മുംബൈ: അമ്മയുടെ ഫോണില് ഓണ്ലൈൻ ഗെയിം കളിച്ച് രണ്ട് ലക്ഷം രൂപ നഷ്ടപ്പെട്ട 18കാരൻ ജീവനൊടുക്കി.
മുംബൈയിലെ നാല സൊപാരയിലാണ് സംഭവം.
അമ്മയുടെ ഫോണില് ഗെയിം കളിക്കുന്നതിനിടെ വന്ന പോപ്പ് അപ് പരസ്യത്തില് വിദ്യാർഥി ക്ലിക്ക് ചെയ്യുകയും അക്കൗണ്ടില് നിന്ന് പണം നഷ്ടപ്പെടുകയുമായിരുന്നു.
അക്കൗണ്ടില് നിന്ന് പണം ഡെബിറ്റ് ആയെന്ന സന്ദേശം ഫോണില് വന്നതോടെ ശാസന ഭയന്ന് വിദ്യാർഥി വീട്ടിലുണ്ടായിരുന്ന കീടനാശിനി കുടിക്കുകയായിരുന്നു.
പുറത്തുപോയ അമ്മ അകത്തുവന്നപ്പോള് വായില് നിന്നും നുരയും പതയും വന്ന് കിടക്കുന്ന വിദ്യാർഥിയെയാണ് കണ്ടത്.
ഉടൻ തന്നെ അയല്ക്കാരുടെ സഹായത്തോടെ ഇയാളെ ആശുപത്രിയില് എത്തിക്കാൻ ശ്രമിച്ചെങ്കിലും മരണത്തിന് കീഴടങ്ങുകയായിരുന്നു.
വീട്ടുകാർ പണം നഷ്ടപ്പെട്ടതിനേക്കുറിച്ച് വിദ്യാർഥിയുടെ മരണശേഷവും അറിഞ്ഞിരുന്നില്ല.
ആത്മഹത്യയാണ് എന്ന നിഗമനത്തില് പോലീസ് അന്വേഷണം അരംഭിക്കുകയായിരുന്നു.
ആത്മഹത്യാക്കുറിപ്പുകള് തിരഞ്ഞെങ്കിലും ലഭിക്കാത്തതിനെത്തുടർന്ന് ഫോണുകള് പരിശോധിച്ചപ്പോഴാണ് രണ്ട് ലക്ഷം രൂപ നഷ്ടപ്പെട്ട കാര്യം പോ lലീസിന്റെ ശ്രദ്ധയില് പെടുന്നത്.
സൈബർസെല്ലില് പരാതിപ്പെട്ടിരുന്നെങ്കില് നഷ്ടപ്പെട്ട തുക തിരിച്ചെടുക്കാൻ വലിയ ബുദ്ധിമുട്ടുണ്ടാകില്ലെന്നായിരുന്നു എന്ന് പോലീസ് പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
