Day: 1 April 2023

ബെംഗളൂരു : ദാമ്പത്യപ്രശ്നത്തെത്തുടർന്ന് ദമ്പതിമാർ ആത്മഹത്യചെയ്തു. ശ്രീരംഗപട്ടണയിലെ കെ. ഷെട്ടിഹള്ളി ഗ്രാമത്തിലാണ് സംഭവം. പുരുഷോത്തം (46), വിദ്യ (32) എന്നിവരാണ് ജീവനൊടുക്കിയത്. ദമ്പതിമാർക്കിടയിൽ വഴക്ക് സ്ഥിരമായിരുന്നു. വ്യാഴാഴ്ച മൈസൂരുവിലെ സ്വകാര്യകമ്പനിയിലെ ജീവനക്കാരനായ പുരുഷോത്തം ജോലിക്ക് പോയപ്പോൾ വിദ്യ വീട്ടിനകത്ത് തൂങ്ങി മരിക്കുകയായിരുന്നു. ഭാര്യയുടെ മരണവിവരമറിഞ്ഞ് വീട്ടിലെത്തിയ പുരുഷോത്തം മൃതദേഹം താഴെയിറക്കിയശേഷം സമീപത്തെ വയലിൽപ്പോയി തൂങ്ങിമരിച്ചു. ദമ്പതിമാർക്ക് ഏഴും അഞ്ചും വയസ്സുള്ള രണ്ട് ആൺകുട്ടികളുണ്ട്

ബെംഗളൂരു: നഗരത്തിലെ മലയാളികൾക്ക് പുതുപുത്തൻ യാത്രാനുഭവം ഏകുന്ന സംസ്ഥാനാന്തര ബസ് സർവീസുകൾ കൂടുതൽ കാര്യക്ഷമമാക്കാനുള്ള പദ്ധതികളുമായി കേരള ആർടിസി സ്വിഫ്റ്റ് രംഗത്ത്. കഴിഞ്ഞ വർഷം ഏപ്രിലിൽ ആരംഭിച്ച കെ സ്വിഫ്റ്റ് ബസ് സർവീസ് ഒരു വർഷം പിന്നിടുന്ന വേളയിൽ കൂടുതൽ റൂട്ടുകളിലേക്ക് വ്യാപിപ്പിക്കുന്നതിനൊപ്പം നഗരത്തിൽ കൂടുതൽ ഇടങ്ങളിൽ ബോർഡിങ് പോയിന്റുകൾ ആരംഭിക്കുമെന്നും കേരള ആർടിസി സ്വിഫ്റ്റ് ജനറൽ മാനേജർ ചെറിയാൻ എൻ.പോൾ പറഞ്ഞു. നിലവിൽ കേരള ആർടിസി സ്വിഫ്റ്റിന് ബെംഗളൂരുവിൽ നിന്നുള്ള പ്രതിദിന സർവീസുകളുടെ എണ്ണം 27. ഇതിൽ 4 എസി മൾട്ടി ആക്സിൽ…

ബെംഗളൂരു: ബെംഗളൂരു–മൈസൂരു അതിവേഗ പാതയിലെ (എൻഎച്ച് –275) ടോൾ നിരക്ക് ഇന്ന് മുതൽ വർധിക്കും. പ്രതിദിന നിരക്ക് 30 രൂപ മുതൽ പ്രതിമാസ പാസിന് 6755 രൂപ വരെയാണ് ഉയർന്നത്. ദേശീയപാതകളിൽ ഏറ്റവും ഉയർന്ന നിരക്കാണ് നിലവിൽ ഇവിടെ ഈടാക്കുന്നത്. ബെംഗളൂരുവിൽ നിന്നു മൈസൂരുവിലേക്ക് പോകുന്നവർക്ക് ബിഡദിയിലും മറുദിശയിൽ സഞ്ചരിക്കുന്നവർ രാമനഗര ശേഷഗിരിഹള്ളിയിലുമാണ് ടോൾ നൽകേണ്ടത്. കാറുകൾ അടക്കമുള്ള ചെറുവാഹനങ്ങൾക്ക് ഒരു വശത്തേക്ക് 165 ഉം, ഇരുവശങ്ങളിലേക്ക് 250 രൂപയുമായാണ് ടോൾ വർധന. നിലവിൽ ഇത് 135, 205 രൂപയാണ്. പ്രതിമാസ പാസ് 4525…