ബെംഗളൂരു : കനത്ത മൂടൽമഞ്ഞ് കാഴ്ചമറച്ചതിനെത്തുടർന്ന് തിങ്കളാഴ്ച രാവിലെ ബെംഗളൂരു അന്താരാഷ്ട്ര വിമാനത്താവളത്തിൽ 48 വിമാനസർവീസ് വൈകി.
രണ്ട് രാജ്യാന്തരസർവീസ് ഉൾപ്പെടെയാണ് വൈകിയത്. പുലർച്ചെ 4.14-നും 10.30-നും ഇടയിലുള്ള വിമാനങ്ങളെയാണ് മൂടൽമഞ്ഞ് ബാധിച്ചത്.
12.5 ഡിഗ്രി സെൽഷ്യസായിരുന്നു വിമാനത്താവളപരിസരത്തെ തിങ്കളാഴ്ചത്തെ കുറഞ്ഞതാപനില.
ഡൽഹിയിലേക്കുള്ള നാല് വിമാനസർവീസ് റദ്ദാക്കുകയും ചെയ്തിട്ടുണ്ട്. ഡൽഹി വിമാനത്താവളത്തിലെ മൂടൽമഞ്ഞിനെത്തുടർന്നാണിത്.
ഡൽഹിയിൽനിന്ന് ബെളഗാവിയിലേക്ക് തിങ്കളാഴ്ച രാവിലെ വരേണ്ട ഇൻഡിഗോ വിമാനം നാലുമണിക്കൂർ വൈകിയാണെത്തിയത്.
രാവിലെ 8.15-ന് എത്തേണ്ട വിമാനം ഉച്ചയ്ക്ക് 12.15-നാണെത്തിയത്. കർണാടക മന്ത്രി എച്ച്.കെ. പാട്ടീൽ ഉൾപ്പെടെയുള്ളവർ ഇതിലുണ്ടായിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
