Month: June 2024

ബെംഗളൂരു: ബി.ജെ.പി തങ്ങളുടെ ഭരണകാലത്ത് ചെയ്തതുപോലെ ഞങ്ങൾ എല്ലാ സാധനങ്ങളുടെയും വില വർധിപ്പിച്ചിട്ടില്ല. ക്രൂഡ് ഓയിൽ വില കുറഞ്ഞപ്പോഴും അവർ വില കൂട്ടി. സംസ്ഥാനത്തിൻ്റെ താൽപര്യം കണക്കിലെടുത്ത് അയൽ സംസ്ഥാനങ്ങളിലെ വില നികത്താനാണ് പെട്രോൾ, ഡീസൽ വിലയിൽ ചെറിയ തുക വർധിപ്പിച്ചതെന്ന് ഉപമുഖ്യമന്ത്രി ഡി.കെ. ശിവകുമാർ. വിലക്കയറ്റത്തിന് കാരണം ഗ്യാരണ്ടി പദ്ധതികളല്ലെന്നും അദ്ദേഹം മാധ്യമപ്രവർത്തകരോട് പറഞ്ഞു. ഗ്യാരണ്ടി സ്കീമിന് വിലവർദ്ധനയുമായി ബന്ധമില്ല. കാലാകാലങ്ങളിൽ സംഭവിക്കേണ്ട വിലക്കയറ്റമാണ് ഞങ്ങൾ ചെയ്തതെന്നും അദ്ദേഹം പറഞ്ഞു. അയൽസംസ്ഥാനങ്ങളിലെ വില വളരെ ചെറിയ തോതിൽ കണക്കിലെടുത്താണ് ഞങ്ങൾ ഇന്ധനവില വർധിപ്പിച്ചത്.…

ബെംഗളൂരു: 3500 കോടിയുടെ 64 വ്യവസായ പദ്ധതികള്‍ക്ക് വ്യവസായ മന്ത്രി എം.ബി. പാട്ടീല്‍ അധ്യക്ഷനായ സംസ്ഥാനതല ഏകജാലക ക്ലിയറൻസ് കമ്മിറ്റി അംഗീകാരം നല്‍കി. ഈ പദ്ധതികള്‍ മുഖേന സംസ്ഥാനത്ത് 13,896 പേർക്ക് തൊഴില്‍ ലഭിക്കുമെന്നാണ് കണക്കുകൂട്ടല്‍. ഇന്റർനാഷനല്‍ ബാറ്ററി കമ്പനി ഇന്ത്യ പ്രൈവറ്റ് ലിമിറ്റഡ്, റിവർ മൊബിലിറ്റി പ്രൈവറ്റ് ലിമിറ്റഡ് എന്നീ കമ്പനികള്‍ യഥാക്രമം 390 ഉം 306.9 കോടിയും സംസ്ഥാനത്ത് വിവിധ പദ്ധതികള്‍ക്കായി നിക്ഷേപിക്കും. മൊത്തം അംഗീകാരം നല്‍കിയ പദ്ധതികളില്‍ നിക്ഷേപം 50 കോടിയില്‍ കുറയാത്ത 13 വൻകിട പദ്ധതികളിലായി 2,046 കോടിയുടെ…

ബെംഗളൂരു: രാജ്യത്തെ വന്ദേഭാരത് ട്രെയിന്‍ സര്‍വീസുകളുടെ പട്ടികയില്‍ പുതിയതായി ആരംഭിക്കാന്‍ പോകുന്ന സര്‍വീസിന്റെ ട്രയല്‍ റണ്‍ വിജയകരമായി പൂര്‍ത്തിയായി. മധുരയില്‍ നിന്ന് ബംഗളൂരുവിലേക്കാണ് പുതിയ വന്ദേഭാരത് സര്‍വീസ് ആരംഭിക്കുന്നത്. ഇതിന്റെ ട്രയല്‍ റണ്‍ റെയില്‍വേ വിജയകരമായി പൂര്‍ത്തിയാക്കിക്കഴിഞ്ഞു. മറ്റ് ട്രെയിനുകള്‍ പത്ത് മണിക്കൂര്‍ മുതല്‍ മുകളിലേക്കാണ് സമയമെടുക്കുന്നതെങ്കില്‍ വന്ദേഭാരതില്‍ എട്ട് മണിക്കൂര്‍ കൊണ്ട് മധുരയില്‍ നിന്ന് ബംഗളൂരുവിലെത്താം. നേരത്തെ തീരുമാനിച്ചത് പ്രധാനമന്ത്രി നരേന്ദ്ര മോദി ജൂണ്‍ 20ന് ചെന്നൈയില്‍ നടക്കുന്ന ചടങ്ങില്‍ ഫ്‌ളാഗ് ഓഫ് ചെയ്യുമെന്നായിരുന്നുവെങ്കിലും സന്ദര്‍ശനം മാറ്റിവെച്ചതോടെ ഫ്‌ളാഗ് ഓഫ് ചടങ്ങും മാറ്റിവച്ചിരിക്കുകയാണ്.…

