ബെംഗളൂരു: ബെംഗളൂരു സബർബൻ റെയിൽവേ പദ്ധതി (ബിഎസ്ആർപി) നടപ്പാക്കുന്നതിനായി ഏകദേശം 15,000 മരങ്ങൾ വെട്ടിമാറ്റുമെന്ന് രേഖകൾ കാണിക്കുന്നു. പദ്ധതി നടപ്പാക്കുന്ന കർണാടക റെയിൽ ഇൻഫ്രാസ്ട്രക്ചർ ഡെവലപ്മെന്റ് എന്റർപ്രൈസസ് (കെ-റൈഡ്) അതിന്റെ നഷ്ടപരിഹാര വനവൽക്കരണ പദ്ധതിയുടെ ഭാഗമായി 3 ലക്ഷത്തിലധികം വൃക്ഷത്തൈകൾ നട്ടുപിടിപ്പിക്കാൻ കഴിയുന്ന സ്ഥലം നൽകാൻ സംസ്ഥാന സർക്കാരിനോട് അഭ്യർത്ഥിച്ചട്ടുണ്ട്.
നമ്മ മെട്രോയ്ക്കൊപ്പം, സബർബൻ റെയിൽവേ പ്രോജക്ട് ബെംഗളൂരുവിന്റെ അതിവേഗം നശിക്കുന്ന പച്ചപ്പ് കവർന്നെടുക്കുമെന്നും റിപ്പോർട്ടുകൾ സൂചിപികുന്നു. എല്ലാ മരങ്ങൾ മുറിക്കുന്നതിനുള്ള അനുമതികൾക്കും കർണാടക ഹൈക്കോടതി രൂപീകരിച്ച ബിബിഎംപിയുടെ ട്രീ വിദഗ്ധ സമിതിയുടെ അനുമതി ആവശ്യമുള്ളതിനാൽ ചില മരങ്ങൾ സ്ഥലം മാറ്റുമെന്നാണ് പ്രതീക്ഷിക്കുന്നത്.
149 കിലോമീറ്റർ ബിഎസ്ആർപിയുടെ നാല് ഇടനാഴികളിലുമായി ഏകദേശം 15,000 മരങ്ങൾ നിൽക്കുന്നതായി ഉദ്യോഗസ്ഥർ പറയുന്നു. ബിഎസ്ആർപിയുടെ ഇടനാഴി 2ൽ (ബൈയ്യപ്പനഹള്ളി മുതൽ ചിക്കബാനവര വരെ) 3,145 മരങ്ങൾ വെട്ടിമാറ്റാൻ ഇതുവരെ കെ-റൈഡിന് ബിബിഎംപിയുടെ അനുമതി ലഭിച്ചിട്ടുണ്ട്. ബാക്കിയുള്ള മൂന്ന് ഇടനാഴികളിലെ മരങ്ങൾക്ക് ഇതുവരെ അനുമതി തേടിയിട്ടില്ല.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
