Month: February 2026

തിരുവനന്തപുരം: സ്‌കൂള്‍ ബസ് തോട്ടിലേക്ക് മറിഞ്ഞ് അപകടം. തിരുവനന്തപുരം പൂവത്തൂരിലാണ് സംഭവം. പൂവത്തൂര്‍ സര്‍ക്കാര്‍ സ്‌കൂളിലെ വാഹനമാണ് തോട്ടിലേക്ക് മറിഞ്ഞത്. വണ്ടിത്തടം പൂവത്തൂര്‍ റൂട്ടിലാണ് അപകടമുണ്ടായത്. 21 കുട്ടികളാണ് വാഹനത്തിലുണ്ടായിരുന്നത്. ഒരു കുട്ടിക്ക് പരിക്കേറ്റു. മറ്റുള്ളവര്‍ സുരക്ഷിതരാണെന്ന് അധ്യാപകര്‍ പറഞ്ഞു. വാഹനത്തിലെ തകരാറുമൂലമാണ് അപകടം ഉണ്ടായതെന്നാണ് പ്രാഥമിക വിലയിരുത്തല്‍.

കൊച്ചി: സംസ്ഥാന സര്‍ക്കാരിന്റെ നവകേരള സര്‍വേ ഹൈക്കോടതി റദ്ദാക്കി. രാഷ്ട്രീയ ക്യാംപെയ്‌നുകളുടെ മറവില്‍ സര്‍വേ പാടില്ലെന്നും ഇത്തരവം സര്‍വേകള്‍ നിയമവിരുദ്ധമാണെന്നും ഹൈക്കോടതി വ്യക്തമാക്കി. ചീഫ് ജസ്റ്റിസ് അധ്യക്ഷനായ ഡിവിഷന്‍ ബെഞ്ചിന്റെതാണ് ഉത്തരവ്. കെഎസ് യു സംസ്ഥാന പ്രസിഡന്റ് ഉള്‍പ്പടെയുള്ളവരാണ് സര്‍വേയ്‌ക്കെതിരെ ഹര്‍ജിയുമായി ഹൈക്കോടതിയെ സമീപിച്ചത്. തെരഞ്ഞെടുപ്പ് മുന്നില്‍ക്കണ്ട് എല്‍ഡിഎഫ് പ്രകടനപത്രിക തയ്യാറാക്കാനാവശ്യമായ വിവരങ്ങള്‍ ശേഖരിക്കാന്‍ സര്‍ക്കാര്‍ പണം ചെലവഴിക്കുന്നെന്ന് ആരോപിച്ചായിരുന്നു ഹര്‍ജി. പാര്‍ട്ടി കേഡര്‍മാരെ ഇറക്കിയുള്ള സര്‍വേയാണ് നടക്കുന്നതെന്നും ഇത് തടയണമെന്നുമായിരുന്നു ആവശ്യം. ഈ ഹര്‍ജിയിലാണ് ഇപ്പോള്‍ കോടതിയുടെ ഇടപെടല്‍.

കൊച്ചി: ബെംഗളൂരുവില്‍നിന്ന് ആഡംബര ബസ്സില്‍ കൊച്ചിയിലേക്ക് കടത്താൻ ശ്രമിച്ച മാരക രാസലഹരിയായ MDMA-യുമായി യുവതിയുൾപ്പെടെ മൂന്നുപേരെ സിറ്റി ഡാന്‍സാഫ് സംഘം പിടികൂടി. കൊച്ചിയിൽ വിതരണം ചെയ്യാനായി എത്തിച്ച 37.65 ഗ്രാം എം.ഡി.എം.എ ഇവരിൽ നിന്ന് കണ്ടെടുത്തു. നാഫില (31) അലന്‍ ഡേവിഡ് (25) ഫസീര്‍ നാസര്‍ (26) പിടിയിലായവരാണ് അറസ്റ്റിലായത്. ബെംഗളൂരുവില്‍ നിന്നുള്ള ബസില്‍ പാലാരിവട്ടം മേല്‍പ്പാലത്തിന് സമീപം വന്നിറങ്ങിയപ്പോഴാണ് നാര്‍ക്കോട്ടിക് സെല്‍ അസിസ്റ്റന്റ് പൊലീസ് കമ്മിഷണര്‍ ടി.ഡി. സുനില്‍കുമാറിന്റെ നേതൃത്വത്തിലുള്ള സംഘം ഇവരെ കസ്റ്റഡിയിലെടുത്തത്. പ്രതികളെക്കുറിച്ചുള്ള രഹസ്യവിവരത്തെ തുടര്‍ന്നായിരുന്നു പരിശോധന. ബെംഗളൂരുവില്‍ ജോലി…