തിരുവനന്തപുരം : സ്ത്രീകളുടെയും ട്രാൻസ്ജെൻഡേഴ്സിന്റെയും സാമൂഹിക സുരക്ഷ ഉറപ്പുവരുത്തുന്നതിന്റെ ഭാഗമായി ബജറ്റിൽ പുതിയ 14 സ്കീമുകൾ ഉൾപ്പെടുത്തിയതായി ധനമന്ത്രി കെ എൻ ബാലഗോപാൽ അറിയിച്ചു.
ലിംഗസമത്വത്തിനായുള്ള സാംസ്കാരിക ഉദ്യമമായ ‘സമം’, നിര്ഭയ പദ്ധതിയില് ഉള്പ്പെടുത്തിയുള്ള വെഹിക്കിള് ട്രാക്കിങ് പ്ലാറ്റ്ഫോം, സ്ത്രീകള്ക്കും ട്രാന്സ്ജെന്ഡേഴ്സിനും വേണ്ടിയുള്ള കലാസാംസ്കാരിക പരിപാടി, എംഎസ്എംഇകള്ക്കുള്ള പ്രത്യേക പാക്കേജ് എന്നിവയാണ് പുതിയ സ്കീമിൽ ഉള്പ്പെടുന്നത്.
ട്രാന്സ്ജെന്ഡേഴ്സിന്റെ മഴവില് പദ്ധതിക്ക് 5 കോടി രൂപയും ജന്ഡര് പാര്ക്കിന് 10 കോടി രൂപയുമാണ് ബജറ്റില് വകയിരുത്തിയിട്ടുള്ളത്.
സ്ത്രീകള്ക്ക് മെച്ചപ്പെട്ട ലിംഗസൗഹൃദ സൗകര്യങ്ങളും സുരക്ഷിതമായ ഭവനവുമാണ് ജെന്ഡര് ബജറ്റിലെ പ്രധാന ലക്ഷ്യം.
