Month: June 2023

ബെംഗളൂരു: തോക്ക് വില്പനയ്ക്കിടെ മലയാളി അറസ്റ്റിലായ കേസിന്റെ അന്വേഷണം കേരളത്തിലേക്ക് നീളുന്നു. 3 പിസ്റ്റലുകളും 33 വെടിയുണ്ടകളുമായി നീരജ് ജോസഫ് എന്നയാൾ കഴിഞ്ഞദിവസമാണ് പിടിയിലായത്. ഇയാളുടെ കൂട്ടാളികളെയും ഇടപാടുകാരെയും കണ്ടെത്താൻ ആണ് ബെംഗളൂരു കബ്ബൺ പാർക്ക് പോലീസ് കേരളത്തിലേക്ക് തിരിച്ചത്. നാഗാലാൻഡിൽ നിന്നെത്തിക്കുന്ന പിസ്റ്റളാണ്‌വിൽക്കാൻ ശ്രമിച്ചതെന്ന് നീരജ് മൊഴി നൽകിയിരുന്നു. തോക്ക് വാങ്ങാൻ ഇയാളെ സമീപിച്ചവരും മലയാളികളാണെന്നാണ് പോലീസ് നിഗമനം. മൊബൈൽ ഫോണിൽ നിന്നും ലഭിച്ച വിവരങ്ങളുടെ അടിസ്ഥാനത്തിലാണ് അന്വേഷണം പുരോഗമിക്കുന്നത്.

ബെംഗളൂരു: ബാഗൽകോട്ട് ജില്ലയിൽ ബൈക്കും ലോറിയും കൂട്ടിയിടിച്ച് മൂന്ന് പേർ മരിച്ചു. ബൈക്ക് യാത്രികരായിരുന്ന ഹംഗുണ്ട് റക്കസാഗി ഗ്രാമത്തിലെ താമസക്കാരായ ശ്രീനക്ത് മദാർ (39), ശാന്തവ്വ കട്ടിമണി (43), മന്തവ്വ മാറാടി (75) എന്നിവരാണ് മരിച്ചത്. ശ്രീകാന്ത് സംഭവസ്ഥലത്ത് തന്നെ മരിച്ചു. രണ്ട് സ്ത്രീകളും ആശുപത്രിയിലേക്കുള്ള യാത്രാമധ്യേയാണ് മരിച്ചത്. ബൈക്കിൽ ലോറി ഇടിക്കുന്നതിന് മുമ്പ് അമീനഗഡ് ടൗണിന് സമീപം ഇതെ ലോറി കാറിൽ ഇടിച്ച ശേഷം പിടിക്കപെടുമോ എന്ന ഭയത്തിൽ വാഹനവുമായി സംഭവസ്ഥലത്ത് നിന്ന് രക്ഷപ്പെടുന്നതിനിടെയാണ് ബൈക്കുമായി ഇടിച്ച് അപകടമുണ്ടായത് എന്നും പോലീസ് പറഞ്ഞു.…

ബെംഗളൂരു: നഗരത്തിൽ വഷളായിക്കൊണ്ടിരിക്കുന്ന പാർക്കിംഗ് പ്രശ്‌നങ്ങൾ പരിഹരിക്കുന്നതിനായി മൈസൂരു സിറ്റി കോർപ്പറേഷൻ കൗൺസിൽ നഗരത്തിലെ മൂന്ന് പ്രധാന റോഡുകളിൽ പേ ആൻഡ് പാർക്ക് സംവിധാനം ഏർപ്പെടുത്താനുള്ള പ്രമേയം പാസാക്കി. വാഹനങ്ങളുടെ എണ്ണം ക്രമാതീതമായി വർധിക്കുന്നതിനനുസരിച്ച് പാർക്കിംഗ് പ്രശ്‌നങ്ങളും വർധിക്കുന്നുണ്ട് എന്നാണ് റിപ്പോർട്ടുകൾ ഇതിലിനുള്ള പോംവഴി കാണാൻ ആണ് പരീക്ഷണാടിസ്ഥാനത്തിൽ പദ്ധതി നടപ്പിലാക്കാൻ ശ്രമിക്കുന്നത്. ടൗൺ ഹാൾ പരിസരത്തിന് പുറമെ ഡി.ദേവരാജ് ഉർസ് റോഡ്, അശോക റോഡ്, സയാജി റോഡ് എന്നിവിടങ്ങളിൽ പേ ആൻഡ് പാർക്ക് പദ്ധതി നടപ്പാക്കാനുള്ള ഏജൻസിയെ കണ്ടെത്താൻ ടെൻഡർ വിളിക്കാനും കൗൺസിൽ…

ബെംഗളൂരു : സംസ്ഥാനം നേരിടുന്ന കുടിവെള്ളപ്രശ്നത്തിന് എത്രയും വേഗത്തിൽ പരിഹാരം കാണമെന്ന് ഉദ്യോഗസ്ഥർക്ക് നിർദേശം നൽകി മുഖ്യമന്ത്രി സിദ്ധരാമയ്യ. കഴിഞ്ഞ ദിവസങ്ങളിൽ കൊപ്പാളിൽ മാലിന്യംകലർന്ന വെള്ളംകുടിച്ച് മൂന്നുപേർ മരിക്കുകയും ബെംഗളൂരു ഇലക്‌ട്രോണിക്‌ സിറ്റിയിൽ അപ്പാർട്ട്‌മെന്റിൽ മലിനജലംകുടിച്ച് നൂറിലേറെ പേർ ചികിത്സതേടുകയും ചെയ്തതിന്റെ പശ്ചാത്തലത്തിലാണ് മുഖ്യമന്ത്രിയുടെ നിർദേശം. കുടിവെള്ളപ്രശ്നം പരിഹരിക്കുന്നതു സംബന്ധിച്ച് ഉദ്യോഗസ്ഥരുമായി നടത്തിയ ചർച്ചയിലാണ് മുഖ്യമന്ത്രി ഇക്കാര്യം നിർദേശിച്ചത്. കുടിവെള്ളത്തിന് ക്ഷാമമുണ്ടാകരുതെന്നും മാലിന്യംകലർന്ന വെള്ളം വീടുകളിൽ എത്താനിടവരരുതെന്നും മുഖ്യമന്ത്രി നിർദേശംനൽകി. വരുംദിവസങ്ങളിൽ ജില്ലാതല ഉദ്യോഗസ്ഥരുമായി ചർച്ച നടത്തുമെന്നും സിദ്ധരാമയ്യ പറഞ്ഞു