Month: August 2026

ബെംഗളൂരു: ബാനസവാടി അയ്യപ്പസ്വാമി ക്ഷേത്രത്തിന് സമീപം വാഹനങ്ങൾ തമ്മിൽ തട്ടിയതിനെ തുടർന്നുണ്ടായ തർക്കത്തിൽ കാർ ഡ്രൈവർക്ക് ഓട്ടോ ഡ്രൈവറുടെ ക്രൂരമർദ്ദനം. ഓഗസ്റ്റ് ഒന്നിന് നടന്ന സംഭവത്തിന്റെ ദൃശ്യങ്ങൾ ചൊവ്വാഴ്ച സാമൂഹിക മാധ്യമങ്ങളിൽ വ്യാപകമായി പ്രചരിച്ചതോടെയാണ് സംഭവം പുറംലോകമറിയുന്നത്. റോഡിൽ വെച്ച് ഇരു വാഹനങ്ങളും തമ്മിൽ നേരിയ രീതിയിൽ ഉരസിയതാണ് തർക്കത്തിന് കാരണമായത്. വാക്കുതർക്കം പെട്ടെന്ന് തന്നെ കൈയേറ്റത്തിൽ കലാശിക്കുകയായിരുന്നു. റോഡിലുണ്ടായിരുന്ന യാത്രക്കാരും മറ്റ് വാഹനയാത്രക്കാരും ചേർന്ന് ദൃശ്യങ്ങൾ മൊബൈലിൽ പകർത്തി സോഷ്യൽ മീഡിയയിൽ പങ്കുവെക്കുകയായിരുന്നു. സംഭവത്തിന്റെ വീഡിയോ ദൃശ്യങ്ങൾ സമൂഹമാധ്യമങ്ങളിൽ വൻതോതിൽ പ്രചരിക്കുന്നുണ്ടെങ്കിലും, അപകടത്തിൽപ്പെട്ട…

ബെംഗളൂരു: കർണാടകയിൽ തെക്കുപടിഞ്ഞാറൻ മൺസൂൺ കൂടുതൽ ശക്തിപ്രാപിച്ചതോടെ സംസ്ഥാനത്ത് അടുത്ത മൂന്ന് ദിവസത്തേക്ക് കൂടി ശക്തമായ മഴ തുടരാൻ സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഓഗസ്റ്റ് ഏഴ് വരെ ബെംഗളൂരു ഉൾപ്പെടെയുള്ള വിവിധ ജില്ലകളിൽ മഴ തുടരുമെന്ന് കേന്ദ്രം അറിയിച്ചു. തീരദേശ കർണാടകത്തിലും മലനാട് മേഖലയിലുമാണ് ഏറ്റവും കൂടുതൽ മഴയ്ക്ക് സാധ്യത പ്രവചിച്ചിരിക്കുന്നത്. കനത്ത മഴ മുന്നറിയിപ്പിന്റെ പശ്ചാത്തലത്തിൽ ശിവമോഗ, ചിക്കമഗളൂരു ജില്ലകളിൽ റെഡ് അലേർട്ട് പ്രഖ്യാപിച്ചിട്ടുണ്ട്. ബെംഗളൂരു, മാണ്ഡ്യ, മൈസൂർ, ചാമരാജനഗർ, തുംകൂർ, ചിക്കബല്ലാപൂർ, ബെൽഗാം, ധാർവാഡ്, ഹാവേരി തുടങ്ങിയ ജില്ലകളിലും…

ബെംഗളൂരു: തീവ്ര വലതുപക്ഷ ഹൈന്ദവ സംഘടനകളുടെ എതിർപ്പിനെയും വിവാദങ്ങളെയും തുടർന്ന് ബെംഗളൂരു വൈറ്റ്ഫീൽഡിൽ നടത്താനിരുന്ന സ്റ്റാൻഡ് അപ്പ് കോമഡി ഷോ റദ്ദാക്കിയതായി ഹാസ്യനികേതൻ കുനാൽ കംറ അറിയിച്ചു. പരിപാടി സംഘടിപ്പിക്കാനിരുന്ന വൈറ്റ്ഫീൽഡ് പോലീസ് സ്റ്റേഷനിലെത്തിയാണ് താൻ ഷോ റദ്ദാക്കുന്ന കാര്യം കുനാൽ കംറ പോലീസിനെ വാമൊഴിയായി അറിയിച്ചത്. വൈറ്റ്ഫീൽഡിലെ ‘ഉറു’ (Uru) എന്ന വേദയിൽ ഓഗസ്റ്റ് 3 മുതൽ 6 വരെ നടക്കേണ്ടിയിരുന്ന ‘സ്റ്റാൻഡിങ് അപ്’ (Standing Up) എന്ന പരിപാടിക്കെതിരെയാണ് ഹിന്ദു രാഷ്ട്ര സമന്വയ സമിതി എന്ന സംഘടന പ്രതിഷേധവുമായി രംഗത്തെത്തിയത്. പരിപാടി…

