Month: March 2026

ബെംഗളൂരു: ആന്ധ്രയിലുണ്ടായ വാഹനാപകടത്തില്‍ ബെംഗളൂരുവിൽ നിന്നുള്ള ഒരു കുടുംബത്തിലെ അഞ്ച് പേര്‍ക്ക് ദാരുണാന്ത്യം. ബുധനാഴ്ച രാവിലെ 8.45 ഓടെ ചിറ്റൂർ ജില്ലയിലെ ഗംഗാവരം ദണ്ഡപ്പള്ളി ക്രോസിൽ ബെംഗളൂരു-ചെന്നൈ ദേശീയപാതയിൽ നിയന്ത്രണം വിട്ട് കണ്ടെയ്‌നർ ട്രക്കിന്റെ പിന്നിൽ ഇടിച്ചാണ്  അപകടം. ബെംഗളൂരുവിലെ രാജാജിനഗറിൽ നിന്നും തിരുപ്പതിയിലേക്ക് പോകുകയായിരുന്ന കുടുംബം സഞ്ചരിച്ച കാര്‍ ആണ് അപകടത്തില്‍പ്പെട്ടത്. മോഹൻദാസ് (71), നാഗരാജു റാവു (61), കുസുമ (61), ജയന്തി (59), പൂജ (31) എന്നിവരാണ് മരിച്ചത്. ഇടിയുടെ ആഘാതത്തില്‍ അഞ്ച് പേരും സംഭവസ്ഥലത്ത് വെച്ച് തന്നെ മരിച്ചു. കൂടുതല്‍ വിവരങ്ങള്‍…

ബെംഗളുരു : സമഗ്ര പട്ടിക പരിഷ്‌കരണത്തിന്റെ (എസ്‌ഐആര്‍) ഭാഗമായി 73.2% വോട്ടര്‍മാരെ സ്ഥിരീകരിച്ചു. സംസ്ഥാന തിരഞ്ഞെടുപ്പ് ഓഫിസറുടെ നേതൃത്വത്തിലാണ് 5.57 കോടി വോട്ടര്‍മാരില്‍ 4.08 കോടി പേരെ സ്ഥിരീകരിച്ചത്. 2002ല്‍ 3.4 കോടി വോട്ടര്‍മാരാണ് ഉണ്ടായിരുന്നത്. ഇതിനിടെ ഗ്രേറ്റര്‍ ബെംഗളൂരു അതോറിറ്റി (ജി ബിഎ) തിരഞ്ഞെടുപ്പിനായുള്ള അന്തിമ വോട്ടര്‍ പട്ടികയും തയാറാക്കി വരികയാണ്. ഏപ്രില്‍ 6നു മുന്‍പു പ്രസിദ്ധീകരിക്കും.

ബെംഗളൂരു: ഭക്ഷണം പാകം ചെയ്യുന്നതുമായി ബന്ധപ്പെട്ട് ഭർത്താവിന്റെ അമ്മയുമായി വഴക്കുണ്ടായതിന് പിന്നാലെ യുവതി ആത്മഹത്യ ചെയ്തു. ബെംഗളൂരുവിലെ മുൻ ഐടി ജീവനക്കാരിയായ 35കാരി സുഷമയാണ് ആത്മഹത്യ ചെയ്തത്. അഞ്ച് വർഷം മുമ്പാണ് പുനീത് കുമാറിനെ സുഷമ വിവാഹം ചെയ്തത്. അന്ന് മുതൽ ഭർത്താവിന്റെ അമ്മയായ കല്പനയുമായി അസ്വാരസ്യങ്ങളുണ്ടായിരുന്നതായി സുഷമയുടെ കുടുംബം ആരോപിച്ചു. ചെറിയകാര്യങ്ങൾക്കു പോലും കല്പന മകളുമായി വഴക്കിടുമായിരുന്നുവെന്ന് ഇവർ പറഞ്ഞു. വിവാഹം കഴിഞ്ഞ നാൾ മുതൽ മകളെ വീട്ടിൽ ഭക്ഷണം പാകം ചെയ്യാൻ കല്പന സമ്മതിക്കാറില്ലെന്നും പല വിഷയങ്ങളും പറഞ്ഞ് മാനസികമായി തളർത്തുമായിരുന്നുവെന്നും…

ബെംഗളൂരു: പശ്ചിമേഷ്യയിലെ യുദ്ധസമാനമായ സാഹചര്യത്തെത്തുടർന്ന് വ്യോമപാതകളിൽ നിയന്ത്രണം ഏർപ്പെടുത്തിയതോടെ ബെംഗളൂരു കെംപെഗൗഡ അന്താരാഷ്ട്ര വിമാനത്താവളത്തിൽ (KIA) നിന്നുള്ള വിമാനങ്ങൾ കൂട്ടത്തോടെ റദ്ദാക്കി. ചൊവ്വാഴ്ച മാത്രം വിവിധ ഗൾഫ് രാജ്യങ്ങളിലേക്കുള്ള 42 വിമാന സർവീസുകളാണ് മുടങ്ങിയത്. 21 വരവും 21 പോക്കുമുൾപ്പെടെയുള്ള സർവീസുകളാണ് റദ്ദാക്കിയത്. പ്രധാന സർവീസുകളെ ബാധിച്ചു അബുദാബി, റിയാദ്, ജിദ്ദ, ദമാം, ദുബായ്, ദോഹ എന്നിവിടങ്ങളിലേക്കുള്ള വിമാനങ്ങളെയാണ് നിയന്ത്രണം പ്രധാനമായും ബാധിച്ചത്. അർധരാത്രി വരെ ഈ സെക്ടറുകളിലേക്ക് വിമാനങ്ങളൊന്നും ഷെഡ്യൂൾ ചെയ്തിരുന്നില്ലെന്ന് വിമാനത്താവള അധികൃതർ അറിയിച്ചു. യുഎഇ പൗരന്മാരെയും റെസിഡന്റ് പെർമിറ്റ് ഉള്ളവരെയും…