കൊച്ചി: നടിയെ ആക്രമിച്ച കേസുമായി ബന്ധപ്പെട്ട് അന്വേഷണ ഉദ്യോഗസ്ഥരെ അപായപ്പെടുത്താന് ശ്രമിച്ചെന്ന കേസില് ദിലീപടക്കം ആറ് പ്രതികളുടെ മുന്കൂര് ജാമ്യാപേക്ഷ ഹൈക്കോടതിയില് എതിര്ത്ത് പ്രോസിക്യൂഷന്. ക്രിമിനല് കേസിലെ പ്രതി അന്വേഷണ ഉദ്യോഗസ്ഥരെ അപായപ്പെടുത്താന് ശ്രമിക്കുന്നത് കേട്ടുകേള്വിയില്ലാത്തതാണെന്ന് പ്രോസിക്യൂഷന് ചൂണ്ടിക്കാട്ടുന്നു. കേസിലെ മുഖ്യസൂത്രധാരന് ദിലീപ് തന്നെയാണെന്നും പ്രോസിക്യൂഷന് ശക്തമായി വാദിച്ചു.
ദിലീപ്, സഹോദരന് അനൂപ്, സഹോദരീഭര്ത്താവ് സൂരജ്, ബന്ധുവായ അപ്പു, സുഹൃത്ത് ബൈജു ചെങ്ങമനാട്, പിന്നെ ‘വിഐപി’ എന്ന് വിളിക്കപ്പെട്ട ആറാമന് ശരത് എന്നിവരുടെ മുന്കൂര് ജാമ്യാപേക്ഷയാണ് പ്രോസിക്യൂഷന് എതിര്ക്കുന്നത്.
ഇത് അസാധാരണമായ കേസാണെന്നും, ലൈംഗികപീഡനത്തിന് ക്രിമിനലുകള്ക്ക് ക്വട്ടേഷന് നല്കിയത് നീതിന്യായവ്യവസ്ഥയുടെ ചരിത്രത്തില്ത്തന്നെ ആദ്യമാണെന്നും, സമൂഹത്തില് വലിയ സ്വാധീനമുള്ള ദിലീപിന് മുന്കൂര് ജാമ്യം നല്കുന്നത് കേസിനെത്തന്നെ ബാധിക്കുമെന്നും പ്രോസിക്യൂഷന് റിപ്പോര്ട്ടില് പറയുന്നു. സത്യം പുറത്തുവരാന് ദിലീപിനെ കസ്റ്റഡിയിലെടുത്ത് ചോദ്യം ചെയ്യണമെന്നുതാണ് പ്രോസിക്യൂഷന്റെ ആവശ്യം.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
