ബെംഗളൂരു: നഗരത്തിലെ തിരക്കേറിയ കേന്ദ്രമായ കെ.ആർ. മാർക്കറ്റിന് സമീപം ബുധനാഴ്ച വൻ തീപിടുത്തമുണ്ടായി. മാർക്കറ്റിന് അരികിലെ മാലിന്യക്കൂമ്പാരത്തിന് തീപിടിച്ചതാണ് വലിയ അപകടത്തിലേക്ക് നയിച്ചത്.
നിമിഷങ്ങൾക്കുള്ളിൽ തീ ആളിപ്പടർന്നതോടെ മാലിന്യക്കൂമ്പാരം പൂർണ്ണമായും കത്തിനശിക്കുകയും പ്രദേശമാകെ കട്ടിയുള്ള പുകയാൽ മൂടപ്പെടുകയും ചെയ്തു. ഇത് മാർക്കറ്റിലെത്തിയവർക്കും പ്രദേശവാസികൾക്കും ഇടയിൽ വലിയ പരിഭ്രാന്തി സൃഷ്ടിച്ചു.
തീപിടുത്തത്തെത്തുടർന്ന് കിലോമീറ്ററുകളോളം ദൂരത്തേക്ക് കറുത്ത പുക പടർന്നത് ദൃശ്യപരത കുറയുന്നതിനും ശ്വാസതടസ്സം അനുഭവപ്പെടുന്നതിനും കാരണമായി. വിവരമറിഞ്ഞ് സ്ഥലത്തെത്തിയ അഗ്നിശമന സേനാംഗങ്ങൾ മണിക്കൂറുകളോളം നീണ്ട പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്.
നഗരത്തിലെ ഏറ്റവും തിരക്കേറിയ മേഖലയായതിനാൽ വൻ ദുരന്തം ഒഴിവായതിന്റെ ആശ്വാസത്തിലാണ് അധികൃതർ. തീപിടുത്തത്തിന്റെ കൃത്യമായ കാരണം വ്യക്തമായിട്ടില്ലെങ്കിലും കഠിനമായ ചൂട് ഇതിനൊരു ഘടകമായിട്ടുണ്ടാകാമെന്നാണ് പ്രാഥമിക നിഗമനം. പോലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
