Year: 2019

ബെംഗളൂരു: നഗരത്തിലെ വിദ്യാർഥികൾക്ക് കഞ്ചാവ് വിൽപ്പന നടത്തിവന്ന മൂന്നുമലയാളികൾ പിടിയിൽ. വംശി കൃഷ്ണ (28), സിദ്ധാർഥ് (22), അരവിന്ദ് (21) എന്നിവരെയാണ് സുദ്ദുഗുണ്ടെപാളയ പോലീസ് പിടികൂടിയത്. വർഷങ്ങളായി ബെംഗളൂരുവിൽ താമസിച്ചുവരുകയാണ് ഇവർ. വംശി കൃഷ്ണ ഐ.ടി. ജീവനക്കാരനാണ്. മറ്റുരണ്ടുപേരും ഹൊസൂർ റോഡിലെ സ്വകാര്യ കോളേജിലെ ബിരുദവിദ്യാർഥികളാണ്. ഇവരിൽനിന്ന് ഒരുകിലോയോളം കഞ്ചാവും മറ്റു മയക്കുമരുന്നുകളും പിടിച്ചെടുത്തു. ഇവയ്ക്ക് മൂന്നുലക്ഷം രൂപയിലധികം വിലമതിക്കും. വംശി കൃഷ്ണയാണ് കഞ്ചാവ് വിൽപ്പന സംഘത്തിലെ പ്രധാനിയെന്ന് പോലീസ് പറഞ്ഞു. രണ്ടുവർഷം മുമ്പാണ് സാമൂഹികമാധ്യമങ്ങളിലൂടെ സിദ്ധാർഥും അരവിന്ദും ഇയാളെ പരിചയപ്പെടുന്നത്. വിവിധ കോളേജുകളിൽനിന്നുള്ള…

ബെംഗളൂരു : മടിവാളയിൽ റോഡും നടപ്പാതകളും കൈയേറി നിർമ്മിച്ച 88 കടകൾ പൊളിച്ചുനീക്കാൻ ബി.ബി.എം.പിക്ക് (ബൃഹത് ബെംഗളൂരു മഹാനഗര പാലികെ) ഹൈക്കോടതിയുടെ കർശന നിർദ്ദേശം.   റോഡുകൾ ജനങ്ങളുടേയും വാഹനങ്ങളുടേയും സുഗമമായ നീക്കത്തിന് ഉള്ളതാണെന്നും മഡിവാള -സർജാപൂർ സർവീസ് റോഡിലെ അനധികൃത നിർമ്മാണങ്ങൾ പൊളിച്ചുനീക്കണമെന് നിർദേശിച്ച കോടതി വ്യക്തമാക്കി. റോഡ് കൈയേറി ഉള്ള കടകൾ നീക്കം ചെയ്യണമെന്ന് ആവശ്യപ്പെട്ടുള്ള പൊതുതാൽപര്യ ഹർജി പരിഗണിക്കുകയായിരുന്നു കോടതി. ബന്ധപ്പെട്ട നിയമം കർശനമായി നടപ്പാക്കാൻ ഒന്നര മാസത്തിനകം സമിതി രൂപീകരിക്കാൻ ഹൈക്കോടതി സർക്കാരിന് നിർദ്ദേശം നൽകി.

ബെംഗളൂരു : ഇന്നും നാളെയും കൂടി നഗരത്തിൽ കനത്ത മഴ പെയ്യാൻ സാദ്ധ്യത ഉള്ളതായി കാലാവസ്ഥാ പ്രവചനം. തുടർന്നുള്ള ദിവസങ്ങളിൽ മഴ കുറയുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. നഗരത്തിൽ രാത്രി കാലങ്ങളിലാണ് മഴ കൂടുതലായി ലഭിക്കുന്നത്. ഏതാനും ദിവസങ്ങൾ മുൻപ് ആരംഭിച്ച കനത്ത മഴ മലനാട്, തീരദേശം അടക്കം 17 ജില്ലകളിൽ പ്രളയം സൃഷ്ടിച്ചിരുന്നു.