മഹേഷിന്റെ പ്രതികാരം ,തോണ്ടി മുതലും ദ്രിക്സാക്ഷിയും ..! ഈ രണ്ടു ചിത്രത്തോടെ ദിലീഷ് പോത്തന് എന്ന സംവിധായകന്റെ മികവു പ്രേക്ഷകന് ആവോളം തിരിച്ചറിഞ്ഞതാണ് …രണ്ടാമത്തെ ചിത്രത്തിന് തിലക കുറിയായി ഫഹദ് ഫാസിലിനു ദേശീയ അവാര്ഡ് ലഭിച്ചതും തുടര്ന്ന് ഉരുതിരുഞ്ഞ ചില്ലറ പ്രശ്നങ്ങളുമൊന്നും ഏതായാലും അണിയറ പ്രവര്ത്തകരെ ഒന്നും തെല്ലും ബാധിച്ചിട്ടില്ല ..! അടുത്ത ചിത്രത്തിന്റെ ഫസ്റ്റ് ലുക്ക് പോസ്റ്ററുമായി പഴയ ടീമംഗങ്ങള് ഇതാ എത്തിയിരിക്കുന്നു …’കുമ്പളങ്ങി നൈറ്റ്സ് ‘ എന്ന് പേരിട്ടിരിക്കുന്ന ചിത്രത്തില് പക്ഷെ ദിലീഷ് പോത്തന് നിര്മ്മാതാവിന്റെ റോളിലാണ് ..ചിത്രം സംവിധാനം ചെയ്യുന്നത് ഇരുവരുടെയും സഹ പ്രവര്ത്തകനായ മധു സി നാരായണന് ആണ് …നിര്മ്മാണ പങ്കാളിയായി ഫഹദ് ഫാസിലും ,ശ്യാം പുഷ്ക്കരനും ഒപ്പമുണ്ട് ..
അന്തരിച്ച സിനിമാ താരവും ,മിമിക്രി കലാകാരനുമായ അബിയുടെ പുത്രനും , പറവ ,ഈട , സൈറാ ബാനു എന്നീ ചിത്രങ്ങളില് ശ്രദ്ദേയമായ വേഷങ്ങളും ചെയ്ത ഷെയ്ന് നിഗം ആണ് പ്രധാന റോളില് ..ചിത്രത്തില് ഫഹദ് വില്ലന് വേഷത്തിലാണെന്ന് സൂചനകള് ഉണ്ട് …രചന നിര്വ്വഹികുന്നത് ശ്യാം പുഷ്ക്കരന് തന്നെയാണ് …
