Month: March 2023

ബെംഗളൂരു : മലിനീകരണത്തോത് കുറയ്ക്കാൻ ലക്ഷ്യമിട്ട് 15% മെഥനോൾ കലർന്ന ഇന്ധനം (MD15) ഉപയോഗിച്ച് സിറ്റി ബസുകൾ ഓടിക്കാൻ ഒരുങ്ങി ബി.എം.ടി.സി. ആദ്യഘട്ടത്തിൽ 15% മെഥനോൾ ഇന്ധനമുപയോഗിക്കുന്ന 10 ബസുകൾ നിരത്തിലിറക്കും. പരീക്ഷാടിസ്ഥാനത്തിൽ സർവീസ് നടത്തിയശേഷം പിന്നീട് ഡീസലിലെ മെഥനോളിന്റെ അളവ് വർധിപ്പിക്കും. ബി.എം.ടി.സി. നീതി ആയോഗുമായും ഇന്ത്യൻ ഓയിൽ കോർപ്പറേഷനുമായും അശോക് ലെയ്‌ലൻഡുമായും സഹകരിച്ചാണ് പദ്ധതി നടപ്പാക്കുന്നത്.മിശ്രിത ഇന്ധനത്തിന് ഡീസലിനേക്കാൾ വില കുറവാണെന്നും സംഘാടകർ അവകാശപ്പെടുന്നു. MD15 യാതൊരു മാറ്റവും കൂടാതെ ഡീസൽ വാഹനങ്ങൾക്ക് സ്വീകരിക്കാനും ഡീസലിന് പകരമായി ഉപയോഗിക്കാനും കഴിയും. മൂന്നുമാസത്തേക്ക്…

ബെംഗളൂരു∙ ഹുബ്ബള്ളിക്കു സമീപം പാത ഇരട്ടിപ്പിക്കൽ നടക്കുന്നതിനാൽ കൊച്ചുവേളി–ഹുബ്ബള്ളി പ്രതിവാര സൂപ്പർഫാസ്റ്റ് എക്സ്പ്രസ് (12778) 16നു റാണിബെന്നൂർ വരെ മാത്രമേ സർവീസ് നടത്തൂ. റാണിബെന്നൂരിനും ഹുബ്ബള്ളിക്കും ഇടയിൽ സർവീസ് നടത്തില്ലെന്ന് ദക്ഷിണ പശ്ചിമ റെയിൽവേ അറിയിച്ചു.

ബെംഗളൂരു: മെട്രോ സ്റ്റേഷനുകളിൽ നിന്നുള്ള ഫീഡർ സർവീസിന് 20 മിനി ഇലക്ട്രിക്  ബസുകൾ കൂടി വാടക അടിസ്ഥാനത്തിൽ ഓടിക്കാൻ കരാർ ക്ഷണിച്ച് ബി.എം.ടി.സി. നേരെത്തെ പ്രഖ്യാപിച്ച 100 ബസുകൾക്ക് പുറമെയാണിയത്. നമ്മ മെട്രോ കൂടുതൽ ദൂരങ്ങളിലേക്ക് വ്യാപിക്കുന്നത് കണക്കിലെടുത്താണ് തുടർ യാത്ര സൗകര്യം ഉറപ്പാക്കുന്നത്.

ബെംഗളൂരു: നഗരത്തിൽ നിന്നും മോഷണം പോയ 112 മൊബൈൽഫോണുകൾ സെൻട്രൽ ക്രൈം ബ്രാഞ്ച് കണ്ടെടുത്തു. കേന്ദ്ര ടെലി കമ്മ്യൂണിക്കേഷൻ വകുപ്പിന്റെ സെൻട്രൽ എക്വിപ്മെന്റ് ഐഡന്റിറ്റി രജിസ്റ്റർ (സി.ഇ.ഐ.ആർ) പോർട്ടലിൽ വിവരങ്ങൾ ഉപയോഗിച്ചാണ് കേരളം,രാജസ്ഥാൻ,തമിഴ്നാട്,ഉൾപ്പെടെയുള്ള സംസ്ഥാനങ്ങളിൽ നിന്ന് മൊബൈൽ ഫോണുകൾ വീണ്ടെടുത്തത്. ഫോണുകൾ ഉടമകൾക്ക് കൈമാറി. ഫോൺ മോഷണം പോയാൽ ഇത് മറ്റൊരും ഉപയോഗിക്കാതിരിക്കാൻ ബ്ലോക്ക് ചെയ്യാനും കണ്ടെത്താനും https://www.ceir.gov.in  പോർട്ടൽ വിവരങ്ങൾ നൽകണമെന്ന് പോലീസ് അറിയിച്ചു

ബെംഗളൂരു: മണ്ഡ്യയിൽ നടന്ന പ്രധാനമന്ത്രി നരേന്ദ്രമോദിയുടെ റാലിയിൽ അമ്മയ്ക്കൊപ്പം പങ്കെടുക്കാനെത്തിയ ആൺകുട്ടിയുടെ കറുത്ത ടിഷർട്ട് സുരക്ഷാ ഉദ്യോഗസ്ഥർ അഴിപ്പിച്ചു. കുട്ടിയുടെ ടിഷർട്ട് ഊരിമാട്ടിയ ശേഷമേ പരിപാടി നടക്കുന്നിടത്തേക്ക് പ്രവേശിക്കാൻ ഇരുവരെയും അനുവദിക്കു എന്നനിലയിൽ കാര്യങ്ങൾ എത്തിയതോടെയാണ് അമ്മ മകന്റെ വസ്ത്രം ഊരിമാറ്റിയത്. പരിശോധനയ്ക്കായി മെറ്റൽ ഡിറ്റക്ടർ ഉപയോഗിച്ച ശേഷം അമ്മ വീണ്ടും ടിഷർട്ട് മകനെ ധരിപ്പിച്ചു. എന്നാൽ ഇതുകണ്ട സുരക്ഷാ ഉദ്യോഗസ്ഥർ വീണ്ടും ടിഷർട്ട് ഊരിമാറ്റിച്ചു. തുടർന്ന് ടീഷർട് ധരിക്കാതെയാണ് കുട്ടി പരിപാടിയിൽ പങ്കെടുത്തത്