ബെംഗളൂരു : ഡോക്ടറെ ഭീഷണിപ്പെടുത്തി പണം തട്ടിയെടുത്ത കേസിൽ കന്നടയിലെ പ്രമുഖ ടിവി ചാനൽ ലേഖകൻ അറസ്റ്റിലായി.
പബ്ലിക് ടിവി ലേഖനമാണ് പോലീസ് പിടിയിലായത്.സദാശിവ നഗർ സ്വദേശി ഡോക്ടർ രമണറാവുവിനെയാണ് ഹേമന്ത് ഭീഷണിപ്പെടുത്തിയത്. ഡോക്ടറുടെ അപകീർത്തിപരമായ ദൃശ്യങ്ങൾ തന്റെ കയ്യിൽ ഉണ്ടെന്നും, പ്രക്ഷേപണം ചെയ്യരുതെങ്കിൽ 50 ലക്ഷം രൂപ നൽകണമെന്നും ആവശ്യപ്പെട്ടു.
ഇതിൻറെ ആദ്യഗഡുവായി അഞ്ച് ലക്ഷം രൂപ ഡോക്ടർ ഹേമന്തിന് നൽകി. കൂടുതൽ പണം വേണമെന്ന് ആവശ്യപ്പെട്ടതോടെ ഡോക്ടർ രമണ റാവു സദാശിവ നഗർ പോലീസിൽ വിവരമറിയിച്ചു .
പോലീസ് നൽകിയ നിർദേശ പ്രകാരം ബാക്കി പണം നൽകാമെന്ന് പറഞ്ഞ് ഹേമന്തിനെ ക്ലിനിക്കിലേക്ക് വിളിച്ചുവരുത്തി.
അവിടെ മറഞ്ഞുനിന്ന് പൊലീസുകാർ ഇയാളെ കയ്യോടെ പിടികൂടുകയായിരുന്നു.
മറ്റ് ചാനൽ പ്രവർത്തകർക്കും ഇതിൽ ബന്ധമുണ്ട് എന്ന് പോലീസ് സംശയിക്കുന്നു. ഹേമന്തിനെ ചാനലിൽ നിന്ന് നേരത്തെ പുറത്താക്കിയിരുന്നതായി പബ്ലിക് ടിവി എഡിറ്റർ എച്ച് ആർ രംഗനാഥ് അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
