Month: June 2024

ബെംഗളൂരു: ഹാവേരിയില്‍ വാഹനാപകടത്തില്‍ രണ്ട് കുട്ടികളടക്കം പതിമൂന്ന് പേർക്ക് ദാരുണാന്ത്യം. നിർത്തിയിട്ട ട്രക്കിലേക്ക് മിനി ബസ് ഇടിച്ച്‌ കയറിയാണ് അപകടം ഉണ്ടായത്. ഇന്ന് പുലർച്ചെ 4 മണിയോടെയായിരുന്നു അപകടം സംഭവിച്ചത്. 9 സ്ത്രീകളും 2 കുട്ടികളും 2 പുരുഷന്മാരുമാണ് അപകടത്തില്‍ മരിച്ചത്. അപകടത്തില്‍ നാല് പേർക്ക് ഗുരുതരമായി പരിക്കേറ്റിട്ടുണ്ട്. ഇവരെ ആശുപത്രിയിലേക്ക് മാറ്റി. ഹാവേരിയിലെ ബ്യാദ്‍ഗി താലൂക്കില്‍ ഗുണ്ടനഹള്ളി ക്രോസിലാണ് അപകടമുണ്ടായത്. മരിച്ചവരെല്ലാം ശിവമൊഗ്ഗയിലെ ഭദ്രാവതി സ്വദേശികളാണെന്ന് പോലീസ് അറിയിച്ചു. വിവിധ ക്ഷേത്രങ്ങളില്‍ തീർത്ഥാടനത്തിന് പോയി വരുന്നവരായിരുന്നു അപകടത്തില്‍പ്പെട്ടതെന്നും റിപ്പോർട്ട്‌ ഉണ്ട്.

ബെംഗളൂരു : ബെംഗളൂരുവിൽ തീവണ്ടിയിലെ മാലിന്യക്കൊട്ടയിൽ നവജാതശിശുവിന്റെ മൃതദേഹം കണ്ടെത്തി. ഭുവനേശ്വറിൽനിന്ന് ബുധനാഴ്ച യെലഹങ്ക റെയിൽവേ സ്റ്റേഷനിലെത്തിയ പ്രശാന്തി എക്സ്‌പ്രസ് തീവണ്ടിയിലാണ് മൃതദേഹം കണ്ടത്. വ്യാഴാഴ്ച രാവിലെ യാത്രക്കാരാണ് മാലിന്യപ്പെട്ടിയിൽ വെള്ളത്തുണിയിൽ പൊതിഞ്ഞ നിലയിൽ മൃതദേഹം കണ്ടെത്തിയത്. യശ്വന്തപുര റെയിൽവേ പോലീസ് കേസെടുത്ത് അന്വേഷണം ആരംഭിച്ചു. തീവണ്ടിയിൽവെച്ച് ജനിച്ച കുഞ്ഞിനെ മാലിന്യപ്പെട്ടിയിൽ ഉപേക്ഷിച്ചതാകാമെന്നാണ് പോലീസ് സംശയിക്കുന്നത്.

ബെംഗളൂരു : വധുവിനെ കണ്ടെത്താൻ സഹായിക്കണമെന്നാവശ്യപ്പെട്ട് അധികൃതർക്ക് അപേക്ഷനൽകി കൊപ്പാളിലെ കർഷകൻ. പൊതുജനങ്ങളുടെ പരാതി സ്വീകരിക്കുന്ന ജനസ്പന്ദന പരിപാടിയിലാണ് വ്യത്യസ്ത പരാതിയുമായി കർഷകൻ അധികൃതർക്കുമുന്നിലെത്തിയത്. ജില്ലയിലെ കർഷകനായ സംഗപ്പയാണ് ഡെപ്യൂട്ടി കമ്മിഷണർ നളിനി അതുലിനു അപേക്ഷനൽകിയത്. കഴിഞ്ഞ 10 വർഷമായി വധുവിനെ അന്വേഷിക്കുകയാണെന്നും ആരും തന്നെ വിവാഹം ചെയ്യാൻ തയ്യാറാകുന്നില്ലെന്നും സംഗപ്പ പരാതിയിൽ പറഞ്ഞു. ദീർഘകാലം വധുവിനെ അന്വേഷിച്ചിട്ടും കിട്ടാത്തതിനാൽ മാനസികാരോഗ്യത്തെ ബാധിച്ചെന്നും ബ്രോക്കർ മുഖേന ആരെങ്കിലും വധുവിനെ കണ്ടെത്താൻ സഹായിക്കണമെന്നും സംഗപ്പ പറഞ്ഞു. കർണാടകത്തിന്റെ വിവിധഭാഗങ്ങളിൽ കർഷകയുവാക്കൾക്ക് വധുവിനെ കിട്ടാത്ത അവസ്ഥയുണ്ട്. പ്രായം…

ബെംഗളൂരു : ഭാവിയിൽ നഗരത്തിലെ വെള്ളത്തിന് ബുദ്ധിമുട്ടുണ്ടാകാതിരിക്കാനുള്ള പദ്ധതികളുമായി ബൃഹത് ബെംഗളൂരു മഹാനഗര പാലികെ (ബി.ബി.എം.പി.). നഗരത്തിന്റെ വിവിധ ഭാഗങ്ങളിൽ മഴവെള്ളം സംഭരിക്കുന്നതിനായി മഴക്കുഴികൾ, കുഴൽക്കിണറുകൾ റീചാർജ് ചെയ്യൽ തുടങ്ങിയ പദ്ധതികളാണ് ആരംഭിക്കുന്നത്. 250 മഴക്കുഴികൾ നിർമിക്കുന്നതിനായി കോർപ്പറേഷൻ രണ്ടരക്കോടി രൂപ അനുവദിച്ചിട്ടുണ്ട്. നഗരത്തിലെ വിവിധ പാർക്കുകളോടുചേർന്നായിരിക്കും പദ്ധതി നടപ്പാക്കുക. വെറുതേകിടക്കുന്ന സ്ഥലങ്ങൾ കുഴികൾ നിർമിക്കാൻ ഉപയോഗിക്കും. ഇവിടേക്ക് മഴവെള്ളം ഒഴുകിയെത്തുന്നതിനാവശ്യമായ ക്രമീകരണങ്ങൾചെയ്യും. മഴക്കുഴികൾ നിർമിക്കുന്നതിലൂടെ ഭാവിയിൽ നഗരത്തിലെ ജലലഭ്യത മെച്ചപ്പെടുമെന്നാണ് പ്രതീക്ഷ. ഇതുവഴി നഗരത്തിലെ വൃക്ഷങ്ങൾക്കും ഗുണമാകുമെന്നാണ് വിലയിരുത്തൽ. നഗരത്തിൽ ഭൂഗർഭജലത്തിന്റെ അളവ്…