Month: June 2020

ബെംഗളൂരു : ഇന്ന് മുതൽ സംസ്ഥാനത്തെ ആരാധനാലയങ്ങളും ഹോട്ടലുകളും മാളുകളും തുറന്ന് പ്രവർത്തിക്കും. കേന്ദ്രത്തിൻ്റെ മാനദണ്ഡങ്ങൾക്ക് അനുസരിച്ചാണ് ക്ഷേത്രങ്ങളും മസ്ജിദുകളും ചർച്ചുകളും തുറന്ന് പ്രവർത്തിക്കുക. കൃസ്ത്യൻ പള്ളികളിൽ ഈ മാസം 14 ന് ഞായറാഴ്ച കുർബാന ആരംഭിക്കും. അതേ സമയം ചിലയിടങ്ങളിൽ മതിയായ സുരക്ഷ ഉറപ്പാക്കാൻ കഴിയില്ലെന്നുവ്യക്തമാക്കി മഹല്ല് കമ്മിറ്റികളും ക്ഷേത്രസമിതികളും ആരാധനാലയങ്ങൾ തുറക്കില്ലെന്ന്‌ വ്യക്തമാക്കിയിട്ടുണ്ട്. ഹോട്ടൽ, റെസ്റ്റോറന്റ്, മറ്റു ഹോസ്പിറ്റാലിറ്റി സേവനങ്ങൾ എന്നിവ ഇന്ന് മുതൽ ലഭ്യമാകും. റെസ്റ്റോറന്റുകളിൽ ഇരുന്നു കഴിക്കുന്നതിനേക്കാൾ പാഴ്‌സൽ സേവനം കൂടുതൽ പ്രോത്സാഹിപ്പിക്കണം. സീറ്റുകളുടെ 50 ശതമാനം മാത്രമേ അനുവദിക്കാവൂ.…

ബെംഗളൂരു: സംസ്ഥാനത്ത് തെക്കുപടിഞ്ഞാറൻ വർഷകാലത്തിന് തുടക്കമായതായി കാലാവസ്ഥാനിരീക്ഷണവകുപ്പ്. രണ്ടുദിവസം വടക്കൻ കർണാടകയിലും തീരദേശത്തും ശക്തമായ മഴ ലഭിക്കും. പിന്നീട് സാധാരണമഴ തുടരും. ജൂൺ അഞ്ചോടെ സംസ്ഥാനത്ത് കാലവർഷമെത്തുമെന്ന് കാലാവസ്ഥാനിരീക്ഷണവകുപ്പ് നേരത്തേ അറിയിച്ചിരുന്നു. നിസർഗ ചുഴലിക്കാറ്റിന്റെ ഫലമായി തീരദേശ കർണാടകയിലും മലനാടിലും രണ്ടുദിവസമായി ശക്തമായ മഴ ലഭിക്കുകയും ചെയ്തു ഈസംസ്ഥാനത്ത് സാധാരണ മഴക്കാലമാണെന്നാണ് കാലാവസ്ഥാ നിരീക്ഷണവകുപ്പിന്റെ പ്രവചനം. കഴിഞ്ഞവർഷം വടക്കൻ കർണാടകയിലും മലനാട് ജില്ലകളിലും വെള്ളപ്പൊക്കം ജനജീവിതത്തെ ദുരിതമാക്കിയിരുന്നു. വൻതോതിൽ കൃഷിനാശവുമുണ്ടായി. ഈ വർഷം ഇതുവരെയുള്ള വിവരങ്ങളനുസരിച്ച് വെള്ളപ്പൊക്കസാധ്യതകളൊന്നുമില്ലെന്നാണ് അധികൃതർ വ്യക്തമാക്കുന്നത്. ഉത്തരകന്നഡ, ഉഡുപ്പി, ശിവമോഗ…

ബംഗളൂരു: പ്രശസ്ത കന്നഡ നടൻ ചിരഞ്ജീവി സർജ അന്തരിച്ചു. മുപ്പത്തിയൊൻപത് വയസായിരുന്നു. ഹൃദയാഘാതമാണ് മരണകാരണം. ആശുപത്രിയിൽ ചികിത്സയിലിരിക്കെയായിരുന്നു അന്ത്യം. തെന്നിന്ത്യൻ നടി മേഘ്ന രാജിന്റെ ഭർത്താവാണ്. 2018 ഏപ്രിൽ 29നായിരുന്നു ചിരഞ്ജീവി സർജയും മേഘ്ന രാജുമായുള്ള വിവാഹം നടന്നത്. രണ്ടാം വിവാഹ വാർഷികം ആഘോഷിച്ച് മാസങ്ങൾക്ക് ശേഷമാണ് താരത്തിൻറെ വിയോഗം. 2009ൽ പുറത്തിറങ്ങിയ വായുപുത്രയാണ് ചിരഞ്ജീവിയുടെ ആദ്യ ചിത്രം. ഇതിനോടകം ചിരഞ്ജീവി ഇരുപതോളം ചിത്രങ്ങളിൽ അഭിനയിച്ചിട്ടുണ്ട്. നടൻ അർജ്ജുൻ സർജയുടെ അനന്തരവൻ കൂടിയായ ചിരഞ്ജീവി കന്നഡ സിനിമയിൽ സജീവമാകാനൊരുങ്ങവേയാണ് മരണം സംഭവിച്ചത്.