ബെംഗളൂരു: മദ്യശാലയോട് ചേർന്ന റസ്റ്റാറന്റില്‍ ബഹളമുണ്ടാക്കുന്നത് ചോദ്യം ചെയ്ത ഫോറസ്റ്റ് ഓഫിസറെ അഞ്ചംഗ സംഘം മർദിച്ചുകൊന്നു. യാദഗിരി ജില്ലയില്‍ ഷഹാപുർ ടൗണില്‍ നടന്ന അക്രമത്തില്‍ ഷഹാപുറിലെ മഹേഷ് കനകട്ടിയാണ് (47) കൊല്ലപ്പെട്ടത്. പ്രതികളായ കെ. രാജു (28), സി. രേഖുനായ്ക് (32), ടി. താരാസിങ് (36), എൻ. നര സിങ് (29), പി. പ്രകാശ് (33) എന്നിവരെ അറസ്റ്റ് ചെയ്തു. ഇവർ അഞ്ചുപേരും മഹേഷ് റസ്റ്റാറന്റില്‍ കയറിയപ്പോള്‍ മദ്യലഹരിയില്‍ ഉച്ചത്തില്‍ സംസാരിക്കുകയായിരുന്നു. ശബ്ദം കുറക്കാനാവശ്യപ്പെട്ട മഹേഷും സംഘവും തമ്മില്‍ വാക്കേറ്റമുണ്ടായി. ഇതിനെത്തുടർന്ന് മരക്കഷണം ഉപയോഗിച്ച്‌…

ബെംഗളൂരു: രേണുകാ സ്വാമി കൊലക്കേസില്‍ അറസ്റ്റിലായ നടന്‍ ദര്‍ശന്‍ പെട്ടെന്ന് ദേഷ്യം വരുന്ന സ്വഭാവക്കാരനാണെന്ന് കന്നഡ നടി അനുഷാ റായ്. കേസുമായി ബന്ധപ്പെട്ട് ചൂടുപിടിച്ച ചര്‍ച്ചകള്‍ നടക്കുന്നതിനിടെയാണ് അനുഷ ഇക്കാര്യം പറഞ്ഞത്. ദര്‍ശന്‍ ഒരു കൊലക്കേസില്‍ ഉള്‍പ്പെട്ടതായി വിശ്വസിക്കാനാവുന്നില്ലെന്ന് അനുഷ റായ് പറഞ്ഞു. അദ്ദേഹം വളരെ എളിമയും കരുതലുമുള്ള വ്യക്തിയായിരുന്നെന്നും അവര്‍ കൂട്ടിച്ചേര്‍ത്തു. ‘ക്ഷിപ്രകോപ സ്വഭാവമുള്ളയാളാണ് ദര്‍ശന്‍. അതേസമയം, എളിമയും കാത്തുസൂക്ഷിച്ചിരുന്നു. അദ്ദേഹം എല്ലാ കാര്യത്തിലും കോപപ്പെടുന്നയാളല്ല. ആളുകളോട് ശ്രദ്ധാപൂര്‍വ്വം സംസാരിക്കുന്നു. തന്റെ ഈ ദേഷ്യത്തേക്കുറിച്ച്‌ ദര്‍ശന്‍തന്നെ പല അഭിമുഖങ്ങളിലും തുറന്നുപറഞ്ഞിട്ടുണ്ട്.’ അനുഷ ചൂണ്ടിക്കാട്ടി.…