Year: 2017

ബെംഗളൂരു∙ ശാസ്ത്ര കാഴ്ചകളൊരുക്കിയുള്ള സഞ്ചരിക്കുന്ന പ്ലാനറ്റോറിയത്തിന്റെ ഉദ്ഘാടനം കർണാടക ശാസ്ത്ര സാങ്കേതിക മന്ത്രി എം. ആർ. സീതാറാം നിർവഹിച്ചു.5 മിനി മൊബൈൽ പ്ലാനറ്റോറിയങ്ങളാണ് ഗ്രാമമേഖലകളിലെ വിദ്യാർഥികൾക്കായി ആരംഭിച്ചിരിക്കുന്നത്. ബെളഗാവി, മൈസൂരു, കലബുറഗി, ബെംഗളൂരു ജില്ലകളിലാണ് ആദ്യഘട്ടത്തിൽ മൊബൈൽ പ്ലാനറ്റോറിയം സഞ്ചരിക്കു‌ന്നത്. ഒപ്റ്റോ മെക്കാനിക്കൽ പ്രൊജക്ഷൻ സംവിധാനത്തോടു കൂടിയുള്ള വാനിനുള്ളിലെ ക്രമീകരണങ്ങൾ ബെംഗളൂരു ജവഹർലാൽ നെഹ്റു പ്ലാനറ്റോറിയമാണ് ഒരുക്കിയിരിക്കുന്നത്.

ബെംഗളൂരു∙ ഓണാഘോഷത്തിനു തുടക്കമിട്ട് നാളെ അത്തം പിറക്കുന്നതോടെ ബെംഗളൂരു മലയാളികൾ മാവേലിയെ വരവേൽക്കാനുള്ള ഒരുക്കങ്ങൾ ആരംഭിച്ചു. ഓണാഘോഷത്തിനു നാട്ടിലേക്കു മടങ്ങാനുള്ളവർ ബസിലും ട്രെയിനുമെല്ലാം മാസങ്ങൾക്കു മുൻപേ തന്നെ ടിക്കറ്റ് ബുക്ക് ചെയ്തെങ്കിലും ഒട്ടേറെപ്പേർ ഉദ്യാനനഗരിയിലെ ഓണമാഘോഷിക്കാനുള്ള തയാറെടുപ്പിലാണ്. വിവിധ സംഘടനകളുടെ ഓണാഘോഷ ചടങ്ങുകൾ ഈ മാസം ആദ്യംമുതൽ ആരംഭിച്ചെങ്കിലും അത്തപ്പൂക്കള മൽസരവും കായികമൽസരങ്ങളും ഇനിയുള്ള ദിവസങ്ങളിലാണു സജീവമാകുക. വടംവലിയും തലപ്പന്തുകളിയും ഉറിയടിയും തൊട്ട് ഒരു കാലത്തു കേരളത്തിന്റെ ഗ്രാമങ്ങളിൽ നിറഞ്ഞുനിന്നിരുന്ന കായിക ഇനങ്ങളാണ് ആഘോഷത്തിൽ നിറയുന്നത്. സംഘടനകളുടെ നേതൃത്വത്തിലുള്ള ഓണാഘോഷത്തിനു പുറമേ അപ്പാർട്മെന്റുകളിലെ റസിഡന്റ്സ്…