Year: 2019

ബെംഗളൂരു: നഗരത്തിൽ മാലിന്യപ്രശ്നം രൂക്ഷമായി വരുന്നതിൽ യെദ്യൂരപ്പ അതൃപ്തി പ്രകടിപ്പിച്ചു. 15 ദിവസത്തിനകം മാലിന്യപ്രശ്നം പരിഹരിച്ച് നഗരം വെടിപ്പാക്കി റിപ്പോർട്ട് സമർപ്പിക്കണമെന്ന് മുഖ്യമന്ത്രി ഉദ്യോഗസ്ഥർക്ക് നിർദേശം നൽകി. നഗരത്തിലെ വികസനപ്രവർത്തനങ്ങൾ സംബന്ധിച്ച് എം.എൽ.എ. മാരുമായും എം.പി.മാരുമായും നടത്തിയ അവലോകന യോഗത്തിലാണ് യെദ്യൂരപ്പ മാലിന്യപ്രശ്നത്തിൽ കടുത്ത നിലപാടെടുത്തത്. മാലിന്യം മറവുചെയ്യുന്നതാണ് നഗരവാസികൾ നേരിടുന്ന പ്രധാന പ്രശ്‌നമെന്നും ആദ്യം ഈ പ്രശ്നം പരിഹരിക്കണമെന്നും മുഖ്യമന്ത്രി ഉദ്യോഗസ്ഥരോട് ആവശ്യപ്പെട്ടു.

ബെംഗളൂരു :ചാന്ദ്രയാന്‍-രണ്ടില്‍നിന്നുള്ള ആശയ വിനിമയം നഷ്ടപ്പെട്ടതിനെ തുടര്‍ന്ന് നിരാശരായ ശാസ്ത്രജ്ഞരെ ആശ്വസിപ്പിച്ച് പ്രധാനമന്ത്രി നരേന്ദ്ര മോദി. ഇതുവരെ എത്തിയത് ചെറിയ നേട്ടമല്ലെന്നും രാജ്യം നിങ്ങളെ ഓര്‍ത്ത് അഭിമാനിക്കുന്നുവെന്നും അദ്ദേഹം ശാസ്ത്രജ്ഞരോട് പറഞ്ഞു. ഐഎസ്ആര്‍ഒ കേന്ദ്രത്തിലെത്തിയ കുട്ടികളുമൊത്ത് സംവദിച്ചപ്പോഴും വലിയ നേട്ടമാണ് രാജ്യം നേടിയതെന്ന് പ്രധാനമന്ത്രി പറഞ്ഞു. ദൗത്യം തുടരുമെന്നും അദ്ദേഹം വ്യക്തമാക്കി. വിക്രം ലാന്‍ഡറില്‍നിന്നുള്ള ആശയവിനിമയം നഷ്ടപ്പെട്ടെന്ന് ഐഎസ്ആര്‍ഒ ചെയര്‍മാന്‍ കെ ശിവന്‍ വ്യക്തമാക്കിയതിനെ തുടര്‍ന്ന് കേന്ദ്രം ശോകമൂകമായി. പ്രതീക്ഷകളുമായെത്തിയ ശാസ്ത്ര സമൂഹം നിരാശയിലായി. എന്നാല്‍, ശാസ്ത്രജ്ഞര്‍ക്ക് ആത്മവിശ്വാസം നല്‍കുന്നതായിരുന്നു പ്രധാനമന്ത്രി മോദിയുടെ ഇടപെടല്‍.…

ബെംഗളൂരു: ഡി.കെ. ശിവകുമാറിനെ അറസ്റ്റ് ചെയ്തതിൽ പ്രതിഷേധിച്ച് മലയാളികളും; തിരക്കേറിയ ബെംഗളൂരു – മൈസൂരു ഹൈവേ ഉപരോധിച്ചു. കോൺഗ്രസ് നേതാവ് ഡി.കെ. ശിവകുമാറിനെ എൻഫോഴ്‌സ്‌മെന്റ് ഡയറക്ടറേറ്റ് അറസ്റ്റ് ചെയ്തതിൽ പ്രതിഷേധിച്ച് കോൺഗ്രസിനെ പിന്തുണയ്ക്കുന്ന മലയാളികൾ ചേർന്ന് നഗരത്തിൽ പ്രതിഷേധ പ്രകടനം നടത്തി. വ്യാഴാഴ്ച തിരക്കേറിയ ബെംഗളൂരു – മൈസൂരു ഹൈവേ പ്രതിഷേധക്കാർ ഉപരോധിച്ചു. ശിവകുമാറിനെ പിന്തുണച്ച് സാമൂഹികമാധ്യമങ്ങളിലൂടെയുള്ള പ്രചാരണവും നടക്കുന്നുണ്ട്. ബി.ജെ.പി.യുടെ പകപോക്കൽ രാഷ്ട്രീയത്തിന്റെ ഇരയാണ് ഡി.കെ. ശിവകുമാർ എന്ന പ്രചാരണമാണ് സാമൂഹിക മാധ്യമങ്ങളിലൂടെ നടക്കുന്നത്. ട്രബിൾ ഷൂട്ടറെന്ന് അറിയപ്പെടുന്ന ഡി.കെ. ശിവകുമാറിന് കേരളത്തിലും ഒട്ടേറെ…