ബെംഗളൂരു: വോട്ടർ പട്ടിക തീവ്ര തിരുത്തൽ (എസ്.ഐ.ആർ) നടപടികൾക്കിടെ ബൂത്ത് ലെവൽ ഓഫീസർ (ബി.എൽ.ഒ) സൂപ്പർവൈസർക്ക് ക്രൂരമർദ്ദനമേറ്റു. സംഭവത്തിൽ മൂന്ന് പേർക്കെതിരെ ഡി.ജെ ഹള്ളി പോലീസ് കേസെടുത്തു. പുലകേശിനഗർ നിയമസഭാ മണ്ഡലത്തിൽ ജൂലൈ 29-ന് ഉച്ചയ്ക്ക് 1.30-ഓടെയാണ് സംഭവം. പുലകേശിനഗറിൽ വോട്ടർ പട്ടിക പുതുക്കൽ ജോലികൾ പുരോഗമിക്കുന്നതിനിടെ ഒരു സംഘം ആളുകൾ പുതിയ വോട്ട് ചേർക്കുന്നതിനുള്ള ഫോം 6 ആവശ്യപ്പെട്ട് ഉദ്യോഗസ്ഥരെ സമീപിക്കുകയായിരുന്നു. ഇവർ പുലകേശിനഗറിലാണ് താമസമെന്ന് അവകാശപ്പെട്ടെങ്കിലും, നിലവിൽ ജയനഗറിലേക്ക് താമസം മാറിയതായി ഉദ്യോഗസ്ഥർ കണ്ടെത്തി. ഇതോടെ തങ്ങൾ നിലവിൽ താമസിക്കുന്ന ജയനഗർ…

ബെംഗളൂരു: ചിപ്സ് പാക്കറ്റിനൊപ്പം ലഭിച്ച പ്ലാസ്റ്റിക് പന്ത് വിഴുങ്ങിയതിനെ തുടർന്ന് അഞ്ചുവയസ്സുകാരൻ ദാരുണമായി മരിച്ചു. മൈസൂരു ഹുൻസൂർ താലൂക്കിലെ ഗൗരിപുരയിൽ ശനിയാഴ്ച രാത്രിയാണ് സംഭവം. സന്തോഷ്-ഐശ്വര്യ ദമ്പതികളുടെ മകൻ മുകുന്ദ് മയൂറാണ് മരിച്ചത്. ചിപ്സ് പാക്കറ്റിൽ സൗജന്യ സമ്മാനമായി ലഭിച്ച പന്ത് കളിക്കുന്നതിനിടെ കുട്ടി വിഴുങ്ങുകയായിരുന്നു. തുടർന്ന് പന്ത് തൊണ്ടയിൽ കുടുങ്ങുകയും ശ്വാസതടസ്സം അനുഭവപ്പെടുകയും ചെയ്തു. ഉടൻ തന്നെ കുട്ടിയെ ഹുൻസൂരിലെ സ്വകാര്യ ആശുപത്രിയിൽ എത്തിച്ച് തീവ്രപരിചരണ വിഭാഗത്തിൽ ചികിത്സ നൽകിയെങ്കിലും ജീവൻ രക്ഷിക്കാനായില്ല. സംഭവത്തിൽ ബിളികെരെ പോലീസ് കേസ് രജിസ്റ്റർ ചെയ്ത് അന്വേഷണം…

ബെംഗളൂരു: കർണാടക ആഭ്യന്തര മന്ത്രി പ്രിയങ്ക് ഖാർഗെയുടെ വിവാദ പരാമർശത്തെച്ചൊല്ലി കർണാടകയിൽ രാഷ്ട്രീയപോര് മുറുകുന്നു. രാജിവെക്കണമെന്ന് ആവശ്യപ്പെടുന്ന ബിജെപി നേതാക്കൾ ആദ്യം “ലാത്തിച്ചാർജ്” നേരിടാൻ തയാറാകണമെന്ന് ഖാർഗെ പ്രസ്താവിച്ചതാണ് വലിയ വിവാദങ്ങൾക്ക് വഴിവെച്ചത്. പോലീസ് കോൺസ്റ്റബിൾ പരീക്ഷയിലെ ക്രമക്കേടുകൾ ആരോപിച്ച് പ്രതിഷേധിച്ച ഉദ്യോഗാർത്ഥികളെ മന്ത്രി പരിഹസിക്കുകയാണെന്ന് ബിജെപി ആരോപിച്ചു. വിജയപുരയിലെ പരീക്ഷാ കേന്ദ്രത്തിലുണ്ടായ പ്രതിഷേധങ്ങളെക്കുറിച്ചുള്ള വിമർശനങ്ങൾക്ക് മറുപടി നൽകവെയാണ് വിവാദ സംഭവങ്ങളുടെ തുടക്കം. ലക്ഷക്കണക്കിന് ഉദ്യോഗാർത്ഥികൾ സമാധാനപരമായി പരീക്ഷയെഴുതിയപ്പോൾ 120-ഓളം പേർ മാത്രമാണ് കേന്ദ്രത്തിൽ തടസ്സം സൃഷ്ടിച്ചതെന്ന് ഖാർഗെ പറഞ്ഞു. പരീക്ഷാ കേന്ദ്രം തകർക്കാനും…