Month: August 2024

ബെംഗളൂരു : ബെലഗാവിയിലെ സ്വകാര്യ ഫാക്ടറിയിലുണ്ടായ തീപിടിത്തത്തിൽ വെന്തുമരിച്ച തൊഴിലാളിയുവാവിന്റെ മൃതദേഹാവശിഷ്ടത്തോട് ഡോക്ടർമാർ കാണിച്ചത് കടുത്ത അനാദരവ്. മൃതദേഹാവശിഷ്ടം പ്ലാസ്റ്റിക് സഞ്ചിയിലിട്ടാണ് യുവാവിന്റെ അച്ഛന് കൈമാറിയതെന്ന് ആക്ഷേപമുയർന്നു. മരിച്ച യല്ലപ്പ ഗുണ്ഡ്യാഗലിന്റെ അച്ഛൻ പ്ലാസ്റ്റിക് സഞ്ചിയും പിടിച്ച് കരഞ്ഞുകൊണ്ട് മടങ്ങുന്നതിന്റെ ദൃശ്യം സമൂഹികമാധ്യമങ്ങളിൽ വ്യാപകമായി പ്രചരിച്ചു. ബെലഗാവി ജില്ലാ സിവിൽ ആശുപത്രിയിൽനിന്ന് പോസ്റ്റ്‌മോർട്ടംചെയ്ത മൃതദേഹാവശിഷ്ടമാണ് അനാദരവോടെ ബന്ധുക്കൾക്ക് കൈമാറിയത്. ആശുപത്രിയിൽ ആംബുലൻസ് സൗകര്യമുൾപ്പെടെയുള്ളപ്പോഴാണ് ഇത്തരത്തിൽ പെരുമാറിയത്. സംഭവത്തിൽ സർക്കാരിനെ കുറ്റപ്പെടുത്തി ബി.ജെ.പി. രംഗത്തെത്തി. മൃതദേഹത്തോട് ആദരവും മനുഷ്യത്വവും കാണിക്കാൻ സർക്കാരിന് കഴിയില്ലേയെന്ന് പ്രതിപക്ഷനേതാവ് ആർ.…

ബെംഗളൂരു : വർണക്കാഴ്ചകളുടെ മേളനമൊരുക്കി ലാൽബാഗ് പുഷ്പമേളയ്ക്ക് ഉജ്വലതുടക്കം. ലാൽബാഗിലെ ഗ്ലാസ് ഹൗസിനുള്ളിൽ ആയിരക്കണക്കിന് പൂക്കൾക്കൊണ്ടുനിർമിച്ച പഴയ പാർലമെന്റ് മന്ദിരത്തിന്റെ മാതൃകയാണ് ഇത്തവണത്തെ മേളയുടെ മുഖ്യാകർഷണം. പാർലമെന്റ് മന്ദിരത്തിന്റെ മുൻപിൽ ഭരണഘടനാശില്പി ഡോ. ബി.ആർ. അംബേദ്കറുടെ പ്രതിമയും സ്ഥാനംപിടിച്ചിരിക്കുന്നു. 216-ാമത് ലാൽബാഗ് പുഷ്പമേളയ്ക്കാണ് ഇത്തവണ തുടക്കംകുറിച്ചിരിക്കുന്നത്. സ്വാതന്ത്ര്യദിനാഘോഷത്തോടനുബന്ധിച്ചാണ് മേള. ഡോ. ബി.ആർ. അംബേദ്കറുടെ സംഭാവനകളാണ് ഇത്തവണത്തെ മേളയുടെ വിഷയം. അംബേദ്കറുടെ കുട്ടിക്കാലംതൊട്ടുള്ള ജീവിതത്തെ ആസ്പദമാക്കിയുള്ള പ്രദർശനം മേളയുടെ ഭാഗമാണ്.അംബേദ്കർ രാജ്യത്തിനുനൽകിയ സംഭാവനകൾ, സാമൂഹ്യനീതിക്കുവേണ്ടിചെയ്ത സമരങ്ങൾ, അദ്ദേഹം ബുദ്ധമതം സ്വീകരിച്ചത്, ഭരണഘടനാനിർമാണത്തിൽ അദ്ദേഹം വഹിച്ച പങ്ക്…

