ബെംഗളൂരു: ഹംഗൽ നിയമസഭാ മണ്ഡലത്തിലെ ഉപതിരഞ്ഞെടുപ്പിൽ ബിജെപിയുടെ തോൽവി ഗൗരവമായി കാണുന്നുണ്ടെന്നും തിരുത്തൽ നടപടികൾ സ്വീകരിക്കുമെന്നും മുഖ്യമന്ത്രി ബസവരാജ് ബൊമ്മൈ പറഞ്ഞു. “തിരഞ്ഞെടുപ്പ് തിരിച്ചടിയെ ഞാൻ വളരെ ഗൗരവമായി കാണുന്നു. ആവശ്യമായ തിരുത്തൽ നടപടികൾ സ്വീകരിക്കും,” എന്ന് അദ്ദേഹം മണ്ഡ്യയിൽ മാധ്യമപ്രവർത്തകരോട് പറഞ്ഞു. കഴിഞ്ഞ മൂന്ന് വർഷങ്ങളായും കൊവിഡ്-19 മഹാമാരിയുടെ സമയത്തും കോൺഗ്രസ് സ്ഥാനാർത്ഥി ശ്രീനിവാസ് മാനെ ഹംഗലിൽ കാഴ്ച്ച വെച്ച ‘നല്ല പ്രവർത്തനം‘ ഇവിടെ ബി.ജെ.പിയുടെ തോൽവിക്ക്‌ വഴിവെച്ച ഒരു കാരണമായി ശ്രീ. ബൊമ്മൈ പറഞ്ഞു. അന്തരിച്ച സി എം ഉദസിക്ക്‌ അനുകൂലമായി വോട്ട് ചെയ്ത എല്ലാവരുടെയും പിന്തുണ പാർട്ടിക്ക് നേടാനായില്ലെന്നും അദ്ദേഹം പറഞ്ഞു.
Read Moreഹംഗൽ ഉപതെരഞ്ഞെടുപ്പിലെ തിരിച്ചടി ഗൗരവമായി കാണുന്നു; മുഖ്യമന്ത്രി.
