ബെംഗലൂരു : ഇലക്ഷന് തിയതി അടുത്തതോടെ വ്യാപകമായ രീതിയില് കള്ളപ്പണവും ഒഴുകുകയാണ് ..തിങ്കളാഴ്ച സിറ്റിയില് നിന്നും ശിവ മോഗയിലേക്ക് തിരിച്ച സ്വകാര്യ ബസില് നിന്നും പോലീസ് മൂന്നു കോടി രൂപയാണ് പിടിച്ചെടുത്തത് …ഉടമസ്ഥന് ഇല്ലാതെ സീറ്റിന്റെ അടിയില് സൂക്ഷിച്ച രണ്ടു പോളിത്തീന് ബാഗിലാണ് രണ്ടായിരവും അഞ്ഞൂറുമടങ്ങുന്ന നോട്ടുകെട്ടുകള് കാണപ്പെട്ടത് ..രഹസ്യ വിവരം ലഭിച്ചതിന്റെ അടിസ്ഥാനത്തില് ഉച്ചയ്ക്ക് 1.30 ഓടെ തുംകൂര് കയത്ത സാന്ദ്രാ ടോള് ഗേറ്റില് വെച്ചായിരുന്നു പോലീസ് ബസ് പരിശോധിച്ചത് …വണ്ടിയില് ആ സമയം 25 ഓളം യാത്രക്കാര് ഉണ്ടായിരുന്നു …
അഞ്ജാതമായ ഫോണ് സന്ദേശമനുസരിച്ച് ശിവ മോഗയില് വിതരണം ചെയ്യാന് ഉദ്ദേശിച്ചു അയക്കുന്ന പണമാണെന്നു ചൂണ്ടികാട്ടിയാണ് ബസിന്റെ പേരും നമ്പരും കണ്ട്രോള് റൂമിലേക്ക് നല്കിയത് …സി സി ടി വി ക്യാമറകളുടെ അഭാവം കൊണ്ട് മറ്റും ഇപ്പോള് കൃത്യമായ വിശകലനം നല്കാന് ഏതായാലും പോലീസിന് കഴിയില്ലെന്ന് സംഭവത്തെ കുറിച്ച് ഉദ്യോഗസ്ഥര് വെളിപ്പെടുത്തി …..
