ബെംഗളൂരു: വിവിധ സർക്കാർ റസിഡൻഷ്യൽ സ്കൂളുകളിൽ പഠിക്കുന്ന പെൺകുട്ടികൾക്കായി സംസ്ഥാന സർക്കാർ സ്വയം പ്രതിരോധ പരിശീലനം നൽകുമെന്ന് സാമൂഹികക്ഷേമ മന്ത്രി കോട്ട ശ്രീനിവാസ പൂജാരി അറിയിച്ചു.
ഇതിനായി കരാട്ടെ, തായ്ക്വോണ്ടോ, ജൂഡോ എന്നിവ “ഒബവ്വ സ്വയം പ്രതിരോധ പരിശീലനത്തിന്” കീഴിൽ സർക്കാർ പരിഗണിക്കുന്നുണ്ടെന്നും അദ്ദേഹം കൂട്ടിച്ചേർത്തു. സംസ്ഥാനത്തുടനീളമുള്ള റസിഡൻഷ്യൽ സ്കൂളുകളിൽ 1.82 ലക്ഷം വിദ്യാർത്ഥികളാണ് പഠിക്കുന്നതെന്നും അതിൽ പോസ്റ്റ് മെട്രിക് വിദ്യാർത്ഥികൾക്ക് ഈ പരിശീലനം നൽകുമെന്നും പൂജാരി പറഞ്ഞു.
ഓണറേറിയം അടിസ്ഥാനത്തിൽ വിദഗ്ധരെ സർക്കാർ നിയമിക്കുമെന്നും അധ്യയന വർഷത്തിൽ ഒരു മണിക്കൂർ വീതം ആഴ്ചയിൽ രണ്ടുതവണ പരിശീലനം നടത്തുമെന്നും അദ്ദേഹം കൂട്ടിച്ചേർത്തു. ഈ പദ്ധതി മുഖ്യമന്ത്രി ബസവരാജ് ബൊമ്മൈയാണ് ഞായറാഴ്ച ഉദ്ഘാടനം ചെയ്യുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
