ന്യൂഡൽഹി : കേരളത്തില് മുസ്ലിം വിഭാഗങ്ങള്ക്കായി സംവരണം ചെയ്തിട്ടുള്ള തസ്തികകളിലേക്ക് ഇതര സംസ്ഥാനങ്ങളിലെ മുസ്ലിംകള്ക്ക് അര്ഹത ഉണ്ടായിരിക്കില്ലെന്ന് സുപ്രീംകോടതി ഉത്തരവ്.
താമസിക്കുന്ന സംസ്ഥാനത്തെ സംവരണ സര്ട്ടിഫിക്കറ്റുകൊണ്ട് മറ്റൊരു സംസ്ഥാനത്ത് സംവരണം ലഭിക്കില്ലെന്ന കേരള ഹൈക്കോടതി വിധി സുപ്രീംകോടതി ശരിവച്ചു.
സംവരണം ഓരോ സംസ്ഥാനത്തെയും സാഹചര്യങ്ങള് അനുസരിച്ചാണ് നിശ്ചയിക്കുന്നതെന്നും ജസ്റ്റീസുമാരായ അജയ് രസ്തോഗി, സി.ടി രവികുമാര് എന്നിവര് അടങ്ങിയ ബെഞ്ച് വ്യക്തമാക്കി.
കണ്ണൂര് സര്വകലാശാലയില് ഐടി വിഭാഗത്തില് കര്ണാടക സ്വദേശിയായ ബി. മുഹമ്മദ് ഇസ്മയിലിനെ നിയമിച്ചതുമായി ബന്ധപ്പെട്ട ഹര്ജിയിലാണ് സുപ്രീംകോടതി ഉത്തരവ്. സംവരണം ചെയ്യപ്പെട്ടിരുന്ന തസ്തികയിലേക്ക് നടന്ന മുഹമ്മദ് ഇസ്മയിലിന്റെ നിയമനം ഹൈക്കോടതി റദ്ദ് ചെയ്തിരുന്നു . ഇതിനെതിരെ കണ്ണൂര് സര്വകലാശാലയും, മുഹമ്മദ് ഇസ്മയിലും നല്കിയ ഹര്ജികള് തള്ളിക്കൊണ്ടാണ് സുപ്രീംകോടതി നിലപാട് വ്യക്തമാക്കിയത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
