Year: 2025

ബെംഗളൂരു: ചിക്കമഗളൂരുവിൽ കർഷകരായ സഹോദരങ്ങളെ ചവിട്ടിക്കൊന്ന കാട്ടാനയെ വനംവകുപ്പ് പ്രത്യേകദൗത്യത്തിലൂടെ പിടികൂടി. ഞായറാഴ്ച വൈകീട്ടാണ് പരിശീലനംലഭിച്ച അഞ്ച് ആനകളും നൂറിലധികം വനംവകുപ്പ് ഉദ്യോഗസ്ഥരുംചേർന്ന് ഏറെ പരിശ്രമിച്ച് ആനയെ പിടികൂടിയത്. ഒക്ടോബർ 31-നാണ് കുദ്രേമുഖ് വന്യജീവി ഡിവിഷനിലെ കെരേകട്ടെ റേഞ്ചിൽ ഉമേഷ്, ഹരീഷ് ഷെട്ടി എന്നീ കർഷകരായ സഹോദരങ്ങളെ 40 വയസ്സുള്ള കാട്ടാന ചവിട്ടി ക്കൊന്നത്. തുടർന്ന് പ്രദേശവാസികളുടെ നേതൃത്വത്തിൽ വനംവകുപ്പിനെതിരേ ജനരോഷം ശക്തമായിരുന്നു. ഇതേത്തുടർന്നാണ് ആനയെ പിടികൂടാൻ ഞായറാഴ്ച രാവിലെ വനംവകുപ്പ് ദൗത്യം ആരംഭിച്ചത്. മണിക്കൂറുകൾക്കകം വൈകീട്ട് ചിക്കമഗളൂരുവിലെ ഭഗവതി നേച്ചർ ക്യാമ്പിന് സമീപം…

ബെംഗളൂരു: കേരള ആര്‍ടിസി ഉത്തരമലബാറിലേക്ക് കൂടുതല്‍ എസി ബസ് സര്‍വ്വീസുകള്‍ ആരംഭിക്കുന്നു. തലശ്ശേരിക്കും പയ്യന്നൂരിനും പുറമേ കണ്ണൂരിലേക്കുള്ള സ്വിഫ്റ്റ് എസി സീറ്റര്‍ സര്‍വ്വീസ് ഇന്ന് ആരംഭിക്കും. ഡീലക്‌സിന് പകരമാണ് എസി ബസ് ഏര്‍പ്പെടുത്തിയത്. വൈകിട്ട് 9.55ന് സാറ്റലൈറ്റ് ടെര്‍മിനലില്‍ നിന്ന് പുറപ്പെടുന്ന ബസ് രാവിലെ 5.10ന് കണ്ണൂരിലെത്തും. തിരിച്ച് കണ്ണൂരില്‍ നിന്ന് രാത്രി 9.30ന് പുറപ്പെട്ട് രാവിലെ 5.05ന് ബെംഗളൂരുവിലെത്തും. നിലവില്‍ ഒന്നിടവിട്ട ദിവസങ്ങളിലാണ് സര്‍വ്വീസെങ്കിലും രണ്ടാമത്തെ ബസ് കൂടി ലഭിക്കുന്നതോടെ പ്രതിദിനമാകും.

ബെംഗളൂരു : വിജയപുര ജില്ലയിൽ ഇന്ന് രാവിലെ വീണ്ടും ഭൂചലനം അനുഭവപ്പെട്ടു, പരിഭ്രാന്തരായി ആളുകൾ വീടുകളിൽ നിന്ന് പുറത്തേക്ക് ഓടി. കഴിഞ്ഞ കുറച്ച് ദിവസങ്ങളായി വിജയപുരയിൽ ഭൂകമ്പം അനുഭവപ്പെടുന്നുണ്ട്. ഇന്ന് രാവിലെ 7.49 ഓടെയാണ് വൻ സ്ഫോടന ശബ്ദത്തോടൊപ്പം ഭൂകമ്പം ഉണ്ടായത്. റിക്ടർ സ്കെയിലിൽ 3.1 തീവ്രത രേഖപ്പെടുത്തിയ ഭൂചലനം വിജയപുര നഗരം, തോരാവി, ശിവഗിരി, ടിക്കോട്ട, കൽക്കകവതഗി, ഹൊന്നൂതാഗി, വിജയപുര, ടിക്കോട്ട താലൂക്കുകളിൽ അനുഭവപ്പെട്ടു. കൂടുതൽ വിവരങ്ങൾ കാത്തിരിക്കുന്നു.