ബെംഗളൂരു : കനത്തമഴയിൽ മണ്ണിടിച്ചിലുണ്ടായ മംഗളൂരു-ബെംഗളൂരു റെയിൽപ്പാതയിൽ 12 ദിവസത്തിനുശേഷം ഗതാഗതം പുനഃസ്ഥാപിച്ചു. ഹാസനിലെ സകലേശ്പുരയ്ക്കടുത്ത് യടകുമേറി-കടഗരവള്ളി സ്റ്റേഷനുകൾക്കിടയിൽ ജൂലായ് 26-ന് രാത്രിയാണ് മണ്ണിടിച്ചിലുണ്ടായത്. കുന്നിൻചരുവിലൂടെ കടന്നുപോകുന്ന പാളത്തിന്റെ മുകൾഭാഗത്തും അടിഭാഗത്തും മണ്ണിടിഞ്ഞിരുന്നു. കുന്നിന്റെ അടിഭാഗത്ത് മതിൽനിർമിച്ചും മണൽച്ചാക്കുകളടുക്കിയും സുരക്ഷ വർധിപ്പിച്ചാണ് പാളം വീണ്ടും ഗതാഗതസജ്ജമാക്കിയത്. സുരക്ഷ വർധിപ്പിച്ചശേഷം പാളത്തിലൂടെ ആദ്യ തീവണ്ടി വ്യാഴാഴ്ച ഉച്ചയ്ക്ക് 12.30-ഓടെ കടന്നുപോയി. യശ്വന്തപുര-മംഗളൂരു ജങ്ഷൻ ഗോമടേശ്വര എക്സ്‌പ്രസ് തീവണ്ടിയാണ് ആദ്യം സർവീസ് നടത്തിയത്. ഇതിനുപിന്നാലെ, ഈ റൂട്ടിലൂടെയുള്ള ബാക്കി തീവണ്ടികളും അതിന്റെ നിശ്ചിതസമയം സർവീസ് നടത്തുമെന്ന് ദക്ഷിണ-പശ്ചിമ…

ബെംഗളൂരു: കുടുംബപ്രശ്‌നത്തിന് പിന്നാലെ ഭാര്യയെ കൊലപ്പെടുത്തിയ ഭർത്താവ് കെട്ടിടത്തിൽ നിന്ന് വീണ് മരിച്ചു. കൊലാറിലെ അമ്മായിയുടെ വീട്ടിൽ ഒളിച്ചിരുന്ന ഭാര്യയെ ക്രൂരമായി കൊലപ്പെടുത്തിയ പ്രതി 12 അടി ഉയരമുള്ള കെട്ടിടത്തിൻ്റെ തറയിൽ നിന്നാണ് വീണ് മരിച്ചത്. പോലീസ് അറസ്റ്റിൽ നിന്ന് രക്ഷപ്പെടാൻ ശ്രമിക്കുന്നതിനിടെയാണ് സംഭവം. ബെംഗളൂരു സിദ്ധാപൂർ സ്വദേശി തബ്രെജ് പാഷ (37) ആണ് പ്രതി. ഓഗസ്റ്റ് രണ്ടിന് പുലർച്ചെ ചാമരാജ്പേട്ട എം.ഡി.ബ്ലോക്കിലെ ഭാര്യാമാതാവിൻ്റെ വീട്ടിലെത്തി രോഗിയായ അമ്മായിയമ്മയുടെ മുന്നിൽവെച്ച് ഭാര്യ സൈദ ഫാസിയ ഫാത്തിമയെ (34) കത്തികൊണ്ട് പലതവണ കുത്തുകയായിരുന്നു. സംഭവത്തിൽ ചാമരപ്പേട്ട്…

ബെംഗളൂരു : ചോദ്യപ്പേപ്പറിനൊപ്പം ഉത്തരവും ഉൾപ്പെട്ടതിനെത്തുടർന്ന് ദാവണഗെരെ സർവകലാശാലയിലെ അവസാനവർഷ ബികോം പരീക്ഷ മറ്റിവെച്ചു. ചൊവ്വാഴ്ച വിദ്യാർഥികൾക്ക് കൊടുത്ത ചോദ്യപ്പേപ്പറിലാണ് ഉത്തരവും അടങ്ങിയിരുന്നത്. ചിത്രദുർഗ, ദാവണഗെരെ ജില്ലകളിലായി 15 പരീക്ഷാ കേന്ദ്രങ്ങളിലാണ് വിദ്യാർഥികൾക്ക് ഉത്തരമടങ്ങിയ ചോദ്യപ്പേപ്പർ കൊടുത്തത്. സർവകലാശാലയുടെ കീഴിൽ രണ്ടു ജില്ലകളിലായി 70-ഓളം കോളേജുകൾ പ്രവർത്തിക്കുന്നുണ്ട്. 500-ലധികം വിദ്യാർഥികളാണ് പരീക്ഷ എഴുതാനുണ്ടായിരുന്നത്. പുതുക്കിയ പരീക്ഷാതീയതി ഉടൻ അറിയിക്കുമെന്നും സംഭവത്തിൽ ഖേദം പ്രകടിപ്പിക്കുന്നതായും രജിസ്ട്രാർ സി.കെ. രമേഷ് അറിയിച്ചു.