ബെംഗളൂരു : കെ.എസ്.ആർ. ബെംഗളൂരു റെയിൽവേ സ്റ്റേഷനിൽ യാർഡ് നവീകരണ ജോലികൾ പുരോഗമിക്കുന്നതിനാൽ ചില ട്രെയിൻ സർവീസുകൾ വഴിതിരിച്ചുവിടുമെന്ന് റെയിൽവേ അധികൃതർ അറിയിച്ചു. ജൂലൈ 31-ന് യാത്ര ആരംഭിക്കുന്ന ട്രെയിനുകളെയാണ് ഈ മാറ്റം ബാധിക്കുക.
ജൂലൈ 31-ന് യാത്ര തിരിക്കുന്ന ട്രെയിൻ നമ്പർ 16231 കൂടല്ലൂർ പോർട്ട് – മൈസൂരു ഡെയ്ലി എക്സ്പ്രസ് കർമേലാരാം, ബയ്യപ്പനഹള്ളി കേബിൻ, ബാനസവാടി, യശ്വന്ത്പൂർ ‘എ’ കേബിൻ, ചിക്കബാനവാര വഴി തിരിച്ചുവിടും. ബംഗളൂരു ഈസ്റ്റ്, ബംഗളൂരു കന്റോൺമെന്റ്, KSR ബംഗളൂരു, കേംഗേരി എന്നീ സ്റ്റേഷനുകളിൽ ഈ ട്രെയിൻ നിർത്തുകയില്ല.
ട്രെയിൻ നമ്പർ 12785 കാച്ചെഗുഡ – അശോകാപുരം ഡെയ്ലി എക്സ്പ്രസ് യെലഹങ്ക, ലോട്ടെഗൊല്ലഹള്ളി, യശ്വന്ത്പൂർ, കെ.എസ്.ആർ. ബെംഗളൂരു വഴി സർവീസ് നടത്തും. ഈ ട്രെയിന് ബംഗളൂരു ഈസ്റ്റ്, ബംഗളൂരു കന്റോൺമെന്റ് എന്നിവിടങ്ങളിൽ സ്റ്റോപ്പ് ഉണ്ടായിരിക്കുന്നതല്ല.
ഇതിനുപുറമേ, ട്രെയിൻ നമ്പർ 16236 മൈസൂരു – തൂത്തുക്കുടി ഡെയ്ലി എക്സ്പ്രസ് കെ.എസ്.ആർ. ബെംഗളൂരു, യശ്വന്ത്പൂർ, ലോട്ടെഗൊല്ലഹള്ളി, ബാനസവാടി, ബയ്യപ്പനഹള്ളി കേബിൻ, കർമേലാരാം വഴി വഴിതിരിച്ചുവിടും. ഈ സർവീസിന് ബംഗളൂരു കന്റോൺമെന്റിൽ സ്റ്റോപ്പ് ഉണ്ടായിരിക്കില്ലെന്നും റെയിൽവേ വ്യക്താവ് അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
