Month: January 2019

ബെംഗളൂരു: കേന്ദ്ര സര്‍ക്കാറി​​​നെതിരെ പത്ത്​ തൊഴിലാളി സംഘടനകള്‍ സംയുക്തമായി നടത്തുന്ന പണിമുടക്ക്, ബെംഗളൂരു ടൗൺ ഹാൾ പരിസരത്ത് പ്രധിഷേധ പ്രകടനം തുടരുന്നു. കാര്യമായ അക്രമസംഭവങ്ങളൊന്നും റിപ്പോർട്ട് ചെയ്യപ്പെട്ടിട്ടില്ല. നഗരത്തിലെ ഇതുവരെയുള്ള സംഭവവികാസങ്ങൾ ഇങ്ങനെ… പ്രധിഷേധ പ്രകടനം: മൈസൂർ ബാങ്ക് സർക്കിൾ, കെ ജി റോഡ് പരിസരത്തു ഗതാഗത സ്തംഭനം തുടരുന്നു.. മല്ലേശ്വരത്തു ബി എം ടി സി ബസിനുനേരെ കല്ലേറ്. ബെംഗളൂരു വിമാനത്താവളത്തിൽ നിന്നുള്ള വായു വജ്ര ബസ് സർവീസ് നിർത്തിവച്ചു. കെ ആർ മാർക്കറ്റ് പരിസരത്ത് പ്രതിഷേധക്കാർ ചുവന്ന റോസാപ്പൂ വിതരണം ചെയ്ത്…

ബെംഗളൂരു: നഗരത്തിൽ എ ഐ ടി യു സി യുടെ നേതൃത്വത്തിൽ പലയിടങ്ങളിൽ പ്രതിഷേധ പ്രകടനങ്ങൾ നടത്തുന്നു. ജിഗനി, ബൊമ്മസാന്ദ്ര, വൈറ്റ് ഫീൽഡ്, പീനിയ, ദൊഡ്ഡബെല്ലാപുര എന്നിവിടങ്ങളിൽ പ്രകടനങ്ങൾ നടത്തുന്നതിന് പുറമെ, ടൗൺ ഹാളിൽ നിന്ന് ഫ്രീഡം പാർക്കിലേക്ക് ഇന്ന് ഉച്ചയോടെ പ്രകടനം നടത്തും. കർണാടക ആർ.ടി.സി., നോർത്ത്‌ വെസ്റ്റ് കർണാടക ആർ.ടി.സി., നോർത്ത് ഈസ്റ്റ് കർണാടക ആർ.ടി.സി. എന്നിവയിലെ ഭൂരിഭാഗം തൊഴിലാളികളും പ്രകടനങ്ങളിൽ പങ്കുചേരുന്നെന്നു കർണാടക ആർ.ടി.സി. തൊഴിലാളി യൂണിയൻ ട്രേഷറർ ചന്ദ്രശേഖര ഗൗഡ അറിയിച്ചു.

ബെംഗളൂരു: ഓട്ടോറിക്ഷകൾ പണിമുടക്കുന്നതിൽ പ്രതിഷേധിച്ച് ബെംഗളൂരു പ്രസ് ക്ലബ്ബിനുസമീപം ബെംഗളൂരു ഓട്ടോ ഡ്രൈവേഴ്‌സ് ആൻഡ് വെൽഫെയർ യൂണിയൻ പ്രതിഷേധം സംഘടിപ്പിച്ചു. രണ്ടുദിവസം പണിമുടക്കുന്നത് തൊഴിലാളികളുടെ വരുമാനത്തെ ബാധിക്കുമെന്ന് ഇവർ ആരോപിച്ചു.

ബെംഗളൂരു: ഇനി സ്ത്രീകൾക്ക് കെംപഗൗഡ രാജ്യാന്തര വിമാനത്താവളത്തിലേക്ക് പിങ്ക് വെബ് ടാക്സിയിൽ സഞ്ചരിക്കാം. ജിപിഎസ് ട്രാക്കിങ്, പാനിക് ബട്ടൻ സൗകര്യവും കാറിലുണ്ട്. സർവീസിന്റെ ഫ്ലാഗ് ഓഫ് ബാംഗ്ലൂർ ഇന്റർനാഷനൽ എയർപോർട്ട് ലിമിറ്റഡ് സിഇഒ ഹരി മാരാർ, കെഎസ്ടിഡിസി എംഡി കുമാർ പുഷ്കർ എന്നിവർ ചേർന്ന് നിർവഹിച്ചു. കർണാടക ടൂറിസം വികസന കോർപറേഷനാണ്(കെഎസ്ടിഡിസി) സ്ത്രീകൾ ഓടിക്കുന്ന 10 പിങ്ക് ടാക്സികളുടെ സർവീസ് ആരംഭിച്ചത്. 24 മണിക്കൂറും സേവനം ലഭ്യമാകും. രാവിലെ 6 മുതൽ രാത്രി 12 വരെ കിലോമീറ്ററിന് 21.5 രൂപയും രാത്രി 12 മുതൽ രാവിലെ 6 വരെ 23.5 രൂപയുമാണ് യാത്രാനിരക്ക്.