Year: 2026

ബെംഗളൂരു: ഹെഡ്‌ലൈറ്റ് തകരാറിലായ ബസ് മൊബൈൽ ഫോൺ ടോർച്ച് വെളിച്ചത്തിൽ ഓടിച്ച സംഭവത്തിൽ കല്യാണ കർണാടക റോഡ് ട്രാൻസ്‌പോർട്ട് കോർപ്പറേഷൻ (കെ.കെ.ആർ.ടി.സി) നടപടി സ്വീകരിച്ചു. സംഭവത്തിൽ കലബുറഗി ഡിവിഷൻ-1 ഡിവിഷണൽ കൺട്രോളർ ബസ് ഡ്രൈവർ ഉൾപ്പെടെ മൂന്ന് ജീവനക്കാരെ സർവീസിൽ നിന്ന് സസ്പെൻഡ് ചെയ്തു. ചിഞ്ചോളി ഡിപ്പോയിലെ ടെക്നിക്കൽ സ്റ്റാഫ് ശിവാനന്ദ്, ടെക്നിക്കൽ സൂപ്പർവൈസർ ബസവരാജ്, ബസ് ഡ്രൈവർ ആകാശ് എന്നിവർക്കെതിരെയാണ് നടപടി. ജൂലൈ 4-ാം തീയതി രാത്രിയാണ് സംഭവം നടന്നത്. കലബുറഗിയിൽ നിന്നും 90 കിലോമീറ്റർ അകലെയുള്ള ചിഞ്ചോളിയിലേക്കുള്ള അവസാന സർവീസ് ബസ്സിലാണ്…

ബെംഗളൂരു: മൺസൂൺ വൈകിയാണെങ്കിലും ശക്തമായതോടെ കർണാടകയുടെ വിവിധ ഭാഗങ്ങളിൽ കനത്ത മഴ തുടരുന്നു. വരും ദിവസങ്ങളിലും മഴ ശക്തമാകുമെന്ന പ്രവചനങ്ങളുടെ പശ്ചാത്തലത്തിൽ മുൻകരുതൽ നടപടിയായി ഉത്തര കന്നഡ, ചിക്കമഗളൂരു, ബെലഗാവി, ശിവമോഗ, ഹാസൻ ഉൾപ്പെടെയുള്ള വിവിധ ജില്ലകളിലെ സ്കൂളുകൾക്കും കോളേജുകൾക്കും ഇന്ന് (ജൂലൈ 07, ചൊവ്വാഴ്ച) ബന്ധപ്പെട്ട ജില്ലാ ഭരണകൂടങ്ങൾ അവധി പ്രഖ്യാപിച്ചു. കനത്ത മഴയെത്തുടർന്ന് പലയിടങ്ങളിലും ജനജീവിതം ദുരിതത്തിലായ സാഹചര്യത്തിലാണ് വിദ്യാർത്ഥികളുടെ സുരക്ഷ മുൻനിർത്തിയുള്ള നടപടി. ഉത്തര കന്നഡ ജില്ലയിൽ കാലവർഷം കനത്ത നാശം വിതയ്ക്കുന്ന സാഹചര്യത്തിൽ റെഡ് അലേർട്ട് പ്രഖ്യാപിച്ചിട്ടുണ്ട്. മുൻകരുതൽ…

ബെംഗളൂരു: സദാസമയവും ജനത്തിരക്കിൽ അമരുന്ന ബെംഗളൂരുവിലെ പ്രധാന റെയിൽവേ ഹബ്ബായ മജസ്റ്റിക്കിലെ ക്രാന്തിവീര സംഗൊള്ളി രായണ്ണ (കെ.എസ്.ആർ) ബെംഗളൂരു റെയിൽവേ ടെർമിനൽ അന്താരാഷ്ട്ര നിലവാരത്തിലേക്ക് വിപുലീകരിക്കുന്നു. 1500 കോടി രൂപ ചെലവിട്ടാണ് സ്റ്റേഷനിൽ വൻ നവീകരണ പ്രവർത്തനങ്ങൾ നടപ്പാക്കുന്നത്. പുതിയ രണ്ട് പ്ലാറ്റ്‌ഫോമുകൾ, നാലാമത്തെ പ്രവേശന കവാടം, വിപുലമായ പാർക്കിങ് സംവിധാനം, അത്യാധുനിക ഫുഡ് പ്ലാസകൾ ഉൾപ്പെടെയുള്ള വിപുലമായ യാത്രാസൗകര്യങ്ങളാണ് നവീകരണത്തിന്റെ ഭാഗമായി ഒരുക്കുക. റെയിൽ ലാൻഡ് ഡെവലപ്‌മെന്റ് അതോറിറ്റിക്കാണ് (ആർ.എൽ.ഡി.എ) പദ്ധതിയുടെ നിർമ്മാണ ചുമതല. സ്റ്റേഷൻ നവീകരണത്തിനായുള്ള വിശദമായ മാസ്റ്റർ പ്ലാനിന് ദക്ഷിണ…

ബെംഗളൂരുവിലെ കാൽനടപ്പാതകളിൽ നിന്ന് തെരുവ് കച്ചവടക്കാരെ ഒഴിപ്പിക്കുന്നതിനെതിരെ കടുത്ത പ്രതിഷേധവുമായി കച്ചവട സംഘടനകൾ. ഒഴിപ്പിക്കൽ നടപടികളിൽ പ്രതിഷേധിച്ച് ജൂലൈ 8 ബുധനാഴ്ച നഗരവ്യാപകമായി ഹർത്താലിനും (ബന്ദ്) വൻ പ്രതിഷേധ പ്രകടനത്തിനും സ്ട്രീറ്റ് വെൻഡേഴ്സ് ജോയിന്റ് ആക്ഷൻ കമ്മിറ്റി ആഹ്വാനം ചെയ്തു. നിലവിലെ ഒഴിപ്പിക്കൽ ഡ്രൈവ് 2014-ലെ തെരുവ് കച്ചവടക്കാരുടെ (ജീവനsecurity സംരക്ഷണവും തെരുവ് കച്ചവട നിയന്ത്രണവും) ആക്ടിന്റെ ലംഘനമാണെന്ന് സംഘടനകൾ ആരോപിക്കുന്നു. സംസ്ഥാന സർക്കാരും ഗ്രേറ്റർ ബെംഗളൂരു അതോറിറ്റിയും (ജി.ബി.എ) ചേർന്ന് നിയമവിരുദ്ധമായ ഒഴിപ്പിക്കലാണ് നടത്തുന്നതെന്ന് ജോയിന്റ് ആക്ഷൻ കമ്മിറ്റി കുറ്റപ്പെടുത്തി. യാതൊരുവിധ നിയമനടപടികളും…