Tag: blackspot

ബെംഗളൂരു : കർണാടകയിൽ ഉടനീളം, തുമകുരു ജില്ലയിലാണ് ഏറ്റവും കൂടുതൽ അപകടസാധ്യത മേഖല ഉള്ളത്. ജില്ലയിൽ 81 അപകട ബ്ലാക്ക്‌സ്‌പോട്ടുകളുണ്ടെന്ന് ശനിയാഴ്ച അപകടസ്ഥലം സന്ദർശിച്ച കേന്ദ്ര സാമൂഹികനീതി, ശാക്തീകരണ സഹമന്ത്രി എ.നാരായണസ്വാമി പറഞ്ഞു. ഇതിൽ 19 എണ്ണം അപകടം നടന്ന പാവഗഡയിൽ ആണ്. “അപകടങ്ങൾ കുറയ്ക്കുന്നതിന് തിരുത്തൽ നടപടികൾ സ്വീകരിക്കും. സ്വകാര്യ ബസ് അപകടത്തിൽപ്പെട്ട സ്ഥലം ബ്ലാക്ക്‌സ്‌പോട്ടുകളിൽ ഒന്നാണ്. വരും ദിവസങ്ങളിൽ പിഡബ്ല്യുഡി, ആർഡിപിആർ, പൊലീസ് എന്നിവരെ ഉൾപ്പെടുത്തി പ്രശ്‌നങ്ങൾ പരിഹരിക്കാൻ നടപടികൾ സ്വീകരിക്കുമെന്നും അദ്ദേഹം പറഞ്ഞു.