ബെംഗളൂരു: ഉളൈളബട്ടുവിലെ വീട്ടില്‍ക്കയറിയ കുടുബാംഗങ്ങളെ ബന്ധിയാക്കി പണവും ആഭരണങ്ങളും കവര്‍ന്ന കേസില്‍ മലയാളികള്‍ ഉള്‍പ്പെടെ 10 പേരെ മംഗളൂരു റൂറല്‍ പോലീസ് അറസ്റ്റ് ചെയ്തു.
കാസര്‍കോട് ഉപ്പള സ്വദേശി ബാലക്യഷ്ണ ഷെട്ടി, തിരുവനന്തപുരം പോത്തന്‍കോട് സ്വദേശി ജോണ്‍ ബോസ്‌കോ, ത്യശൂര്‍ മുകുന്ദപുരം സ്വദേശി സതീഷ് ബാബു, കൊടകര സ്വദേശി ഷിജോ ദേവസി, കൂര്‍ക്കഞ്ചരി ഷാക്കിര്‍ ഹുസൈന്‍ , കുമാരെനല്ലൂര്‍ സ്വദേശി എം.എം.സജീഷ്, കടുപ്പശേരി സ്വദേശി പി.കെ.വിനോജ്, മംഗളൂരു സ്വദേശികളായ വസന്ത് കുമാര്‍ , രമേഷ് പൂജാരി, റെയ്മണ്ട് ഡിസൂസ എന്നിവരാണ് പിടിയിലായത്.
കോണ്‍ട്രാക്ടര്‍ പത്മനാഭ കോട്ടിയാന്റെ വീട്ടില്‍ ജൂണ്‍ 21ന് ആയിരുന്നു മോഷണം.
മുഖംമൂടി ധരിച്ചെത്തിയ പ്രതികള്‍ പത്മനാഭയെയും ഭാര്യയെയും കുട്ടികളെയും മാരകായുധങ്ങള്‍ കാട്ടി ബന്ദികളാക്കുകയായിരുന്നു. വീട്ടിലെ വാഹനവും കൊണ്ട്‌പോയി. ഇത് പിന്നീട് വഴിയില്‍ ഉപേക്ഷിച്ചു.
പ്രതികളിലൊരാളായ വസന്ത് കുമാര്‍ പഞ്ചായത്തംഗവും പത്മനാഭയുടെ പോറി ഡ്രൈവറുമാണ്. സംഭവത്തില്‍ കൂടുതല്‍ പ്രതികളുണ്ടെന്ന് പോലീസ് അറിയിച്ചു
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
