Month: March 2026

ബെംഗളൂരു: നൈസ് റോഡ് വഴിയുള്ള ബി എംടിസിയുടെ നോണ്‍ എസി ബസ് സര്‍വീസ് ആരംഭിച്ചു. റൂട്ട് നമ്പര്‍ നൈസ് -4 ബസ് വിജയനഗര്‍ ബസ് ടെര്‍മിനലില്‍ നിന്ന് (ചന്ദ്രാലേഔട്ട്, നായന്തഹള്ളി ജംക്ഷന്‍ വഴി) ഇലക്ട്രോണിക് സിറ്റി വിപ്രോ ഗേറ്റ് വരെ സര്‍വീസ് നടത്തും. ഇലക്ട്രോണിക് സിറ്റിയില്‍ നിന്ന് നൈസ് റോഡ് വഴി നെലമംഗല, മാധവാര, കെങ്കേരി, വിജയനഗര്‍ എന്നിവിടങ്ങളിലേക്ക് നിലവില്‍ എസി ബസ് സര്‍വീസുകളുണ്ട്.  

ബെംഗളൂരു: നഗരത്തില്‍ ജലക്ഷാമം അനുദിനം രൂക്ഷമാകുമ്പോഴും മഴവെള്ളം സംഭരിക്കാനുള്ള പദ്ധതികള്‍ കാര്യക്ഷമമല്ല. 2325 ചതുരശ്ര അടിയില്‍ കൂടുതലുള്ള കെട്ടിടങ്ങളില്‍ മഴവെള്ള സംഭരണി നിര്‍ബന്ധമാക്കി 2021ല്‍ ബെംഗളൂരു ജല അതോറിറ്റി (ബിഡബ്ല്യുഎസ്എസ്ബി) നിയമം പാസാക്കിയെങ്കിലും ഭൂരി ഭാഗം കെട്ടിടങ്ങളിലും ഇത് പാലിച്ചിട്ടില്ല. 2023 വരെ നഗരപരിധിയില്‍ 2.05 ലക്ഷം കെട്ടിടങ്ങളില്‍ മാത്രമാണ് മഴവെള്ള സംഭരണി നിര്‍മിച്ചത്. സ്ഥാപിക്കാത്ത ഉടമകളില്‍ നിന്ന് പിഴ ഉള്‍പ്പെടെ ഈടാക്കിയെങ്കിലും തുടര്‍ നടപടികള്‍ ഉണ്ടായില്ല. സ്ഥാപിച്ച പലയിടങ്ങളിലും സംഭരണികള്‍ ഉദ്ദേശിച്ച ഫലവും കണ്ടില്ല. സ്ഥലപരിമിതി ഉള്‍പ്പെടെയുള്ള ചുണ്ടിക്കാണിച്ചാണ് അപ്പാര്‍ട്‌മെന്റ് അസോസിയേഷനുകള്‍ തടസ്സവാദം…

ബെംഗളുരു പരിശോധന ഭയന്ന് വീടുപുട്ടി അകത്തിരുന്ന സര്‍ക്കാര്‍ ഉദ്യോഗസ്ഥനെ 3 മണിക്കൂറിന് ശേഷം ലോകായുക്ത പൊലീസ് പുറത്തെത്തിച്ചു. ഹാസന്‍ കോര്‍പറേഷനിലെ എക്‌സിക്യുട്ടീവ് എന്‍ജിനീയര്‍ എം.സി. സത്യനാരായണയാണ് വീടുപൂട്ടിയിട്ടത്. അനധികൃത സ്വത്ത് സമ്പാദനവുമായി ബന്ധപ്പെട്ട് ഇന്നലെ പുലര്‍ച്ചെയാണ് പൊലീസ് പരിശോധനയ്‌ക്കെത്തിയത്. പൊലീസിനെ കണ്ടതോടെ ഇയാള്‍ വീട് അകത്ത് നിന്ന് പുട്ടി. ഏറെ നേരം വിളിച്ചിട്ടും മറുപടി ഉണ്ടായില്ല. സത്യനാരായണ അകത്തുണ്ടെന്ന് മനസിലാക്കിയ പൊലീസ് വാതില്‍ ചവിട്ടി പൊ ളിക്കാനൊരുങ്ങിയപ്പോഴാണ് ഒടുവില്‍ തുറന്നത്. എസ് പി നന്ദിനിയുടെ നേതൃത്വത്തില്‍ നടത്തിയ പരിശോധനയില്‍ കണക്കില്‍പെടാത്ത പണവും ആഭരണങ്ങളും കണ്ടെത്തി.…

