Month: July 2025

ബെംഗളൂരു : പൊതുപരിപാടിക്കിടെ മുഖ്യമന്ത്രി സിദ്ധരാമയ്യ പരസ്യമായി മുഖത്തടിക്കാൻ  കൈയുയർത്തി അപമാനിച്ചതിനെ തുടർന്ന് ഐപിഎസ് ഓഫീസർ സ്വമേധയാ വിരമിക്കാൻ രാജിക്കത്ത് നൽകി ഇത് സംസ്ഥാനത്തുടനീളം പ്രതിഷേധത്തിന് കാരണമായി. മുഖ്യമന്ത്രിയും ആഭ്യന്തരമന്ത്രിയും ഇടപെട്ട് സമാധാനിപ്പിച്ചതോടെ പിന്നീട് രാജിതീരുമാനത്തിൽനിന്ന് പിൻവാങ്ങി. ധാർവാഡ് അഡീഷണൽ ജില്ലാ പോലീസ് മേധാവി നാരായണ ഭരാമണിക്കാണ് തിക്താനുഭവമുണ്ടായത്. അടുത്തിടെ ബെലഗാവിയിൽ നടന്ന കോൺഗ്രസ് സമ്മേളനത്തിനിടെ മുഖ്യമന്ത്രി സിദ്ധരാമയ്യ അദ്ദേഹത്തെ വേദിയിലേക്ക് വിളിച്ചുവരുത്തി അടിക്കാൻ കൈയോങ്ങുകയായിരുന്നു. പൊതുസമ്മേളത്തിൽ കോൺഗ്രസ് പ്രവർത്തകർക്കൊപ്പം കയറിപ്പറ്റിയ ബിജെപി മഹിളാമോർച്ചാ പ്രവർത്തകർ മുഖ്യമന്ത്രിക്കുനേരേ പ്രതിഷേധിച്ചതാണ് സിദ്ധരാമയ്യയെ രോഷാകുലനാക്കിയത്. ചുമതലയിലുണ്ടായിരുന്ന എഎസ്‌പിയെ വേദിയിലേക്ക്…

ബെംഗളൂരു : ചിക്കമഗളൂരു ജില്ലയിലെ വിവിധ ഭാഗങ്ങളിൽ ഒരുമണിക്കൂറിൽ മൂന്ന് മാലപൊട്ടിക്കൽ. ഞായറാഴ്ച വൈകീട്ട് ബൈക്കിലെത്തിയ രണ്ടംഗസംഘം സ്ത്രീകളുടെ കണ്ണിൽ മുളകുപൊടിയെറിഞ്ഞാണ് കവർച്ച നടത്തിയത്. കടൂർ താലൂക്കിലെ വിവിധ പ്രദേശങ്ങളിലാണ് കവർച്ച. പ്രതികളെ പിടികൂടാൻ തരിക്കരെ ഡിവൈഎസ്‌പിയുടെ നേതൃത്വത്തിൽ പ്രത്യേകസംഘത്തെ നിയമിച്ചതായി എസ്‌പി വിക്രം അമാത്തെ അറിയിച്ചു. കടൂർ, ബിരൂർ, സിംഗടകരെ പോലീസ് സ്റ്റേഷനു കീഴിലാണ് കവർച്ച നടന്നത്. കവർച്ച നടത്തിയത് ഒരേസംഘമാണെന്നാണ് സൂചനയെന്നും പ്രതികളെ ഉടൻ പിടികൂടുമെന്നും എസ്‌പി അറിയിച്ചു.

ബെംഗളൂരു : സംസ്ഥാനത്ത് ക്രമാതീതമായി കടുവകൾ ചാവുന്നത് വർധിച്ചതിനെക്കുറിച്ച് സംസ്ഥാനസർക്കാർ അന്വേഷിക്കും. സ്വാഭാവികമായും അസ്വഭാവികമായും ചാവുന്ന കടുവകളുടെ എണ്ണവും ഇതിന്റെ കാരണങ്ങളും അന്വേഷണവിധേയമാക്കുമെന്ന് മന്ത്രി വ്യക്തമാക്കി. 10 ദിവസത്തിനുള്ളിൽ റിപ്പോർട്ട് സമർപ്പിക്കണമെന്നാണ് നിർദേശം. കടുവകൾ ചത്തതുമായി ബന്ധപ്പെട്ട് ഉദ്യോഗസ്ഥരുടെ ഭാഗത്ത് വീഴ്ചയുണ്ടായെന്ന്‌ കണ്ടെത്തിയാൽ കർശന നടപടിയെടുക്കും. കഴിഞ്ഞ അഞ്ചരവർഷത്തിനിടെ സംസ്ഥാനത്ത് 82 കടുവയാണ് ചത്തത്. ആറുമാസത്തിനിടെ 10 കടുവ ചത്തു. ദേശീയ കടുവസംരക്ഷണ അതോറിറ്റിയുടെയും വനംവകുപ്പിന്റെയും കണക്കാണിത്. കഴിഞ്ഞയാഴ്ചയിൽ ചാമരാജനഗർ ജില്ലയിലെ എംഎം ഹിൽസ് കടുവസങ്കേതത്തിൽ അഞ്ച്‌ കടുവയെ ചത്തനിലയിൽ കണ്ടെത്തിയിരുന്നു. ഈ പശ്ചാത്തലത്തിലാണ്…