നൈറ്റ് ഫ്രാങ്കിന്റെ പ്രൈം ഗ്ലോബൽ സിറ്റീസ് ഇൻഡെക്സ് (പിജിസിഐ) 2025 ലെ രണ്ടാം പാദത്തിൽ ബെംഗളൂരു, മുംബൈ, ഡൽഹി എന്നിവയെല്ലാം മികച്ച 15 നഗരങ്ങളിൽ ഇടം നേടി.
സാങ്കേതികവിദ്യയിൽ അധിഷ്ഠിതമായ സമ്പത്തിൽ നിന്ന് പ്രചോദനം ഉൾക്കൊണ്ട ബെംഗളൂരു,ഏപ്രില്മുതല് ജൂണ്വരെയുള്ള കാലയളവില് ഭവനവില വര്ധനയില് 10.2% വാർഷിക വർധനവോടെ നാലാം സ്ഥാനം നേടി.
ദക്ഷിണകൊറിയയുടെ തലസ്ഥാനമായ സിയോളാണ് ഒന്നാമത്. ഇവിടെ 25.2 ശതമാനം വിലവര്ധിച്ചു. രണ്ടാംസ്ഥാനം ടോക്യോയ്ക്കും (16.3 ശതമാനം), മൂന്നാംസ്ഥാനം ദുബായ്ക്കുമാണ് (15.8 ശതമാനം).
ലോകത്തെ പ്രധാന 46 നഗരങ്ങളാണ് സൂചികയില് ഇടംനേടിയിരിക്കുന്നത്. വിലവര്ധനയില് ഇന്ത്യയില് രണ്ടാംസ്ഥാനം മുംബൈയ്ക്കാണ്. 8.7 ശതമാനാണ് മൂന്നുമാസത്തില് മുംബൈയിലെ ഭവനവിലയിലുണ്ടായിരിക്കുന്ന വര്ധന. ആഗോളതലത്തില് മുംബൈയ്ക്ക് ആറാംസ്ഥാനമാണ്. രാജ്യതലസ്ഥാനമായ ഡല്ഹി (3.9 ശതമാനം) ആഗോളതലത്തില് 15-ാമതാണ്.
മുംബൈയും ഡല്ഹിയും കഴിഞ്ഞ സൂചികപ്രകാരവും ഇതേസ്ഥാനത്തായിരുന്നു. എന്നാല്, ബെംഗളൂരു അഞ്ചാം സ്ഥാനത്തുനിന്നാണ് ക്വലാലംപുരിനെ മറികടന്ന് നാലാമത് എത്തിയത്. ആഗോളതലത്തില് കഴിഞ്ഞ മൂന്നുമാസത്തെ ശരാശരി ഭവനവിലവര്ധന 2.3 ശതമാനമാണ്. എന്നാല്, ഇന്ത്യയില് ഇത് 3.5 ശതമാനമാണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
