തൊണ്ണൂറുകളില് സൌത്ത് ബി ഗ്രേഡ് സിനിമളില് തരംഗമായ മാദക റാണി ഷക്കീലയുടെ ജിവിതം സിനിമയാകുന്നു …ഇന്ദ്രജിത്ത് ലങ്കേഷ് സംവിധാനം ചെയ്യുന്ന ചിത്രത്തില് ഷക്കീലയായി വേഷമിടുന്നത് ബോളിവുഡ് നടി റിച്ച ഛധ ആണ് …ഷക്കീലയുടെ തന്നെ ആത്മകഥ ആധാരമാക്കിയാണ് ചിത്രമോരുങ്ങുന്നത് എന്ന് അണിയറ പ്രവര്ത്തകര് പറയുന്നു …
കഥാപാത്രത്തിന്റെ ഒരുക്കത്തി നായി റിച്ച കഴിഞ്ഞ ദിവസം ഷക്കീലയെ സന്ദര്ശിച്ചത് വാര്ത്തയായിരുന്നു …അഭിനയ ജീവിതത്തിലെയും ,വ്യക്തി ജീവിതത്തിലെയും പ്രധാന ഏടുകള് പരാമര്ശിച്ചു തന്നെയായിരിക്കും നടിയെ അഭ്രപാളികളില് എത്തിക്കാനുള്ള ശ്രമം എന്ന് അണിയറപ്രവര്ത്തകര് പറയുന്നു ….ഫുക്രി സിരീസിലെ ബോലി പഞ്ചാബന് ,ഗ്യങ്ങ്സ് ഓഫ് വസിപൂരിലെ നഗ്മ ,മസാനിലെ ദേവി പതക് തുടങ്ങി ഒരു പിടി മികച്ച കഥാപാത്രങ്ങള്ക്ക് ജീവന് പകര്ന്ന പ്രതിഭ തന്നെയാണ് റിച്ച …തന്റെ കഥാപാത്രത്തിന് ഏറ്റവും അനുയോജ്യയായ നടി, റിച്ച ആണെന്ന് ഷക്കീലയും അഭിപ്രായപ്പെട്ടിരുന്നു ….
മലയാളത്തില് തൊണ്ണൂറുകളില് ‘ഷക്കീല തരംഗം’ പോലും സംജാതമായിരുന്നു ….ബി ക്ലാസ് സി ക്ലാസ് തിയേറ്ററുകള് പോലും ഈ തരംഗത്തില് ജീവന് വെച്ചു ….വിമര്ശനങ്ങളുടെ കൂമ്പാരം കൊണ്ടും വ്യക്തി ജീവിതത്തിലെ തകര്ച്ചകള് മൂലവും ഷക്കീല ഒടുവില് കരിയര് അവസാനിപ്പിക്കുകയായിരുന്നു ….അടുത്ത കാലത്ത് ഒരു സ്വകാര്യ ചാനലില് അതിഥിയായെത്തിയ ഷക്കീലയുടെ ഇന്റര്വ്യൂ ഒരു മാദക നടി എന്നതിനേക്കാള് മികച്ച ഒരു വ്യക്തിത്വം എന്ന നിലയില് മലയാള പ്രേക്ഷകരുടെ ശ്രദ്ധ ആകര്ഷിച്ചിരുന്നു …
