Year: 2026

ബെംഗളൂരു: കർണാടകയിൽ പ്രൊഫഷണൽ കോഴ്സുകളിലേക്കുള്ള പൊതു പ്രവേശന പരീക്ഷയ്ക്കിടെ (CET) വിദ്യാർത്ഥികളുടെ പൂണൂൽ (യജ്ഞോപവീതം) അഴിപ്പിച്ചത് വലിയ വിവാദമാകുന്നു. ബെംഗളൂരു മടിവാളയിലെ കൃപാനിധി കോളേജിലാണ് അഞ്ച് ബ്രാഹ്മണ വിദ്യാർത്ഥികൾക്ക് ദുരനുഭവം ഉണ്ടായത്. പരീക്ഷ എഴുതണമെങ്കിൽ പൂണൂൽ അഴിക്കണമെന്ന് ഇൻവിജിലേറ്റർമാർ നിർബന്ധിക്കുകയായിരുന്നുവെന്ന് വിദ്യാർത്ഥികൾ ആരോപിച്ചു. കഴിഞ്ഞ വർഷവും സമാനമായ രീതിയിലുള്ള വിവാദങ്ങൾ ഉയർന്നതിനെത്തുടർന്ന്, പരീക്ഷാ സമയത്ത് പൂണൂൽ അഴിപ്പിക്കാൻ പാടില്ലെന്ന് സർക്കാർ കർശന നിർദ്ദേശം നൽകിയിരുന്നു. ഇത് നിലനിൽക്കെയാണ് വീണ്ടും ഇത്തരമൊരു നടപടി ഉണ്ടായതെന്ന് വിദ്യാർത്ഥികളും രക്ഷിതാക്കളും ചൂണ്ടിക്കാട്ടുന്നു. വിദ്യാർത്ഥികളുടെ പരാതി: ലോഹവസ്തുക്കൾ പാടില്ലെന്ന നിബന്ധനയുള്ളതിനാൽ…

ബെംഗളൂരു: സിലിക്കൺ സിറ്റിയിൽ വേനൽച്ചൂട് റെക്കോർഡുകൾ ഭേദിച്ച് മുന്നേറുന്നതിനിടെ, ഉഷ്ണതരംഗത്തിൽ നിന്ന് രക്ഷപ്പെടാൻ വേറിട്ട മാർഗം കണ്ടെത്തിയിരിക്കുകയാണ് ഒരു യുവതി. വീട്ടിലെ ഫാൻ നൽകുന്ന കാറ്റിലും ചൂട് ശമിക്കാതെ വന്നതോടെ, എസി സൗകര്യത്തിനായി വീടിനടുത്തുള്ള ഹോട്ടലിൽ മുറി ബുക്ക് ചെയ്തിരിക്കുകയാണ് പ്രിയ പാൽ എന്ന യുവതി. ഇതിന്റെ വീഡിയോ സോഷ്യൽ മീഡിയയിൽ പങ്കുവെച്ചതോടെ സംഭവം വലിയ ചർച്ചയായി. നഗരത്തിലെ കത്തുന്ന വെയിലിൽ നിന്ന് താൽക്കാലിക ആശ്വാസം തേടിയാണ് പ്രിയ ഈ മാർഗം സ്വീകരിച്ചത്. മഴ പെയ്ത് അന്തരീക്ഷം തണുക്കുമെന്ന് ദിവസങ്ങളോളം കാത്തിരുന്നെങ്കിലും നിരാശയായിരുന്നു ഫലം.…

ശ്രീനഗർ: കാശ്മീർ സന്ദർശനത്തിനെത്തിയ ബെംഗളൂരു സ്വദേശികളായ ആറ് വിനോദസഞ്ചാരികൾ ഹോട്ടലിലെ ലിഫ്റ്റ് തകരാറിലായി അപകടത്തിൽപ്പെട്ടു. ശ്രീനഗറിലെ ഹൈദർപോറ മേഖലയിലുള്ള ഹോട്ടലിൽ വെള്ളിയാഴ്ചയാണ് സംഭവം. അപകടത്തിൽ പരിക്കേറ്റ ആറുപേരെയും ബർസുള്ളയിലെ ബോൺ ആൻഡ് ജോയിന്റ് ആശുപത്രിയിൽ പ്രവേശിപ്പിച്ചു. ഇവരുടെ കാലുകൾക്കും ശരീരത്തിന്റെ കീഴ്ഭാഗത്തിനുമാണ് പരിക്കേറ്റതെങ്കിലും ആരുടെയും നില ഗുരുതരമല്ലെന്ന് മെഡിക്കൽ അധികൃതർ അറിയിച്ചു. മുനി തിമ്മയ്യയുടെ മകൻ വെങ്കിടേഷ് (65), ആർ.എൽ. മൂർത്തിയുടെ ഭാര്യ ഡി. മംഗള (54), ജയറാമിന്റെ മകൾ കുശാല (18), പങ്കജ (16), ചിന്നയ്യയുടെ ഭാര്യ വെങ്കടലക്ഷ്മമ്മ (60), വെങ്കിടേഷിന്റെ ഭാര്യ…

ബെംഗളൂരു: ബെംഗളൂരുവിൽ നടക്കുന്ന ടി.സി.എസ് വേൾഡ് 10കെ മാരത്തോണിൽ പങ്കെടുക്കുന്നവർക്കായി നമ്മ മെട്രോ സർവീസുകൾ ഞായറാഴ്ച പുലർച്ചെ മുതൽ ആരംഭിക്കും. മാണേക്ഷാ പരേഡ് ഗ്രൗണ്ടിൽ നിന്ന് ആരംഭിക്കുന്ന മത്സരത്തിൽ പങ്കെടുക്കുന്നവർക്കും കാണികൾക്കും യാത്ര എളുപ്പമാക്കുന്നതിനാണ് ബാംഗ്ലൂർ മെട്രോ റെയിൽ കോർപ്പറേഷൻ ലിമിറ്റഡ് (ബി.എം.ആർ.സി.എൽ) സർവീസുകളിൽ മാറ്റം വരുത്തിയത്. ഞായറാഴ്ച പുലർച്ചെ 3 മണിക്ക് ബൊമ്മസാന്ദ്രയിൽ നിന്നും 3.20-ന് മാദാവരയിൽ നിന്നും ആദ്യ ട്രെയിനുകൾ പുറപ്പെടും. വൈറ്റ്ഫീൽഡ് (കാടുഗോഡി), സിൽക്ക് ഇൻസ്റ്റിറ്റ്യൂട്ട് എന്നിവിടങ്ങളിൽ നിന്ന് 3.30-നും ചല്ലഘട്ടയിൽ നിന്ന് 3.35-നുമാണ് സർവീസുകൾ ആരംഭിക്കുക. സർവീസുകളുടെ ഇടവേളകളിലും…