Month: May 2024

ബെംഗളൂരു : ഹുബ്ബള്ളിയിൽ വിവാഹാഭ്യർഥന നിരസിച്ചതിന് യുവതിയെ വീട്ടിൽക്കയറി കുത്തിക്കൊന്ന കേസിൽ രക്ഷപ്പെട്ട പ്രതിയെ തീവണ്ടിയിൽനിന്ന് ചാടി പരിക്കേറ്റനിലയിൽ കണ്ടെത്തി. ഹുബ്ബള്ളി വീരാപുര ഒനി സ്വദേശിയായ ഗിരീഷ് സാവന്തിനെയാണ് (22) ദാവണഗെരെയിൽ സാരമായ പരിക്കുകളോടെ കണ്ടെത്തിയത്. തലയ്ക്കും മുഖത്തും പരിക്കേറ്റ ഇയാളെ റെയിൽവേ പോലീസ് ദാവണഗെരെയിലെ ആശുപത്രിയിൽ പ്രവേശിപ്പിച്ചു. വ്യാഴാഴ്ച രാത്രിയാണ് സംഭവം. ഇയാളെ ഹുബ്ബള്ളി പോലീസ് കസ്റ്റഡിയിലെടുത്ത് ഹുബ്ബള്ളി കിംസ് ആശുപത്രിയിലേക്ക് മാറ്റി. തീവണ്ടിയിൽനിന്ന് ഒരു സ്ത്രീയെ ആക്രമിച്ച ഇയാൾ രക്ഷപ്പെടാനായി പുറത്തേക്ക് ചാടിയതാണെന്ന് അന്വേഷണോദ്യോഗസ്ഥർ പറഞ്ഞു. കത്തികൊണ്ട് ആക്രമിക്കാനടുത്തപ്പോൾ സ്ത്രീ കരഞ്ഞതോടെ…

ബെംഗളൂരു : ചിക്കമഗളൂരുവിൽ സുഹൃത്തുക്കൾക്കൊപ്പം നായാട്ടിനുപോയ യുവാവ് വെടിയേറ്റു മരിച്ചു. കെരെമക്കി സ്വദേശി സഞ്ജുവാണ് (33) മരിച്ചത്. വ്യാഴാഴ്ച രാത്രി ഉലുവാഗിലു ഗ്രാമത്തിലായിരുന്നു സംഭവം. സുഹൃത്തുക്കളായ നിസർഗ, സുമൻ എന്നിവർക്കൊപ്പം നായാട്ടിനുപോയ സഞ്ജുവിന് വെടിയേൽക്കുകയായിരുന്നുവെന്ന് പോലീസ് പറഞ്ഞു. സഞ്ജു സംഭവസ്ഥലത്തുതന്നെ മരിച്ചു. അതേസമയം, മരണത്തിൽ ദുരൂഹതയുള്ളതിനാൽ നിസർഗ, സുമൻ എന്നിവരെ മല്ലന്ദൂർ പോലീസ് കസ്റ്റഡിയിലെടുത്ത് ചോദ്യംചെയ്യുകയാണ്. ലോക്‌സഭാ തിരഞ്ഞെടുപ്പുസമയത്ത് തോക്കുകൾ പോലീസ്‌സ്‌റ്റേഷനിൽ സമർപ്പിക്കണം. എന്നാൽ, മൂന്നുപേരുടെ കൈവശവും തോക്കുണ്ടായിരുന്നത് സംശയം ജനിപ്പിക്കുന്നുണ്ട്.

ബെംഗളൂരു : മഴ പെയ്യാനായി സംസ്കരിച്ച മൃതദേഹങ്ങൾ പുറത്തെടുത്ത് കത്തിച്ച് ഗ്രാമവാസികൾ. ‘മഴദൈവങ്ങളെ’ പ്രീതിപ്പെടുത്തുമെന്ന വിശ്വാസത്തിൽ ചിക്കമഗളൂരുവിലെ അജ്ജംപുര താലൂക്ക് പരിധിയിലെ രണ്ട് ഗ്രാമങ്ങളിലാണ് വിചിത്ര ആചാരം നടന്നത്. രണ്ടാഴ്ചയ്ക്കിടെ അഞ്ച് മൃതദേഹങ്ങൾ ഇങ്ങനെ പുറത്തെടുത്ത് കത്തിച്ചു. ജലധിഹള്ളി ഗ്രാമത്തിൽ ഒറ്റരാത്രിയാണ് നാല് മൃതദേഹങ്ങൾ പുറത്തെടുക്കുകയും കത്തിക്കുകയും ചെയ്തതെന്ന് ഗ്രാമവാസികൾ പറഞ്ഞു. ശിവാനി ഗ്രാമത്തിൽ ഏതാനും മാസംമുമ്പ് മരിച്ച ഒരു സ്ത്രീയുടെ മൃതദേഹം വ്യാഴാഴ്ചയാണ് പുറത്തെടുത്ത് കത്തിച്ചത്. ഒട്ടേറെയാളുകൾ ഇതിന് സാക്ഷ്യംവഹിക്കാനെത്തിയിരുന്നു. അന്ന് പ്രദേശത്ത് മഴപെയ്യുകയും ചെയ്തു. അതേസമയം, മൃതദേഹങ്ങൾ പുറത്തെടുക്കുകയും കത്തിക്കുകയുംചെയ്തകാര്യം റെവന്യു…

ബെംഗളൂരു: പ്രജ്ജ്വലിനെ തള്ളി ദേവഗൗഡ. പ്രജ്ജ്വൽ രേവണ്ണയ്ക്കെതിരേ സാധ്യമായ നിയമനടപടികൾ സ്വീകരിക്കേണ്ടതാണെന്നും തനിക്ക് എതിർപ്പില്ലെന്നും ദേവഗൗഡ മാധ്യമപ്രവർത്തകരോട് പറഞ്ഞു. പ്രജ്ജ്വലിനെ തിരിച്ചെത്തിക്കേണ്ടത് സർക്കാരിന്റെ ഉത്തരവാദിത്വമാണെന്നും വ്യക്തമാക്കി. അതേസമയം, എച്ച്.ഡി. രേവണ്ണയുടെ പേരിലുള്ള കേസുകൾ അദ്ദേഹത്തെ അറസ്റ്റുചെയ്യാനായി കെട്ടിച്ചമച്ചതാണെന്ന് ദേവഗൗഡ ആരോപിച്ചു. അശ്ലീലവീഡിയോ കേസിൽ ഒട്ടേറെപ്പേർ ഉൾപ്പെട്ടിട്ടുണ്ട്. ആരുടെയും പേര് പറയാനുദ്ദേശിക്കുന്നില്ല. അവരുടെയെല്ലാംപേരിൽ കേസെടുക്കണമെന്നും ലൈംഗിക പീഡനത്തിനിരയായ സ്ത്രീകൾക്ക് നീതിലഭ്യമാക്കണമെന്നും ആവശ്യപ്പെട്ടു.