു : കർണാടകത്തിലെ സർക്കാർ സ്കൂളുകളിൽ എസ്എസ്എൽസിക്ക് വിജയം മെച്ചപ്പെടുത്തിയാൽ അധ്യാപകർക്ക് പാരിതോഷികംനൽകാൻ തീരുമാനം. വിദേശയാത്ര, വിദേശത്ത് പരിശീലനം, കാഷ് അവാർഡ് അടക്കമുള്ളവയായിരിക്കും പാരിതോഷികമായി നൽകുക. ഉടൻതന്നെ ഇത് നടപ്പാക്കുമെന്ന് സ്കൂൾ വിദ്യാഭ്യാസവകുപ്പ് മന്ത്രി മധുബെംഗാരപ്പ അറിയിച്ചു. സർക്കാർ സ്കൂളുകളിൽ കൂടുതൽ വിദ്യാർഥികളെ ചേർക്കുന്ന അധ്യാപകർക്കും വിദേശയാത്ര വാഗ്ദാനംചെയ്തിട്ടുണ്ട്. എസ്എസ്എൽസി പരീക്ഷയിൽ മോശം പ്രകടനം കാഴ്ചവെക്കുന്ന സ്കൂളുകളിലെ അധ്യാപകർക്കുനേരേ ശിക്ഷാനടപടികൾ സ്വീകരിക്കുമെന്നും സർക്കാർ അറിയിച്ചിട്ടുണ്ട്. സ്കൂൾ വികസന, മോണിറ്ററിങ് കമ്മിറ്റികൾ എല്ലാമാസവും യോഗംചേരാനും അക്കാദമികമികവ് ഉറപ്പാക്കാനുമുള്ള നടപടികൾ സ്വീകരിക്കാനും നിർദേശംനൽകിയിട്ടുണ്ടെന്നും മന്ത്രി അറിയിച്ചു.