Year: 2026

ബെംഗളൂരു: ഫിഫ ലോകകപ്പ് ഫൈനലിൽ സ്പെയിനും അർജന്റീനയും നേർക്കുനേർ പോരാടാനിരിക്കെ, വരാനിരിക്കുന്ന ഞായറാഴ്ചയെ വരവേൽക്കാൻ ഉറക്കമില്ലാത്ത രാത്രിയുമായി ബെംഗളൂരു നഗരം. നഗരത്തിലെ ഫുട്ബോൾ പ്രേമികൾ വലിയ വാച്ച് പാർട്ടികളും ഭാഗ്യ പരീക്ഷണങ്ങളുമായി കളി കാണാൻ ഒരുങ്ങിക്കഴിഞ്ഞു. ആരാധകരുടെ ആവേശം കണക്കിലെടുത്ത് മത്സരദിവസം നഗരത്തിലെ പബ്ബുകൾ, ക്ലബ്ബുകൾ, ബാറുകൾ, റെസ്റ്റോറന്റുകൾ എന്നിവയ്ക്ക് പുലർച്ചെ 3.30 വരെ തുറന്നുപ്രവർത്തിക്കാൻ കർണാടക സർക്കാർ പ്രത്യേക അനുമതി നൽകി. 90 മിനിറ്റിലൊതുങ്ങുന്ന വെറുമൊരു ഫുട്ബോൾ മത്സരത്തിനപ്പുറം വലിയൊരു ആഘോഷമാക്കാനാണ് ആരാധകരുടെ തയ്യാറെടുപ്പ്. ലേറ്റ് നൈറ്റ് മാച്ചുകൾ ഒന്നുപോലും നഷ്ടപ്പെടുത്താറില്ലെന്ന് ബെംഗളൂരുവിലെ…

ബെംഗളൂരു : ബംഗളൂരുവിലെ ബാനസവാടിയിൽ രണ്ട് വയസ്സുകാരി ദുരൂഹ സാഹചര്യത്തിൽ മരിച്ച സംഭവത്തിൽ പൊലീസ് അന്വേഷണം ആരംഭിച്ചു. കുട്ടിയുടെ മരണവുമായി ബന്ധപ്പെട്ട് മാതാപിതാക്കളും കുടുംബസുഹൃത്തും പരസ്പരവിരുദ്ധമായ മൊഴികളും ഗുരുതരമായ ആരോപണങ്ങളും ഉന്നയിച്ചതോടെയാണ് മരണം വിവാദമായത്. ബാനസവാടി ഇന്ദിരാ സ്ട്രീറ്റിൽ താമസിക്കുന്ന ജെയ്‌സൺ ആന്റണി-റോസ്‌ലിൻ ദമ്പതികളുടെ മകൾ കാർലെറ്റ് ഡെയ്‌സി (2) ആണ് മരിച്ചത്. കുട്ടിക്ക് ശ്വാസതടസ്സം അനുഭവപ്പെട്ടതിനെ തുടർന്ന് സമീപത്തെ ആശുപത്രിയിൽ എത്തിച്ചെങ്കിലും ചികിത്സ ലഭിക്കുന്നതിന് മുൻപ് തന്നെ മരണം സംഭവിച്ചുവെന്നാണ് മാതാപിതാക്കൾ ആദ്യം പറഞ്ഞിരുന്നത്. എന്നാൽ, കുട്ടിയുടെ മരണത്തിൽ ദുരൂഹതയുണ്ടെന്ന് ആരോപിച്ച് ദമ്പതികളുടെ…

ബെംഗളൂരു: ഫിഫ ലോകകപ്പ് ഫുട്ബോൾ ആവേശത്തിൽ മുഴുകിയിരിക്കുന്ന കായികപ്രേമികൾക്ക് ആശ്വാസമായി ബെംഗളൂരു നഗരത്തിലെ ഹോട്ടലുകളുടെയും റെസ്റ്റോറന്റുകളുടെയും പ്രവർത്തന സമയം പോലീസ് നീട്ടി നൽകി. ലോകകപ്പിലെ ലൂസേഴ്സ് ഫൈനലും (മൂന്നാം സ്ഥാനക്കാർക്കായുള്ള മത്സരം) ഫൈനൽ പോരാട്ടവും പൊതുജനങ്ങൾക്ക് തത്സമയം കാണുന്നതിനുള്ള സൗകര്യം കണക്കിലെടുത്താണ് ബെംഗളൂരു സിറ്റി പോലീസിന്റെ ഈ നടപടി. ബെംഗളൂരു സിറ്റി പോലീസ് കമ്മീഷണറേറ്റ് പരിധിയിൽ ഭക്ഷണം വിളമ്പുന്നതിനുള്ള സമയപരിധി നീട്ടിക്കൊണ്ട് പോലീസ് കമ്മീഷണർ സീമന്ത് കുമാർ സിംഗ് പുതുക്കിയ ഉത്തരവിറക്കി. പുതുക്കിയ ഉത്തരവ് പ്രകാരം, ജൂലൈ 19-ന് പുലർച്ചെ ഇന്ത്യൻ സമയം 2.30-ന്…

ബെംഗളൂരു: മുൻ പ്രധാനമന്ത്രി എച്ച്.ഡി. ദേവഗൗഡയുടെ ഭാര്യ ചെന്നമ്മയെ (85) ഗുരുതരാവസ്ഥയിൽ ബെംഗളൂരുവിലെ മണിപ്പാൽ ആശുപത്രിയിൽ പ്രവേശിപ്പിച്ചു. ശ്വാസകോശ സംബന്ധമായ കടുത്ത അസുഖങ്ങളെ തുടർന്ന് വെള്ളിയാഴ്ചയാണ് അവരെ ആശുപത്രിയിലെ തീവ്രപരിചരണ വിഭാഗത്തിൽ (ICU) പ്രവേശിപ്പിച്ചത്. നിലവിൽ വിദഗ്ദ്ധ ഡോക്ടർമാരുടെ പ്രത്യേക സംഘം അവരുടെ ആരോഗ്യനില സസൂക്ഷ്മം നിരീക്ഷിച്ചുവരികയാണ്. ചികിത്സയോട് അവർ വേണ്ടത്ര പ്രതികരിക്കാത്തത് ദേവഗൗഡ കുടുംബാംഗങ്ങളിലും പാർട്ടി പ്രവർത്തകരിലും വലിയ ആശങ്ക സൃഷ്ടിക്കുന്നുണ്ട്. വെള്ളിയാഴ്ച ഉച്ചയ്ക്ക് ആശുപത്രിയിൽ പ്രവേശിപ്പിച്ചത് മുതൽ രാത്രി വൈകുന്നത് വരെ മുൻ പ്രധാനമന്ത്രി എച്ച്.ഡി. ദേവഗൗഡയും മറ്റ് കുടുംബാംഗങ്ങളും ആശുപത്രിയിൽത്തന്നെ…