Category: BENGALURU JALAKAM

ബെംഗളൂരു : ശബരിമല സന്നിധാനത്ത്  യുവതികളെ പ്രവേശിച്ചതിൽ പ്രതിഷേധിച്ച് അയ്യപ്പ സംരക്ഷണ സമിതി ധർണ നടത്തി.സംസ്ഥാന അംഗം ഡോ: വി.ബി.ആരതി ഉൽഘാടനം ചെയ്തു. ഹിന്ദു ജാഗരണ വേദികെ സംസ്ഥാന സഞ്ചാലത് ഉല്ലാസ് ,സമിതി പ്രസിഡന്റ് ശ്രീധർ,ഹരിനായർ തുടങ്ങിയവർ പ്രസംഗിച്ചു.

ബെംഗളൂരു : പ്രശസ്തമായ ഈ വർഷത്തെ ചിത്ര സന്തെ കുമാര കൃപ റോഡിൽ ഈ ഞായറാഴ്ച്ച നടക്കും ചിത്രകലാ പരിഷത്തിന്റെ ആഭിമുഖ്യത്തിൽ നടക്കുന്ന പരിപാടിയിൽ 2 കിലോമീറ്റർ ദൂരത്ത് 1500 സ്റ്റാളുകളാണ് ഒരുക്കിയിട്ടുള്ളത്. രാജ്യത്തിന്റെ വിവിധ ഭാഗങ്ങളിൽ നിന്നുള്ള കലാകാരൻമാർ പങ്കെടുക്കും.ആക്രിലിക്, ഓയിൽ കളർ, വാട്ടർ കളർ, ചുമർചിത്രങ്ങൾ, മൺ ശിൽപങ്ങൾ, കാർട്ടൂണുകൾ എന്നിവ പ്രദർശിപ്പിക്കും. രാവിലെ 8 മുതൽ രാത്രി 8 വരെയാണ് പരിപാടി. കഴിഞ്ഞ തവണ 4 ലക്ഷം പേർ പങ്കെടുത്തു.

ബെംഗളൂരു കേരളസമാജം സംഘടിപ്പിക്കുന്ന കവിയരങ്ങ് ജനുവരി ആറിന് രാവിലെ 10-ന് ഇന്ദിരാനഗർ കൈരളി നികേതൻ ഓഡിറ്റോറിയത്തിൽ നടക്കും. കവി വി. മധുസൂദനൻ നായർ ഉദ്ഘാടനംചെയ്യും. കേരളസമാജം പ്രസിഡന്റ് സി.പി. രാധാകൃഷ്ണൻ അധ്യക്ഷനാകും. ഗോവയിൽനിന്നുള്ള കവയിത്രി രാജേശ്വരിയും ബെംഗളൂരുവിലെ മറ്റു കവികളും കവിതകൾ അവതരിപ്പിക്കുമെന്ന് വൈസ് പ്രസിഡന്റ് വിക്രമൻ പിള്ള, ജനറൽ സെക്രട്ടറി റെജികുമാർ എന്നിവർ അറിയിച്ചു. വിവരങ്ങൾക്ക്: 9845222688, 9845263546.

ബെംഗളൂരു : പ്രശസ്ത എഴുത്തുകാരനും വിവർത്തകനുമായ സുധാകരൻ രാമന്തളിക്ക് ചാത്തുക്കുട്ടി പുരസ്‌കാരം. സ്വാതന്ത്ര്യ സമരസേനാനിയും വൈക്കം സത്യാഗ്രഹ സമര നേതാക്കളിൽ ഒരാളുമായ ടി. വി ചാത്തുക്കുട്ടി നായരുടെ സ്മരണയ്ക്കായി ഏർപ്പെടുത്തിയ വിവർത്തനത്തിനുള്ള പുരസ്‌കാരമാണ് ഉദ്യാന നഗരിയുടെ സ്വകാര്യ അഹങ്കാരമായ സുധാകരൻ രാമന്തളിക്ക് ലഭിച്ചത്. “രാമപുരത്തിന്റെ കഥ”ആണ് സുധാകരൻ രാമന്തളിയുടെ ശ്രദ്ധിക്കപ്പെട്ട ഒരു കൃതി.കന്നഡ ഭാഷയിലുള്ള നിരവധി കൃതികൾ അദ്ദേഹം മലയാളത്തിലേക്ക് വിവർത്തനം ചെയ്തിട്ടുണ്ട്. ജ്ഞാനപീഠ ജേതാവായ ചന്ദ്രശേഖര കമ്പാറിന്റെ ശിഖര സൂര്യ, മഹമ്മൂദ് ഗാവാൻ, ശിവനദാംഗൂര തുടങ്ങിയ പ്രശസ്തമായ കന്നഡ ഭാഷയിലുള്ള രചനകൾ മലയാളത്തിലേക്ക് പരിഭാഷപ്പെടുത്തിയത്…