Day: 19 August 2025

ബെംഗളൂരു : കർണാടകത്തിലെ നഴ്‌സിങ് കോളേജുകളിൽ പഠിക്കാൻ വിദ്യാർഥികളില്ല. പ്രവേശന നടപടികൾ ആദ്യഘട്ടം കഴിഞ്ഞപ്പോൾ 165 കോളേജുകളിൽ ഒരുസീറ്റിൽപോലും പ്രവേശനം നടന്നിട്ടില്ല. ആകെ 649 നഴ്‌സിങ് കോളേജുകളാണുള്ളത്. സംസ്ഥാനത്ത് ലഭ്യമായ 31,726 നഴ്‌സിങ് സീറ്റുകളിൽ 15,185 എണ്ണത്തിൽ മാത്രമാണ് വിദ്യാർഥികൾ പ്രവേശനത്തിന് തയ്യാറായിരിക്കുന്നത്. ഇതിൽത്തന്നെ പകുതിയോളംപേർ മാത്രമാണ് ഫീസ് അടച്ച് പ്രവേശം ഉറപ്പിച്ചിരിക്കുന്നത്. രണ്ടുകോളേജുകളിൽമാത്രമാണ് ഇത്തവണ 100-ൽ കൂടുതൽ പേർ പ്രവേശനം നേടിയത്. മംഗളൂരുവിലുള്ള ഫാ. മുള്ളേഴ്‌സ് കോളേജ് ഓഫ് നഴ്‌സിങ്, കാനച്ചൂർ കോളേജ് ഓഫ് നഴ്‌സിങ് സയൻസസ് എന്നീ കോളേജുകളിലാണ് 100-ൽ കൂടുതൽ…

ബെംഗളൂരു : തെരുവ് നായ്ക്കൾക്ക് അഭയം നൽകുന്നതിന് കർശന നടപടികൾ സ്വീകരിക്കണമെന്ന് സുപ്രീം കോടതി നിർദ്ദേശിച്ചിട്ടുണ്ടെങ്കിലും, മറുവശത്ത്, കുട്ടികൾക്കെതിരായ തെരുവ് നായ്ക്കളുടെ ക്രൂരമായ ആക്രമണം തുടരുകയാണ്. സംസ്ഥാനത്ത് തെരുവ് നായ്ക്കളുടെ ശല്യം തുടരുന്നു, ദാവണഗരെയിൽ, തെരുവ് നായയുടെ ആക്രമണത്തിന് ഇരയായ 4 വയസ്സുകാരി ചികിത്സയിലിരിക്കെ മരിച്ചു. ദാവൻഗരെയിലെ ശാസ്ത്രി ലേഔട്ടിൽ കളിച്ചുകൊണ്ടിരിക്കെ തെരുവ് നായയുടെ ആക്രമണത്തിൽ പരിക്കേറ്റ നാലു വയസ്സുകാരി ഖദീര ബാനു ചികിത്സയിലിരിക്കെ ഞായറാഴ്ച രാത്രി മരിച്ചു. ബെംഗളൂരുവിലും മറ്റിടങ്ങളിലുമുള്ള വിവിധ സ്വകാര്യ ആശുപത്രികളിൽ റാബിസിനു ചികിത്സ തേടിയിരുന്നു.

ബെംഗളൂരു : കർണാടകത്തിൽ വർധിച്ചുവരുന്ന വിവാഹങ്ങൾ തടയാൻ ‘അക്ക പടെ’ (സഹോദരി സേന) പദ്ധതി നടപ്പാക്കുന്നു. ആദ്യഘട്ടത്തിൽ മൈസൂരു, ബെളഗാവി, ദക്ഷിണ കന്നഡ ജില്ലകളിൽ പദ്ധതി നടപ്പാക്കും. സ്വാതന്ത്രദിനമായ വെള്ളിയാഴ്ച മുതൽ ഇതിന്റെ പ്രവർത്തനങ്ങൾ തുടങ്ങാൻ അതത് ജില്ലാ ഭരണകൂടങ്ങൾക്ക് വനിതാ ശിശുവികസന മന്ത്രി ലക്ഷ്മി ഹെബ്ബാൾക്കർ നിർദേശം നൽകി. ‘അക്കാ പടെ’യിൽ വനിതാ പോലീസ് ഉദ്യോഗസ്ഥർ, എൻസിസി സീനിയർ കെഡേറ്റുകൾ, വനിതാശിശു വികസന വകുപ്പ് ഉദ്യോഗസ്ഥർ എന്നിവർ ഉൾപ്പെടുന്ന ഒരു സ്ക്വാഡാണ് ഉണ്ടാകുക. ഗ്രാമപ്പഞ്ചായത്ത് തലം മുതൽ ജില്ലാതലം വരെ നിരീക്ഷണസേനകൾ രൂപവത്കരിക്കും.…

ബെംഗളൂരു : ധർമസ്ഥലയിൽ മൃതദേഹാവശിഷ്ടങ്ങൾ കണ്ടെത്താനായി സ്ഥലങ്ങൾകുഴിച്ച് നടത്തുന്ന തിരച്ചിൽ താത്കാലികമായി അവസാനിപ്പിച്ചു. ഇതുവരെനടന്ന തിരച്ചിലിൽ രണ്ടുസ്ഥലങ്ങളിൽനിന്നാണ് മൃതദേഹഭാഗങ്ങൾ കണ്ടെത്തിയതെന്ന് ആഭ്യന്തരമന്ത്രി പറഞ്ഞു. ഒരുസ്ഥലത്തുനിന്ന് അസ്ഥിക്കൂടം ലഭിച്ചു. നിലവിൽ കണ്ടെത്തിയ മൃതദേഹാവശിഷ്ടങ്ങളുടെ ഫൊറൻസിക് പരിശോധനാഫലം വരുന്നതുവരെ തിരച്ചിൽ നിർത്തിവെക്കാൻ തീരുമാനിച്ചതായി ആഭ്യന്തരമന്ത്രി ജി. പരമേശ്വര തിങ്കളാഴ്ച നിയമസഭയിൽ പറഞ്ഞു. ഇനിയും തിരിച്ചിൽ വേണമോയെന്നകാര്യം പ്രത്യേക അന്വേഷണ സംഘം (എസ്‌ഐടി) തീരുമാനിക്കുമെന്നും അതിൽ സർക്കാർ ഇടപെടില്ലെന്നും അദ്ദേഹം വ്യക്തമാക്കി.