ബെംഗളൂരു: ട്രാക്ടർ ഉപയോഗിച്ച് വയലിൽ ഉഴുതുമറക്കുന്നതിനിടെ അജ്ഞാതന്റെ മൃതദേഹം കണ്ടെത്തി.
നെലമംഗല താലൂക്കിലെ മണ്ടനചുർക്ക ഗ്രാമത്തിൽ ഞായറാഴ്ചയാണ് സംഭവം.
ഡ്രൈവർ ഹരീഷ് ട്രാക്ടറിൽ ഉഴുന്നതിനിടെയാണ് അനുസൂയമ്മയുടെ തോട്ടത്തിൽ മൃതദേഹം കണ്ടെത്തിയത്.
ഡോഗ് സ്ക്വാഡും വിരലടയാള വിദഗ്ധരും സ്ഥലപരിശോധനാ സംഘവും സ്ഥലം സന്ദർശിച്ചു.
മൃതദേഹം പൂർണമായും ജീർണിച്ചതിനാൽ തിരിച്ചറിയാൻ പ്രയാസമായിരുന്നു. 45 നും 50 നും ഇടയിൽ പ്രായമുള്ള പുരുഷന്റെ മൃതദേഹം മൂന്നോ നാലോ ദിവസം മുമ്പ് മരിച്ചതാകാം അല്ലെങ്കിൽ കൊലപ്പെടുത്തി ഇവിടെ തള്ളിയിട്ടതാകാമെന്നാണ് സംശയിക്കുന്നത്.
നെലമംഗല റൂറൽ സ്‌റ്റേഷൻ പോലീസ് ഇൻസ്‌പെക്ടർ രാജീവും ജീവനക്കാരും സംഭവസ്ഥലം സന്ദർശിച്ച് പരിശോധന നടത്തി. മൃതദേഹം പോസ്റ്റ്‌മോർട്ടത്തിനായി സർക്കാർ ആശുപത്രിയിലേക്ക് അയച്ചു.
സംശയാസ്പദമായ രീതിയിൽ മൃതദേഹം കണ്ടെത്തിയ സംഭവത്തിൽ പോലീസ് കേസെടുത്ത് അന്വേഷണം തുടരുകയാണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