തിരുവനന്തപുരം: തിരുവനന്തപുരത്തു നിന്നുള്ള കാസർകോട്, മംഗളൂരു വന്ദേഭാരത് ട്രെയിനുകളിലെ ഭക്ഷണ മെനു പരിഷ്കരിച്ചു. മൂന്നു തരത്തിലുള്ള മെനുവാണു വിവിധ ദിവസങ്ങളിൽ യാത്രക്കാർക്കു ലഭിക്കുക. ഉച്ചഭക്ഷണത്തിനും രാത്രി ഭക്ഷണത്തിനും വെജിൽ ലഭിക്കുക ഇവയാണ്. നെയ്യ് ചോറ്, ഗോതമ്പ് പൊറോട്ട, പരിപ്പുകറി, മിക്സ്ഡ് തോരൻ, ഫ്രൂട്ട് ട്രൈഫുൽ മട്ടയരി ചോറ്, 2 ചപ്പാത്തി, തീയൽ, വറുത്തരച്ച വെജ് കറി, അടപ്രഥമൻ വെജ് ബിരിയാണി, മലബാർ പൊറോട്ട, ഗ്രീൻപീസ് (പാൽ പിഴിഞ്ഞ കറി), ഉരുളക്കിഴങ്ങ് മസാല, സേമിയ പായസം നോൺ വെജിൽ നെയ്യ് ചോറിനൊപ്പം വറുത്തരച്ച ചിക്കൻകറിയും മട്ടയരി…

ബെംഗളൂരു: സംസ്ഥാന മുഖ്യമന്ത്രിയുടെ റെക്കോർഡ് പതിനേഴാമത് ബജറ്റ് അവതരണത്തിൽ പോലീസ് വകുപ്പിനും പൊതുജന സുരക്ഷയ്ക്കും വൻ മുൻഗണന. വർദ്ധിച്ചുവരുന്ന ജനസംഖ്യയും വ്യാവസായിക വളർച്ചയും കണക്കിലെടുത്ത് സംസ്ഥാനത്തിന്റെ സുരക്ഷാ ശൃംഖല ശക്തമാക്കുന്നതിനായുള്ള വിപുലമായ പദ്ധതികളാണ് ബജറ്റിൽ പ്രഖ്യാപിച്ചിരിക്കുന്നത്. പ്രധാന പ്രഖ്യാപനങ്ങൾ: ക്രമസമാധാന പാലനത്തിനും ട്രാഫിക് നിയന്ത്രണത്തിനുമായി സംസ്ഥാനത്ത് 12 പുതിയ പോലീസ് സ്റ്റേഷനുകൾ അനുവദിച്ചു. ദൊഡ്ഡബല്ലാപൂർ, ഹിരിയൂർ, ഗുണ്ടൽപേട്ട് തുടങ്ങിയ വളരുന്ന നഗരങ്ങളിലെ ഗതാഗതക്കുരുക്ക് പരിഹരിക്കാൻ ട്രാഫിക് സ്റ്റേഷനുകൾക്ക് പ്രത്യേക ഊന്നൽ നൽകിയിട്ടുണ്ട്. പോലീസ് വകുപ്പിലെ വിവിധ റാങ്കുകളിലായി ഒഴിവുള്ള 8,000 തസ്തികകൾ ഈ വർഷം…