Month: April 2024

ബെംഗളൂരു : കനത്തചൂട് അനുഭവപ്പെടുന്ന ബെല്ലാരിയിൽ ശാരീരിക അസ്വാസ്ഥ്യത്തെത്തുടർന്ന് ചികിത്സതേടിയത് 20 കുട്ടികൾ. രണ്ടുദിവസത്തിനിടെയാണ് നിർജലീകരണം, പനി, ഛർദി തുടങ്ങിയവുമായി കുട്ടികൾ ബെല്ലാരി ജില്ലാ ആശുപത്രിയിലും വിവിധ സ്വകാര്യ ആശുപത്രികളിലും ചികിത്സതേടിയെത്തിയത്. 10 വയസ്സിനുതാഴെ പ്രായമുള്ള കുട്ടികളാണ് ചികിത്സതേടിയെത്തിയതെന്ന് ആരോഗ്യവകുപ്പ് അധികൃതർ അറിയിച്ചു. ആരുടെയും നില ഗുരുതരമല്ല. കഴിഞ്ഞ ഒരാഴ്ചയായി ജില്ലയിൽ അനുഭവപ്പെടുന്ന ശരാശരി താപനില 40 ഡിഗ്രിസെൽഷ്യസാണ്. ചൂടുകൂടുന്ന സാഹചര്യത്തിൽ ഉച്ചയ്ക്ക് ഒന്നുമുതൽ നാലുവരെ കുട്ടികളും പ്രായമായവരും നേരിട്ട് വെയിലേൽക്കുന്ന പ്രദേശങ്ങളിൽനിന്ന് പരമാവധി മാറി നിൽക്കണമെന്ന് ജില്ലാ ഭരണകൂടം നിർദേശിച്ചിട്ടുണ്ട്. വരും ദിവസങ്ങളിലും…

ബെംഗളൂരു: നടൻ ശിവ രാജ്കുമാറിനെ നഗരത്തിലെ വൈദേഹി ആശുപത്രിയിൽ പ്രവേശിപ്പിച്ചു. താരത്തിന് ഗുരുതര ആരോഗ്യപ്രശ്‌നങ്ങളൊന്നുമില്ലെന്നും ജനറൽ ചെക്കപ്പിനാണ് എത്തിയതെന്നും ഡോക്ടർ പറഞ്ഞു. കഴിഞ്ഞ കുറച്ച് ദിവസങ്ങളായി ഷിമോഗയിൽ ഭാര്യ ഗീത ശിവരാജ്കുമാറിന് വേണ്ടി ശിവണ്ണ പ്രചാരണം നടത്തിയിരുന്നു. ഷിമോഗ ചുറ്റി ആദ്യഘട്ട പ്രചാരണം പൂർത്തിയാക്കി ബെംഗളുരുവിലേക്ക് മടങ്ങുന്നതിനിടെ ദേഹാസ്വാസ്ഥ്യം അനുഭവപ്പെട്ടതിനെ തുടർന്നാണ് ആശുപത്രിയിൽ പ്രവേശിപ്പിച്ചതെന്നാണ് സൂചന. ബന്ധുക്കളും സിനിമാ മേഖലയിലെ പ്രമുഖരും ആശുപത്രിയിലെത്തി ശിവണ്ണയുടെ ആരോഗ്യവിവരങ്ങൾ ചോദിച്ചറിയുന്നുണ്ട്. നടൻ ഗുരുദത്ത് ഉൾപ്പെടെ നിരവധി പേർ ആശുപത്രിയിലെത്തി. ശിവണ്ണ മിക്കവാറും നാളെ ഡിസ്ചാർജ് ചെയ്യപ്പെടാൻ സാധ്യതയുണ്ട്..…

ബെംഗളൂരു: കാണാതായ റിട്ട. ബാങ്ക് ജീവനക്കാരൻ്റെ മൃതദേഹം കണ്ടെത്തി. മഞ്ജുനാഥ് (70) നെയാണ് സംശയാസ്പദമായ നിലയിൽ മരിച്ച കണ്ടെത്തിയത്. ഹാസൻ ജില്ലയിലെ അരസിക്കരെ നഗരത്തിലാണ് സംഭവം. അരസിക്കരെ നഗർ ലക്ഷ്മിപൂർ ബാരങ്കേയിൽ താമസക്കാരനായ മഞ്ജുനാഥ് മാർച്ച് 27 ന് വീട്ടിൽ നിന്ന് നടക്കാൻ പോയതായിരുന്നു. രാത്രിയായിട്ടും മഞ്ജുനാഥ് വീട്ടിൽ തിരിച്ചെത്താത്തതിനെ തുടർന്ന് വീട്ടുകാർ എല്ലായിടത്തും തിരച്ചിൽ നടത്തി. പിന്നീട് ഒരു തുമ്പും ലഭിക്കാതായപ്പോൾ മഞ്ജുനാഥിൻ്റെ ഭാര്യ സരോജ നിംബണ്ണനാവർ അടുത്ത ദിവസം മാർച്ച് 28 ന് അരസിക്കരെ നഗർ പോലീസ് സ്റ്റേഷനിൽ പരാതി നൽകി.…

ബെംഗളൂരു : ബെംഗളൂരു കെ.എസ്.ആർ. റെയിൽവേ സ്റ്റേഷനും യശ്വന്ത്‌പുര സ്റ്റേഷനുമിടയിൽ അറ്റകുറ്റപ്പണി നടക്കുന്നതിനാൽ ഏഴ്, എട്ട് തീയതികളിൽ കണ്ണൂർ-കെ.എസ്.ആർ. ബെംഗളൂരു എക്സ്‌പ്രസ് (16512) യശ്വന്ത്‌പുരയിൽ യാത്ര അവസാനിപ്പിക്കുമെന്ന് ദക്ഷിണ പശ്ചിമ റെയിൽവേ അറിയിച്ചു. കണ്ണൂരിൽനിന്ന് വൈകീട്ട് 5.05-ന് പുറപ്പെടുന്ന തീവണ്ടി പുലർച്ചെ 6.02-നാണ് യശ്വന്ത്‌പുരയിലെത്തുക. ഒമ്പതുമുതൽ സാധാരണ രീതിയിലുള്ള സർവീസ് തുടരും.