ബെംഗളൂരു: ബെംഗളൂരു ഉൾപ്പെടെ കർണാടകയിലെ മിക്ക ജില്ലകളിലും ഇന്ന് മുതൽ മഴ ശക്തമാകുമെന്ന് കാലാവസ്ഥാ വകുപ്പ് പ്രവചിച്ചു . ജൂൺ 13 ന് ശേഷം കനത്ത മഴയുണ്ടാകും.
ഉത്തര കന്നഡ, ദക്ഷിണ കന്നഡ, ഉഡുപ്പി, ബാഗൽകോട്ട്, ബെൽഗാം, ബിദാർ, ധാർവാഡ്, ഗഡാഗ്, ഹാവേരി, കലബുറഗി, കൊപ്പൽ, റായ്ച്ചൂർ, വിജയപുര, യാദ്ഗിരി എന്നിവിടങ്ങളിൽ മിതമായ മഴ ലഭിക്കുമെന്നും മൂന്ന് ദിവസത്തിനുള്ളിൽ മഴ വർദ്ധിക്കും. ഇവിടെ യെല്ലോ അലർട്ട് പ്രഖ്യാപിച്ചിട്ടുണ്ട്.
ബെംഗളൂരു റൂറൽ ഏരിയകളിലും ബെംഗളൂരു നഗരത്തിലും ബുധനാഴ്ച മുതൽ മഴ വർധിക്കും. ചിക്കബല്ലാപ്പൂർ, ചിക്കമംഗളൂരു, ചിത്രദുർഗ, ദാവൻഗെരെ, ഹാസൻ, കുടക്, കോലാർ, മണ്ഡ്യ, മൈസൂരു, രാമനഗര, ശിവമോഗ, തുമകൂർ, വിജയനഗർ എന്നിവിടങ്ങളിലാണ് മഴ മുന്നറിയിപ്പ് ഉള്ളത്.
